|
نعم كثر التعب حاجه تؤدي لانهيار انسان
سأطرح هنا كل مايروق لي من خواطر وأشعار البعض منها بقلمي والبعض مما راق لي واتمنى تروق لكم |
رد: نعم كثر التعب حاجه تؤدي لانهيار انسان
غلطان تحسب من غيابك أنا خايف لاالدنيا توقف عليك ولا العمر ينمد أدخلك في البحر .. وأطلعك ناشف ونارك بإيدي حطبها تشتعل | تخمد أطيح .. لكني حتى بطيحتي واقف هذا أنا ياحبيبي في ( الجزر والمَد ) قاسي ولا تهز قلبي قولتك [ آسف ] متعود أعيش شامخ ~ ياعيون محمد |
رد: نعم كثر التعب حاجه تؤدي لانهيار انسان
( موّت غيابك سوالف ) يابعيد عاجبك وضعي وحالي ماهو جيد ؟ ليش أتعب وأنشغل بثياب عيد وآنا أدري ، فغيبتك .. ماني معيد ! |
رد: نعم كثر التعب حاجه تؤدي لانهيار انسان
أدري بغيابي عايشه مقهوره وأدري تتابعها جميع ( أخباري ) تقرا القصايد و تشتكي للصوره أخطي وتخلق لي معاي أعذاري ! بعض القصايد عنها [ محظوره ] ويا كثر ما خانوا " بنات أفكاري " خايف عليها من الشعر وشعوره قولوا لها : لا تندمج بأشعاري |
رد: نعم كثر التعب حاجه تؤدي لانهيار انسان
لا تناقشني ,,, ولا يطول الجدال يا غلط , متغلف بكلمة " صحيح " التفاهم .. بيني وبينك ,, محال لا مريحني .. ولا إنت , مستريح ! يا تعلمني المشي , وأصعَد جبال وإلا إسكت ... لا تعلمني , أطيح ! إما تمسح هـالدمِع لو يوم سال وإلا إتركني .. على كيفي أصيح لا تجاوب عن سؤالي , في سؤال لا تذمني .. وما أبي منك ,, مديح ما فهم قلبك ..؟ أبضرب له مثال : .. الصراحه " إنت واحد مو صريح " |
رد: نعم كثر التعب حاجه تؤدي لانهيار انسان
مو ضروري .. أسمع أعذار الوداع قلبي في حلو الحكِي لا تخدعه فكرة غيابك تجي بليا إجتماع وين ما طيشك يسافر تتبعه ! وانت رايح خذ أساليب الخداع وهم لا تنسى .. جميع الأقنعه جيتني ناوي .. رحيلك بإندفاع وإنصدم قلبي من اللي يسمعه سدد جروحك وأنا مني الدفاع طفي أفراحي .. وحزني ولعه من كلامك كل شي أغليه ضاع وإنت في إيدك .. تشد الأمتعه ليه نتلاقى..؟ وتخليني بصراع يعني قصدك قلبي جاي تودعه..؟ روح .. مو إلا نتلاقى بالوداع خلي قلبي لك .. ما أبي ترجعه |
رد: نعم كثر التعب حاجه تؤدي لانهيار انسان
كنت هادي .. ومن هدوئك كنت خايف كنت عادي .. لا شعور ولا عواطف وقتها حسيت إن هذا الهدوء مستحيل يكون ما يسبق عواصف صاب ظني .. ليت ظني كان خايب غاب صوتك .. وإبتعدت وصرت غايب .. ! غبت عني ,, وغابت أفراحي معاك ليه غبت وكيف .. ما عدنا حبايب ..! |
رد: نعم كثر التعب حاجه تؤدي لانهيار انسان
تدري وش اصعب شي مر بحياتي وخلاني اندم بالعمر دامني حي اني رسمتك .. في جبــين امنياتي حلم .. ولقيتك بالنهــايـة ولا شي ! |
رد: نعم كثر التعب حاجه تؤدي لانهيار انسان
هذا يقول في غيبتك ما اقدر اعيش وهذا يقول في غيبتك ماني بحي كلام كله كذب في مرحلة طيش شفهم تخلو عن بعض وما حصل شي |
رد: نعم كثر التعب حاجه تؤدي لانهيار انسان
تعبان نفسيا ومحتاج للبوح والمشكلة مدري على مين احكي تخنقني الكلمه بضيقات وجروح اعيش صمتي لكن العين تشكي . |
| الساعة الآن 02:51 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
جميع الحقوق محفوظة لمنتديات اليمن أغلى