|
مواقف اتضحك لبنات الامارات في السفر .. حياكم
مواقف اتضحك لبنات الامارات في السفر .. حياكم
السلام عليكم ورحمة الله وبركاته شحالكم عساكم طيبين وزينين وكويسين ومناح هههه خلال تصفحي موقع قوقل حصلت موضوع في منتدى اماراتي بخصوص مواقف مضحكة حصلت للاعضاء وهم في السفر .. طبعا المنتدى نسائي فـ كل المواقف نسائية تراني مادشيت متعمد بالحظ هههه اخليكم مع المواقف ------------------------------------------------------------------- هلا خواتي بمناسبة قدوم الصيف والعرب كلها متشلشله وشاله بعمرها شو رايكم كل وحده اتحط لنا موقف ايضحك استوى لها ف السفر وخصوصا ف البلدان الي ما يعرفون يرمسون انجلش مثل ايطاليا اسمينا نتوهق يوم انرمس الايطالين لا يعرفون يرمسون اتجلش ولا نحن نعرف نرمس لغتهم وطبعا بالاشاير الا من رحم ربي المهم ببدا كنا ف الاندرجرواند ف المانيا (القطار الي تحت الارض) وماشاءالله كانوا عرب من البلاد مجابلينا ف الكراسي ووراهم واحد اسمر(مواطن بس ما يدروبه انه من البلاد يتحسبونه اجنبي) وعندهم صغاريه ما شاء الله عليهم حشره ولا بطايعيين ييلسون وعلى كل محطه يبون ينزلون المهم ابوهم يالس يفتن عليهم جان يقولهم قسم بالله ان ما يلستوا اتشوفون هالاسود والله بهده عليكم ياكلكم,,,وهذاك ماشاء الله معضل ....وخلاف بعد رمس قال اتشوفونه هذا العوود تراه هذا جونجر بخليه يلعن صير صيركم والمهم وهم حاطين على الريال حط واانا واختي يالسات نتسمع وانطوف الوقت لين نوصل المحطه الي بنزل فيها وخلاف وقف القطار نزل الريال الاسمر المحطه وقبل ما ينزل جان يقول لصغاريه يالله يلسوا عن المصاخه وسلم على الريال ...قاله ....يالله اخويه مع السلامه انا هنيه هلككككككككككككت من الضحك طلع الريال راعي البلاد ويالس يتسمع رمسة الريال ويسايره بس لو شفتوا ويه الريال الي يهد على عياله وحليله غدا ويه طماطا ولا نطق فقير من اللوم ما قدرت ايوود عمري كل شويه واضحك ...قمت وغيرت مكاني ما قدرت ايود عمري من الموقف ------------------------------------------------------------------- ههههههههههههههههههه سوالف يا توته زين انه الريال فقير تم صاخ ولا قاله شي المهم انا بقولكم سالفتي طبعا كنا فالصين وهناك خبر خير لا لغه ولا اشاره يفهمون مادري كيف هايلا غزو العالم وهم هبلان عاده باجي عن سفرنا يوم واحد لنه بنرد لبلاد والمترجم خلاص رخصناه ونحن يالسين انرتب الاغراض جان اتقول بنت عميه شكله الوزن زايد اكيد بنق نق جان ادش الحمام الله يعزكم وبيب الميزان ظهر خربان تمينا انفكر شو انسوي لنه الوزن عندهم وايد غالي فالمطار جان اقولهم بس يتني الفكره نزلت الرسبشن واشرحلهم موليه ما فهمو اخر شي جان اخذ ورقه ورسم عليها الميزان وحط الورقه تحت ريلي ووقف عليها ههههههههههههههههههههههههه تمو يطالعون قلت ياهي حاله وانقليزي واقف ميت من الضحك يقولي هايلا ما يفهمون جان يرطن عليهم بالصيني وفهمو ويابولي اياه والقهر يضحكون بعد حسسوني انا الغجريه وهم الاذكيا ------------------------------------------------------------------- مرررره كنا في المانيا وفالسياره عاد ومسافات وحاله المووووووووهيم الجماعه بغو الحمام عزكم الله>>>يعني انتي مول ما كنتي تبينه تعرفون طبعا هناك ماشي ماي فـ نشل غراش الريال الاهبل اللي كان يالس صوب الحمامات يوم شافنا وي غراشنا تم يزااااااعق وكلنا مستغربين بلاه!!! >>>عني انا وحده طنننننننشته ودشيت كانت الحاله مستعجله والبقيه واقفين يتواقعون وياه طبعا طلعت انا مرتاحه وهو يزااعق نووو دوووشي نو دووووشي شو بلاك ياريااال المهم محد دش غيري وشردنا عنه وعقب كم يوم شفنا اتراك او شي جي سألناهم شو يعني