في الدبه البترول بتغزل غزل
أذوب في البترول وحسنه والجمال
دبه ملان بترول ولا برميل عسل
الله يا البترول طال البعد طال
البارحه ما كود لقيت دبه عطل
كم با تقولو سعرها؟ الفين رريال
ساربت طول الليل لوما الفجر زل
ولا درينا أي حين أذن بلال
خليت اذي قدام من الدبه نزل
وقلت ياالبترول هلا ماالسيل سال
قلي بقيت؟ وقلت وينك يا بطل
لاعاد بتجينا .ولا عاد اتصال
شفته حين اتنهد ودمع العين همل
قال اسئلو صخر الوجيه هذا السؤال
ذي باعني طاعه لتوجيهات هُبل
ونتو بتتمنو رجوعي والوصال
فقلت ايش الحل؟ قال تشتون حل
ترحل حكومة سندوه لنتو رجال
قولو معي حيا على خير العمل
محال تبقى الفاسده والله محاااااال