واحد من أهل الحارة...؟!‬
 

من بعد فرقا عمر جيت زياره

لآعز شارع فآخر اول حاره

وساعة وصلت هناك طاحت دمعه

وسترت باقي الدمع بالنظاره

شفت البيوت وبيتنا المتهالك

تبكي على فرقا اهله احجاره

ماكن فيه اسراري المنسيه

وطفل هدا و اهدى الزمان اشعاره

رحت وتركت البيت ما ودعته

اخاف كفي تلتصق بأسواره

امشي و احاول ما اتلفت صوبه

حتى لمحت مراية السياره

شعرت كن ابوابه توصيني

على الصغير اللي تحفظ اشعاره

وقبل اترك الشارع واودع نفسي

مريت وجه مر مثل بشاره

وجه تغير كل شيء الا هو

رغم الزمن و سنينه الدواره

بقى مثل ما كان وجه الطفل

اللي حفظها دفتري في اسفاره

نفس الملامح والحزن والطيب

ونفس العيون الذبل والمحتاره

وقفت مدري قلبي اللي وقف

رحت و تركت القلب بين افكاره

تاره اقدم رجلي ابغى اسالها

و ارد رجلي كل ما امشي تاره

ارجع سنه كل ما اتقدم خطوه

كن العمر درب و هي مشواره

سالتها: ما تذكرين العاشق؟!!

ردت علي: و اذكر خذته اقداره

قلت: ايه لكن عجزت تنسيني

طفله خذت قلب ضلوعي داره

اشياء رغم فراقنا ما تنسى

يشهد عليها بيتكم و جداره

ياما انتظرتك منطوي في ظله

اخشى عيون العالم الثرثاره

وتشهد عليها المدرسه والسكه

و هالشارع اللي كم حسبنا اشجاره

لا مانسيت عيونك اللي قالت:

الحب يختارك قبل تختاره

و انا اتكلم مر طفل و طفله

قالت: فهد هذا وهذي ساره

ويوم اسالوها: يمه وهذا منهو ؟

قالت لهم: واحد من اهل الحاره

رد: واحد من أهل الحارة...؟!‬
 

الله الله دقيت ع الوتر الحزين

رد: واحد من أهل الحارة...؟!‬
 

شكرا لك تحياتي

رد: واحد من أهل الحارة...؟!‬
 

أبيات رائعه جدا

رد: واحد من أهل الحارة...؟!‬
 

لك اجمل تحياتي وتقديري على الكلام الجميل

رد: واحد من أهل الحارة...؟!‬
 

اخواني اسعدني تواجدكم لكم تحياتي