دوشي وخبرناهم السالفه قال يتحراكم بتتسبحون هههههههههههههههههههههههههههههههه وممممممم هيه من فتره كنت في العمر وكنا انا وماما نطوووف ... وشي هال الشلل الاندونيسيين وغيره.. وانا امشي وكنت اول مره اسير فزايغه شوي ومتيوده في ماما جي ماتسير اندونيسيه وتشششششششل عباتي من ورا فووووووووووووق وانا انصدمت وكنت لابسه بجامه جان ازاعق في نص البقعه "الله يغربلج فصختيتي" والله عقب استوعبت احتتتتتتتتتتتتترق ويهي من اللي قلته جدام الناس وسحبت عباتي من ايدها ومشيت وانا ناهظتنها عن الارض هههههههه حليلها طلعت تتخرطف بالعباه وااافشلتاه فصختني وبعد عسالفه العباه كنا نمشي وواحد سوووري ورانا ويتخرطف بعبينا جان يقوول "اي شووو هاااد كل وحده طولها متر ورااااهااا" هههههههههه ------------------------------------------------------------------- بخبركم عنا كنا في ماليزيا في منتجع افاموسى رووووعة هالمكان المهم نحن عسب ما نتلعوز و كل مره نتريا الباص الي في المنتجع ينقلنا من مكان لمكان قمنا استأجرنا بوقي والله لا راواكم شكلنا كيف كنا فيه تعرفون البوقي السياره الصغيرونه مالت لاعبين الجولف بس يشل شخصين بس احنا كديناه كد تخيلو كنا أنا و أخوي و حرمت أخوي و عيالهم ولد و بنت كلنا نركب فيه نحن الثلاثه على الكرسي الي جدام و الصغاريه نخليهم واقفين في المكان الي مفروض يحطون فيه العصى و الكرات و كل الي يمر علينا يشوف شكلنا يموووووت من الضحك بس صراحه روعة خاصة إذا كان الجو مطر ------------------------------------------------------------------- بقولكم سالفه ثانيه عن ربيعتي مت من الضحك عليها ايقولكم كانت تتمشي هي واختها الصغيره ما ادري في وين المهم منطقه عربيه المهم يتها البوله عزكن الله وقالت الحين شو اسوي.....؟؟؟ هلكت و شافوا ف دربهم فندق جان ترمس الحارس الي عند الباب اتقوله فيه حمام ف اللوبي ؟؟؟؟اختي (تقصد اختها الصغيره) تبى الحمام جان تصارخ عليها اختها الصغيره اتقولها لا تجذبين ماااااااااابى الحمام انتي الي تبينه ويها اتلووووووون فقيره من اللوم هههههههههههههههههههههههههه جان يقولها الحارس فيه ف اللوبي وهو ميت من الضحك عليها اتقولي اشويه وكنت بصفعها خخخخخخخخخخخخخخخخخخخخخخخخخخ ------------------------------------------------------------------- مره أخوي وعياله وحرمته رايحين المانيا فولد اخوي الصغير عمره 4سنوات وامه كانو في اللفت وركب معاهم واحد ريال اسمر فقال ولد اخوي حق امه ماماه شوفي هذا الاسود رد عليه الريال عدال عليك يالابيظاني طلع الريال مواطن -------------------------------------------------------------------موقف ثاني صارلي السنة اللي طافت كنت في شنغماي في تايلاند نزلنا انا وريلي نتريق الصبح ( ليش في ريوق في الليل ؟؟ ويلسنا في اللوبي نتريا الدريول ،،،وصادف هذاك اليوم يوم ميلادي وانا ناسيه السالفة ،،، تخيلوا شو استوي؟؟؟ ياين موظفين الأستقبال صوبي وياهم كيكة صغيرة ويغنون هابي بارتي تيوه ،،، وانا اتلفت يمين ويسار ،،، قلت حق ريلي شو انت مخبرنهم ،،،وريلي خبر خير ،،، اتاريهم شايفينه من جواز سفري عندهم ،،،، وكل الناس قامت اتطالع صوبنا وانا ويهي صدق محترق ،،،،، بس صراحة موقف ما ينسى ابدا ،،،، ------------------------------------------------------------------- مرة كنا سايرين كنـدا وشفنا وحده بالعاااااااااااااافيه دبه و سمراا جان ابويه يقول حق الصغاريه : ان ماصخيتوا بخلي هاي [حرمه الزعيم الافريقي] تيلس فوقهم جان اتصد و تقول : ايه ياروح امك [ هيه اثيوبيه تشتغل عند عايله مصرية] هني نحن بطلنا عيونا و عقب انسدحنـــــــــــا من الضحـــــــــــــــك