منتديات اليمن أغلى YEMEN FORUMS - اليوم يوم القلب باحت خفاياه

وش حيلة الي ما تهنا بدنياه
يعاني هموم الشقاء كل ليله
مما بقلبه من عذاب ومعاناه
وقصة عذابه وانكساره طويله
يشيل جرح بين الأضلاع مثواه
ويشيل هم ما تشيله قبيله
لا نوم لا راحه ولا شي يهناه
ضايع وضيع في حياته دليله
حتى اقرب العالم لقلبه تناساه
وعزي لمن مثله يبيعه خليله
كلا وقف ضده وكلا تحداه
كنه كسير ما لقى من يشيله
عيبه يقول الصدق والصدق مبداه
والصدق هاليومين ناسه قليله
واليوم يوم القلب باحت خفاياه
حبيت ابين للمها واشتكي له
حيث انها للجرح بلسمه ودواه
وانا فدا لأم العيون الكحيله