منتديات اليمن أغلى YEMEN FORUMS - زوامل في عرس اولاد السفير حسين علي عطيفه واخيه احمد علي في صنعاء مع ابو فؤاد المجربي

بسم الله اللرحمن الرحيم

في يومنا هذا الخميس الموافق 9\7\2009م كنا ضيوف عند الاخ السفير حسين علي عطيفه واخيه احمد علي عطيفه بمناسبة زفاف ولديهما خلدون حسين وجميل احمد وقد كان يوما حافلا بالشعر والانشاد والطرب وكان المقيل في صالة الخيول بالعاصمه صنعاء وقد حضر العرس جمع كبير من اصحابنا آل العرش وكبار مسئولين الدوله والشخصيات الاجتماعيه المعروفه وذالك بما يربط بين السفير وهذه الشخصيات من علاقات ومعرفه وقد اعتبرنا انفسنا مضيفين لا ضيوف وبهذه المناسبه فقد اديت هذا الزامل على لسان السفير ترحيب بالضيوف قلنا

من كامل احساسي وبالصوت الحماسي

============== واغلا من الماس النفيس

ياضيف حيا بك على عيني وراسي

=================شرفتنايوم الخميس

بسم القبيله والجهاز الدبلماسي

===============والاهل جمله والعريس

والعاصمه نادت شوامخها الرواسي

================ مرحابكم ياكل عيس

وبعدها كان هذا الزامل من ابو فؤاد المجربي

في عاصمة كل اليمن في عز صيفه

================== ذي جوها ماله مثيل

يامرحبا ياضيف في فرحة عطيفه

================= تستاهل الشكر الجزيل

والعرش كله والرياشيه وقيفه

================= حيو بكم من كل جيل

والتهنئه نرفع بها لا كل نيفه

=============== مبروك في اليوم الفضيل

حسين ابو خلدون ذي يفرح بضيفه

================ واحمد علي والد جميل

واولادكم قد كلمن ماسك بسيفه

================== خليل يستقبل خليل

والشاعر بن المجربي لا هز طيفه

================== يسابق الريح العليل

وبعدها وصل الينا زامل عبر الهاتف من الشاعر الشيخ العزي علي العنسي يعتذر لعدم حضوره في العرس

وقد وصلته الدعوه حيث يوجد عرس عند ه في ملاح

يامجربي بلغ تحيه واعتذار

=========== لبو جميل احمد وابو خلدون حسين

وللعريسين نقطف ازهار الثمار

================جعلتهم يارب قرة كل عين

وابلغ سلامي لا جميع آل الخبار

============== لهم مودّه عندنا اين انت وين

لهم في الجوده رصيد واكبر شعار

============== ويشلو الجودات ولو با يكبرين

وعندما اعلنا بهذا الزامل كان الجواب من الحاج احمد بن احمد عطيفه ابوطالب حيث قال

ياعزي الصحبه تجارب واختبار

==============عن قد حضر في عرسنا ذي في العدين

عن صاحبك يفخر ويزداد افتخار

=================يطلب حضورك والزوامل يلحقين

واحنا علاقتنا مع الناس الكبار

=================والقدر والتشريف بين الناس دين

بينك وبين العاصمه تجزع ذمار

==================تقدر تصل لاعندنا في ساعتين

وهذ الزامل من ابو فؤاد مداخله للزاملين المنصرمين

قال بن مجرب ذي حضر امس الهار

================ وجاوب الدعوه وقد له ليلتين

لو بن عطيفه ساعرس في زنجبار

=============باجاوب الصاحب ولو لا المصعبين

مادام تحتي ذي تعكي بالغبار

============== المتسبوشي من حسينات المكين

سرنا وزناها بمقياس الإطار

================ يومين مرّت ماصرفنا دبتين

للمجربي قيمه وميزه واعتبار

============ واقمار صنعاء يسمعينه واحجرين

مع تحيات احمد علوي المجربي

9\7\2009م