منتديات اليمن أغلى YEMEN FORUMS - ابليس يصف الوضع والحاله في اليمن هههههههه

منتديات اليمن أغلى YEMEN FORUMS (http://www.the-yemen.com/vb/index.php)

- •• التسـلية والتــرفيه (http://www.the-yemen.com/vb/forumdisplay.php?f=36)

- - ابليس يصف الوضع والحاله في اليمن هههههههه (http://www.the-yemen.com/vb/showthread.php?t=20231)

ابليس يصف الوضع والحاله في اليمن هههههههه

كان في غرفته, يلملم ملابسه في حقيبة إلى جانب باقي متعلّقاته, على المنضدة القريبة كانت استقالته موقّعة ومختومة حسب الأصول, وبجوارها تقبع ون-واي تيكت إلى جزر القمر.
كانت ملامح وجهه في تلك اللحظات تنطق بالحزن, الكآبة, الإحباط, اليأس, وقلّة الحيلة... مع دهشة مزمنة ارتسمت عليه منذ فترة ليست بالقريبة, واعترافٍ بالعجز والفشل.
إبليس راحلٌ عن بلادنا إلى غير رجعة... فليفرح المؤمنون...

- وين يامسهّل؟ ليش بتاخذ اغراضك ...؟
-يارجال خلاص مارح اقعد عندكم , إلي سنين عاطل عن العمل وقرّبت أموت من الجوع.. الاقي معك سيجارة ياخوك؟
مش قاطع فيكم لا وسواس ولا خنّاس! كنت زمان بوسوس للوحدة تسيب ابنها يبكي وهي بتتكلم مع جاراتها, الحين صاروا لحالهم يرموا اولادهم في الحاوية أوّل مايجوا

!
كنت أوسوس للواحد ينسى يسمّي الله قبل مايوكل, الحين بطّل حدا يلاقي شي ياكله ! يارجال إذا أنا إبليس تسمّمت بالشاورما!
كنت برضو بوسوس للشاب يرميله كلمة ع البنت وهي ماشية بالشارع, صاروا البنات يطقّسوا ع الشباب بكلام أنا نفسي بستحي أحكيه!
واحد بسرق 6 مليون ريال عيني عينك بحبسوه 3 سنين في المركزي, واثنين بنبشوا في مكبّ الزبالة بتطخّهم الشرطة, إنتو مالكم الا ابليس إنتو؟!
صار عندكم فائض في الفساد بكفّي 30 سنة لقدّام, صرت أخاف على حالي منكم!
يارجال مرّات بضطرّ أوسوس بالشقلوب وأقول للمسؤول إرحم وللحرامي بكفّي خلّي شويّ للحراميّة اللي رح ييجوا بعدك!
يعني إذا إنتو لحالكم سمالله بتعملوا كل هالبلاوي, أنا إبليس ايش اعمل ؟ أشتغل شوفير تكسي يعني ولاّ أفتح صالون حلاقة؟ ماظلّ غير أقدّم للأوقاف يعيّنوني واعظ أو إمام جامع!

ثمّ فتح الباب وانطلق خارجاً إلى غير رجعة