|
فديت صنعاء …….
فديت صنعاء - 2016
فديت صنعاء وحشني كل مافيها فديت صنعاء شوارعها مع الحراس فديت صنعاء - الا يالله تحميها فديت صنعاء علاج الشوق والاحساس فديت صنعاء .. فديته سام بانيها يا رسمة الطفل ذي كانت على الكراس بيوت روعه وذاك السور حاميها بين المناطق كمثل الورد والالماس فديت صنعاء ... شوارعها - حواريها تاريخها الي تجلي في وجوه الناس وان رحت صنعاء .. خزن في اعاليها باتطعم القات فوق التل والاجواس حده المدينه مع الفندق وتلويها وسير بالباص - قله ودني ريماس على الزبيري قهاوي من يسويها تقول ويسكي ولايكفيك حتى الكاس وعاد سوق عنس حق القات كفيها يخزن الشخص ذي ماشي معاه اضراس وسير صنعاء القديمه شوف ماضيها واطعم قنمها ولكن اسبك البسباس واطلع من الباب لف الصافيه اطويها ركنين والله ما قد يعرفوا كناس لو المهلهل تربى في حواريها انو بيلعب بلستيشن مع جساس يا اه في اه مِن جهمي قد سكن فيها احلى مدينه جمعتي كل ها الاجناس والصبح ياخوك لو تنوي وتمشيها تسمع مدارس مع الطلاب والاجراس نشيد وطني يرفرف في اعاليها عاشت يمنا .. وعشنا رافعين الراس . خربشات 🖊 |
رد: فديت صنعاء …….
الله الله ياجهمي
فديت صنعاء فعلاً الشووووق الف لها :IC123: |
رد: فديت صنعاء …….
فدا صنعاء
وتسلم ع الكلمات الحلوة |
رد: فديت صنعاء …….
اقتباس:
|
رد: فديت صنعاء …….
صح لسانك
وصفت واجدت الوصف كأن احنا في شوارع صنعاء دمت مبدعاً ومتميزاً |
رد: فديت صنعاء …….
اقتباس:
|
رد: فديت صنعاء …….
اقتباس:
|
رد: فديت صنعاء …….
اقتباس:
حفظك الله وحفظ روحك |
| الساعة الآن 10:02 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
جميع الحقوق محفوظة لمنتديات اليمن أغلى