ابويه يبى يضحك بس ميود عمره هههههههههههههههههههههههههههه ------------------------------------------------------------------- انا اتذكر لما كنت مع ريلي في اسطنبول نتمشى على الكورنيش وفيه وايد ناس تتمشى شراتنا ماوعيت إلا بذاك الكلب الأسود الكبير( أعزكم الله )ياي يركض صوبي انا بالذات كأنه حد هادنه علي هههههههههههه وانا تميت ازاعج واصارخ وريلي الدب مييت علي من الضحك واونه ليش تخافي كلب عادي مايخووف!! ------------------------------------------------------------------- مره كنا سايرن بلجيكا وريلي ضاري ياخذ سيارة وعدناGPS واخترنا انسير حديقه من الحدائق الي عندهم واحنا ف الطريج جان اشوف حديقه ثانيه حلووووه وفيها ورود وعيبتني جان الزم ان نزل هاي الحديقه احسن وها وها جان ريلي يوافق (ترا ريلي ما يحب يغير رايه وايد) خخخ ونزلنا انا والصغاريه والبشكاره ونزلنا الغدا وشوي وتم يطيح نفاف وانا مستانسه من الجو والمكان وطلعت الكيمرة بصور (بعدنا عند المدخل وانا باديه بالتصوير تشككك واول ما دخلنا وازيد التشششككك (حشاااا سيلانية مب شايفه ورد خخخ) جان يطلع شيبه يتحرطم ويتحرطم وانا فاجه حلجي يوم شافني مثل الحطبه جان يأشر لي ع صورة ممنوع التصوير اهاااااااا اونيه عاد فهمت وقتله سوري وكملنا بنمشي وريلي يضحك ع القفطه ههههه انزين الريال ما ودرنا بعده يتحرطم ونحن بو لباس ههههههههههههه طلعت الحديقه "مقبرة" هههههههههههههههههههههههههههههههههههههههههههههههههه هههههههههه ------------------------------------------------------------------- ها السالفه استوت يوم كنا سايرين تركيا اول مره ومتغربلين ويا بيزاتهم ما نعرف كم تسوى ويوم ابغي اشتري شي ابسط كل الفلوس اللي عندي وياخذون حقهم ويردون لي الباقي عاد هم وظميرهم المهم باول ايامنا كنا سايرين نتمشى وريلي سار اييب النا دندرمه على قولتهم وانا يالسه اتريا الا وهذيك الشحاته عيوز ووسخه وتدخن سجاره تبا مني فلوس وانا ما عرف فلوسهم خفت اعطيها نوط كبير وهي ما تساهل جان احصل عمله معدنيه تحريتها تسوى درهم قلت وايد عليها يوم يودتها وقامت تجلبها وتتحرطم وتفرها على الطاوله بقو وترتد لراسي زين ما يت في عيوني واصيح الحقني يا عنتر الشحاته بغت تفلعني بالدرهم قال اي درهم هاذا يمكن ما يسوى جزء من البيزه اسميج بخيله انا مو بخيله حد يسوي جزء من البيزه عمله ليش متعبين عمارهم الا يفشلونا ويا الشحاتين ------------------------------------------------------------------- الله يسلمكن مره كنا في بوكيت تايلند المهم انا يالسه و متشخصه والخقه عاد... واشوف خواني وعيال خالي يلعبون بهالدرجات قلت يالله بصورهم (متعبله) واخويه الصغير ماخلته امي يلعب لانه ياهل عاد انا أوني قلت بصوره للذكرى والضحك يوم جبلت صوبه اصوره مادريت الا بذاك الطراق المحترم من اخويه الصغير....... اونه اضيق ليش تصوريني وانا اصيح عاد دوروني ذيج الساعه خلاص مت من الفلشه وعاد اونه الامور إيزي زسهله يلست اضحك ومن هناك ودي اعطيه بوكس والعمال واهلي ماتوا من الضحك المهم لا خقه صارت لي ولا برستيج طار فالهوا العليل هههههه. ------------------------------------------------------------------- المهم انا مواقفي وايد وكلها في مصر بس الموقف اللي مب قادره انساه انا مره وحليلي كنا نمشي من شقتنا لين شارع جامعة الدول سور نادي الزمالك,,, يوم وصلنا هناك الرصيف مالهم رخام فاذا يعني تراب تحت نعولكم (عزكم الله) عادي تتزحلقون المهم انا مشيت عن خواتي وما اشوف جدامي الا ثلاث يهال يلعبون شو واحد يالس ع كرتون يتزحلقو واثنين ميودينه من ايده يركضوووووون ويسحبونه جي شكلهم (1_1) المهم يركضون