منتديات اليمن أغلى YEMEN FORUMS - مدام غيري على قلبك مشاركني

ياللي جفيـت وجفـا ك المـر ذابحنـي
عقبـك وجيـه البشـر مانـي بدانيهـا

من يوم حبك غـزى القلـب وتملكنـي
قطعـت كـل العـلاقـات وطواريـهـا

اقـرى رسايلـك والفرحه تسابقنـي
وارد ! واقرى الرسايل واحتفـظ فيهـا

انت آخر انسان هاقـي منـه يصدمنـي
والظاهـر ان هقوتـي بانـت مواريهـا

ومن كثر ماكنـت ! جارحنـي وظالمنـي
قمت اعزل جروحـك بقلبـي واسميهـا

تدري وش اللـي يبكينـي ويضحكنـي
انـك محامـي قضيتـنـا وقاضيـهـا

وتدري متاك ؟ تعرف قـدري وتفقدنـي
لارخصت نفسك ,, لشخص ٍ مايراعيهـا

بكـره الا هملـوك النـاس تذكـرنـي
وتقول عزاه : عينـي مـن يداريهـا ؟

مدام غيري ؟ علـى قلبـك مشاركنـي
وش هو له ؟ اعلـق الأمـال وابنيهـا

اهديتك : دموع مـن طعنتـك تحرقنـي
وانت اللي تستاهل الدنيـا ومافيهـا !!

واهديتني جرح موجعني ؟ وعاجبنـي ؟
لـن الهدايـا علـى مقـدار مهديـهـا

صحيح ! ( حنا انتهينا ) بس صدقني !!
والله ان تبقى ( هوى روحي ) وغاليها

مفضوح ؟ راع الهيام ونظرته !! تغنـي
ملامحه واضحه ! , في وجهه راعيهـا

لكـل داء ٍ دوا لــو هــوه متعبـنـي
إلا محبتـك ؟ أعيـت مـن يداويهـا !!

ان قلت : علمنـي انسـى ؟ لاتعلمنـي
دنياي لامن نسيتـك ويـش تاليهـا !!

فارقتنـي وضحكتـك عيـت تفارقنـي
والله يلعـن ابـو الفرقـا وطاريهـا !!

مقدر !! أفكر بغيرك ؟ وانـت عارفنـي
عشان حاجه ؟ بقلبي مقدر !! أخفيها !!

اخـاف لاحبنـي غيـرك ؟ وعاشرنـي
يشوف صورتك في عيني ويوحيهـا !!

من يوم ماغبـت ! والوحـده تعذبنـي
اقرى ( رسايلك ) في حرقه والاحيها !!

اشوف ( صورتك ) ودموعي تسابقنـي
وياكثر ماجيـت أبمسحهـا ؟ وأخليهـا