في ذمتي الكتمان سلم ورسالة !!
 

فـي ذمتي الكتمـان سلم ورسـاله
أصـدق من البوح وكل العبـارات

من عاش في الكتمان مرتاح بـاله
ومن عاش في البوح ندمان آهات

يــا هـاجسي منك الوفـا والعداله
خفف على جروح فينــي بالأبيات

مليــت انــا الصبــر ثقلت حماله
سري وبوحـي لــرب السمــاوات

يــا كم شايب ما شكى من عياله
حتـى ولــو به من الحزن غــارات

يشوفهــم نفسه وعمــره ومــاله
واكبــر خطايــاهم يقول هفـوات

بس المصيبــة علتــه فـي حـلاله
ويش ينفع العــاصي أبوه لا مـات

ما تنفع الحســره ولا هي رجــاله
تهميش من ذاق الوجع والمعانات

هذي نصيحة قلتها فــي عجــاله
ابوك دامه حي أسعده كل الاوقات
ابوك دامه حي أسعده كل الاوقات

بونصر ✍🏻

رد: في ذمتي الكتمان سلم ورسالة !!
 

صح لسانك