منتديات اليمن أغلى YEMEN FORUMS

//بدء من شاعر بلطجي//
ويليه الجواب
قال الفتى ابوصخرضاق الخاطـر
من قهرحزب المشترك وانصارة
وحزب الاصلاح العفيف الطاهـر
ذي عاب في شعبه وفي ثوارة
ماظن باننسى الشهيدالــــثاير
ودمع ابوه وامه على مقــبارة
لا يحسب انه لاتمشطر شاطر
الاخسر شعب اليمن باقطارة
والله لو با يُنتخبَ من باكـر
ما ظن واحد فلميه يخـتـارة
هوكان فاشل من تجاه فبرايـر
مابعد فبراير كشفنا اخبارة
مش كفوها ياكفو قل للفاتر
هو كفوها ذي كفها من ثارة
قال المثل مااليوم شب القاصر
لومات في مهده تناسى عارة
ولايذكرنا بذي مش ذاكر
ولا يحملنا بثقل اجــوارة
ولانعاني مايعاني كافر
جارة ذنوبه وانطوى باوزارة
ياشعب هاجر من بلاهم هاجر
هاجر ولو عز القبيلي دارة
ماظن باتسبر ولاشي سـابـر
مادام فيهاالمشترك واشرارة
اهل اللحى من شافها يا ساتر
جنات ربي ذي عليــها انهارة
ساروا بشعبي الى المكان الحايـر
وبا عدوا بينه وبين اسـفارة
ثوره و لاهو داري اينه ساير
الا على كفه ولطف اقـدارة
ياشعبنا صدقت كمن سافر
وكل نيه للوطن غـدارة
مدري توكل او حميد الماكـر
اوكل لحيه للفتن جــــرارة
الله لااصلح له عمل فلظاهـر
والله يجعل باطنه في نـــارة
===========
للشاعر/ عبدالولي الجابري
===========
......
//هذا جواب عليه الشاعر امين عاطف//
.....
ياالله انت المقتدر والقادر
استر علينا من شلل مكاره
عبدالولي كنت احسب انك باهر
من حيث جالس في قصص ثرثاره
جالس تقوم خيل قدهو عاثر
رابض من اول مابدا مشواره
العيب فالقادات يابن جابر
ذي دخلوكم داخل العباره
كان حزبكم فايز ولوهو خاسر
يفوز من دون ماحدن يختاره
بالغش والتزوير باطن ظاهر
مافادكم كذبه ولا زواره
ماالمشترك بالصدق وضعه سابر
والشمس مازالت تضي بنواره
شعارنا نحمي وطنا الزاهر
من ظلمكم وابليسكم واشراره
مابانخرب مثلكم يا شاعر
ولا نكل خير الوطن واثماره
الحق حق الشعب اول واخر
مش مثل ماكنتو ذمم مفجاره
عمك علي قدكان اكبر تاجر
تاجر بقيمة نفطنا وابياره
وكان يهدي منتصر أو ناصر
فله بحده واربعين سياره
مالك علينا يالطيف ياساتر
ضد اللقا اقبلت شني غاره
باالاتهامات والكلام الفاتر
والشر منكم منبعه وافكاره
وانتم سبب كل الفتن ياشاطر
وانتم سبب اوضاعنا المنهاره
بالكذب جا عبدالولي متفاخر
ومن كذب قالو نقص مقداره
هذا جواب عاطف وخليك ذاكر
انك امام القوه الجباره
لاالمؤتمر اعماك ياخي بادر
انقش عيونك والبس النظاره

============
وهذا جوابي ماجد سيلان
============

حيا دنينك يا الضمير النادر
مادام وقتك ساعته غداره

كان الزمن مطلي بحله فاخر
في عصرهم ما حد سلم من جاره

المؤتمر في مبدئه مش فاتر
المحق فيمن يحملون شعاره

ذي حطمو شعب اليمن في الحاضر
هم ذي يقولو قد بنون اقطاره

كم يا حكاوي كذب كم يا ساتر
الله يسلم شعبنا من ناره

ما حد بيركض نعمته يا شاطر
دام البلاء منزاح حاجه ساره

كان الزعيم الامس واحد ماهر
يدق شعبه مثلما الكساره

ياكل ويلطش واردي والصادر
يبني لنا منزل ويهدم حاره

يشق شارع في الصباح الباكر
ويييشل خمسه لاجل يبني داره

ساس اليمن مثل الثعيل الماكر
والشعب يلصى من جحيم اسعاره

هد اقتصادي في عيون الناظر
طايع لنفسه تلكم الاماره