وصوبي شكلهم متعمدين لني يوم شفتهم اخرت عنهم الا هاللي يركضون يسحبوني من نص السوق لين اخره وانا تخيلو شو مسويه زاغده الولد من حلجه يقولي ماتوسعي !! وانا اقوله يالسبال كيف اوسع وانتو ساحبيني واباغم ع خواتي وهن يتضحكن ما اشوف الا اختي العوده يايه تركض صوبي وتكفخهم بالشنطه 2 شردو والثالث اللي انا زاغدتنه صفعته طراقات لين ما قلت بس جان ايني واحد غبي يقولي حرام عليج ذبحتي الوالد ,,,اشوف يوم سحبوني وانا اصارخ محد ساعدني كلهم واقفين يضحكون .. بس صدق خواتي هلكو عليه من الضحك وانا انسحب سحاااااااااب ,,مشاء الله عليهم عيال المصاروه حتى لو هم يهال بس عليهم جسسسسم ------------------------------------------------------------------- الوالد والوالده مسافرين الهند ومعاهم اخواني البارحة تكلمني الوالدة تضحك تقول احنا واطالعين من الفندق اخوي الصغير تقريبا عمره 9 سنوات يسأل وين رايحين قالتله رايحين محل هريس على اساس محل الجلابيات اللي في بومبي بس بالضبظ قالتله محل هريس الريال راح شل صحنه قالت له وين رايح بالصحن قال انتي مو تقولين رايحين هريس انا بروح باخذ لي صحن هريس وبرجع الفندق وكان يتكلم جد عباله صدق في هريس بالهند ههههههههههه ------------------------------------------------------------------- العام كنت في سويسرا وكان ولدي في العربانه عمره 3 سنين ومر حذالنا جلب عووووووووود طبعا انا وريلي شردنا وخلينا ولدي فديته بروحه في العربانه مر الجلب حذاله وتم يلحسه من ريوله لين راسه وولدي ولا حركه خايف ميت من الخوف يوم روح الجلب رجعناله قالي انتو خوافين ليش شردتو ههههههههه بس صدق ما ادري ليش خليناه صدق خبال كل واحد منا يقول نفسي نفسي هيهيههيههييهي ------------------------------------------------------------------- ههههههههههه حلوه الموااااقف .. مره من المرات فالطياره عقب ماكلت وجبتي جان اغطي الصحن بكلينكس << اتيكيت هههههههههه المهم يوم يت المضيفه تشل الاكل أجوووفها معصبه مادري ويا منو متضاربه المهم احتشرت علي عشان مغطيه صحني بكلينكس والله شوي وبتاكلني جان أقوللها لا كليــني بعد !!!! وهي فهمت أني أنا أقوللها ( Clean me) خخخخخخ جان تقولي (sorry i'll not clean you ) عبالها أقوللها نظفي ثيابي جان تقولي لا مااا انظف اناا خخخخخخخخ http://forum.uaewomen.net/images/smi...1/12%20(3).gif وأنا أجووووف اختي واضححححححححك اقوللها أنا شو قلت عشان تقولي جي http://forum.uaewomen.net/images/smi.../12%20(29).gif جان تقولي قلتيلها كلـيني وهي عبالها بالانغليزي Clean me http://forum.uaewomen.net/images/smi...1/12%20(3).gif ------------------------------------------------------------------- لما كنت بتركيا كنت اتمشى وانا اخوي بالمنطقة اللي ساكنين فيها والصراحه كان عندنا فضول على مزرعه كبيرة (خاصه) والمهم من وصلنا لجريب البوابه شفنا شي كبير لونه اسود يركض صاروخي صوبنا خخخخخخ هو جلب بس جنه خليته وحش من الوصف بس الصراحه زيغه وتمينا نركض هاكي الركض اللي ينافس سرعه طيارة كونكورد خخخخخخخ لين ما ابتعدنا وايد وافتكينا من الجلب .. واذكر موقف ثاني صارلنا في استراليا كنا ناكل في منتزه والمهم طلعت لنا وحده ممثلة تمثل ببرنامج كوميدي (اللي يسون مقالب عالجمهور) كانت تسوي عمرها انها مينونه ومهووسه بالنظافة وتنظف اي شي جدامها فكانت تنظفنا بمخمه من الريش خخخخ على الويوه والراس والثياب والجوتي والاكل والشنط خخخخخخ وكل هذا مسويه عمرها تنظف شي جامد ما يتحرك ونحنا نلعوزها ونقولها نظفي زيادة خخخخ والموقف الاخير اللي اتذكره اني مره كنت رايحه الحرم مع يدتي ومن خلصنا