|
فديت ترابك ياوطن
عاتب يا وطن لو يمر عيني النوم/بس طيفک يمر الجفن ويطبگه
آنه امدللک بس ما لواني الضيم/لاتحزن عليه او تتعب او تشگه صم اتراب آخذ من گبر ستار/ارش جرحي او يطيب او الم مايبگه صحيح الوکت من الذل ترس ماعون/وچلاب الخيانه التايهه اتلگه لاچن من عزمنه الخصم جاسه الغيض/او علا الشط اشتنگص غيضت الرگه وصل مرسال منک يا رسول اثار/ونگصهه الچفوف الرايده اتشگه هاي ارض العرب بيهه العداله اتسود/اشلون اعلا الاسد تتريس البگه من شفت الوکت وکت التطور صار/وعله السيف شالت روحهه التفگه ندهت ابن الوليد او چان شايل گوس/کل ما هد سهم شفته انگلب فشگه ابشر علا احدودک حرس کلنه انصير/خصمک لون جني ازمورنه اتحرگه لعبنه الخاطرک قميضه ويه ابليس/کل دور اليمر انقلبه ونسبگه مامن محط ريل الدرب کله القام/بس جدم اليحبک يگدر ايسحگه شفرت سيف اسمک عل لسن يحتاي/کلمن ماعرف يتلفظه اتطگه لتصدگ الخريطه الماتدگ لک ساس/عاين لشمس منک اثر تلگه النخل بعده اعله طبعه السعف شايل خوص/چذاب اليگلک بي شفت ورگه تحضر للگنص موسم ربيعک ياي/هورک لطيور امشطر البرگه رگبتک بدلتهه ابرمح ماتنلام/چي تعيز تخاف او راسک ادنگه يبن شداد عبله امچتفه او تنخاک/يل ندريک عاشگ صادق ابعشگه يا فارس احلام ام العلا المهيوب/يل تهوه الحرب والفرس والدرگه |
رد: فديت ترابك ياوطن
ابيات باللهجه العراقيه الدارجه الف شكر
|
رد: فديت ترابك ياوطن
:-) العفو
|
| الساعة الآن 12:40 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
جميع الحقوق محفوظة لمنتديات اليمن أغلى