دواء الغربة
 

وش عاد لو بكتب من الشعر وش عاد

بعض الشعر يتعبك حضرة جنابه

اليا طلع من تجربه ضيم وسهاد

الشاعر احساسه يقود الكتابه

وبعض الغياب يورث الالام وانكاد

لاغاب من تغليه وابطى غيابه

وياللي تقولين الشعر كيف وقناد

وطلبتي اقوله ولا اصك بابه

وقلته وكانت صدفةٍ دون ميعاد

اللي اجمعتنا تحت رش السحابه

كانت سمانا بين بارق ورعاد

وفي غربتي كان لحضورك مهابه

جيتي وكانت شوفتك خير واعياد

يكفي قلبتي كل ضيقه رحابه

ورحتي ولاهي روحة فراق وعناد

وشلون ابوصفها غموض وغرابه

جاملت نفسي لاتحاتيك مافاد

كأني اسألها واعرف الاجابه

منتي مجرد معرفه كنتي ضماد

زرتيني في عز الالم والاصابه

انتي دوى الغربه من بلاد لبلاد

من يعرفك ينسى الحزن والكآبه

ترى غيابك سبب هموم وانكاد

خليتي ذاك القلب يفقد صوابه

قبلك واقول الزين واجد ويزداد

وبعدك جميع الناس عندي تشابه

رد: دواء الغربة
 

رائعه تلك الكلمات
والله يعين كل مغترب
ابدعت في الطرح
سلمت ولاهنت

رد: دواء الغربة
 

الله يسلمك شكرا على الرد الطيب ياذوق

رد: دواء الغربة
 

رد: دواء الغربة
 

رد: دواء الغربة
 

الله يعين المغترب

تسسسلم اخي الحنش

رد: دواء الغربة
 

اخواني شكرا على مروركم الطيب لكم تحياتي