الصلاة يتنا حرمه افريقية تبي فلوس يدتي اشفقت لحالها فقررت تعطيها لكن بثوان وبسرعه البرق ايونا شله افارقه ما ادري من وين طلعوا لكن كلهم تجمعوا حوالينا ليحصلون بعد وما شاء الله تمت يدتي تعطيهم وانا بعد عطيتهم لان كان عندي فكة لكن شفنا الجماعه قاموا يزيدون مب ينقصوون خخخخخخ مع انه الصراحه المكان كان مكان عباده لا ساحة تبرعات لكن الموقف اللي صار خلاني اموت ضحك خخخخخخخخ ------------------------------------------------------------------- المهم كنت العام الماضي رايحه سوريا قالوا الجماعه خلنا نروح حمص حلوه ريفيه وجذيه المهم ويانا عايله سوريه بعد والله تعب السفر فيظع المهم وصلنا تمشينا وصار الوقت عالساعه 1 وشوي وحن ندور سكن على قولتهم بالمدينه بتحصولون فندق المهم احن ضيعنا ونحن ندور لقينا عيال يلعبون برع بيتهم كوره اقروووووووووووووووووووا شو صار ما شاء الله عليه متان وااااااااايد بشكل فظيع المهم سالنا الاول تعرف فندق وعلى ما اظن السعاده جذيه المهم سالناه قال مدري بسال سال الثاني المهم كل واحد تم يسال ربيعه الربع وانا كل ما اشوف واحد انزل تحت واضحك حتى رمسه ما ينطقون المهم شوي واحد من اليعال راااااااااااح يزقر ابوه ههههههههههههههههه والله غير موت معصقل عاااااااااااد هنيه ضحكت عالتناقض شوي ما ييكم الريال نسال عن الفندق قال ما اعرفه وعقب قال ممكن تحصلون واحد من هالشارع والثاني من هالشارع ( يعني يوصف) المهم خذنا اكثر من نص ساعه بس عند الريال ويوم خلاص بغينا نروح هههههههههههههههههههههههههههههههههههههههه ههههههههههههههههههههههه والله ما انسى شكله قال وبكل برود ولا جانه فيه شي طيب فيه هنيه قريب فندق السعاده والله الكل انصدم وزخ عمره من الضحك (يعني ضحكوا شوي الا انا والله مقدر امسك نفسي حتى ريلي يالس وراي نزل راسي تحت اونه عشان ما يقفط الريال والله منو قدر يسكتني بقو طلعت الضحكه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه ولاااااااااااااااااااااااااااااه وعقب السوري شو قال قال اهل حمص فيه غباء وشوي والله لو شفتوني المهم واحن بالدوله يااتنا سوري يوم سالناها من وين من سوريا قالت من حمص طبعا انا اذكرت ويلست هااااااااااااااااااااتي هههههههههههههههههههههههههههههههههههههههههههههههههه ههه هههههههههههههههههههههههههههههههههههههههههههههههههه ههه ------------------------------------------------------------------- ونتمشى صووب البحر وثنينه شكلهم مسطلين ويرقصون مع بعض ويقولون hala beach hala beach جان اقوول حق اميه اتصدقين انه اسم هالبحر (( هلا )) وانا كنت اتحرا مسمينه الروشه واشووووووووووووف وحده ميته عليه من الضحك جان تقوولي يالغبيه هذيلا سكرانين ويالسين يقولون هلا بيج يعني هلا فيج لانج خليجيه انا الي مب اوكي في الانجليزي فهمت وانتي بعدج هههههههههههههههههههههه ------------------------------------------------------------------- وبس |
رد: مواقف اتضحك لبنات الامارات في السفر .. حياكم
ههههههههههههههههههههههه
موقف حلوة مشكور اخي سيف صنعاني |
رد: مواقف اتضحك لبنات الامارات في السفر .. حياكم
ههههههههههههههههههههههههههههههههه
موش مع البنات فقط تصير حتى مع الشباب الله لايوريك اخ سيف قد صاره لنا مواقف تشيب الراس ههههههههههههههههههههههههههههههههههههههههههههه المهم انا قرات النص والباقي في وقت اخرر تسلم |
رد: مواقف اتضحك لبنات الامارات في السفر .. حياكم
ههههههههههههه الله يعنهم مشكووور اخي السيف الصنعاني تقبل مروري |
| الساعة الآن 12:32 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
جميع الحقوق محفوظة لمنتديات اليمن أغلى