|
$$ قصة عن الصداقه$$ روعه ادخلووو ضرورررررري....
بنقل لكم اليوم قصه جميله جدا عن الصداقه واتمنى تعجبكم
ولاتحرموووووني الردود..... |
رد: $$ قصة عن الصداقه$$ روعه ادخلووو ضرورررررري....
سوري لحد يرد على الموضوع
لانه في خطا بالتنزيل شوي ونرجع... |
رد: $$ قصة عن الصداقه$$ روعه ادخلووو ضرورررررري....
بســـــم الله
نبــــــــــــــــــــدأ الأن واحـــــــــــــــد اثنيـــــــــــــــــــــــــن ثــــــــــــــــــــــــــــــلاث يـــــــــــــــــــــــــــــــــــــــــــــــــ ـــــــــــــــــــــــــــــــلا {قبل مانبدأ القصه ياحلو الصداقه بذات اذ كانت البنت صادقه تقولي لها الي بقلبك مايطلع لاحد واذا قلتيلها همومك ترتاحين{جد انا اشوف فيك هذي الصفات انشالله تكونين توام روحي يعني صديقتي واختي واغلى الناس) يلا خلاص خلاص ببدأ يـــــــــــــــــــــــــــــــــــلا ..((ما تغير شي!!..بس هالمكان صار ..فاضي)).. كنت انا وياه سوا وكان مايفارقني لدرجة إذا حس يوم بوحده حتى عند باب الحمام ينتظرني.. كان شريك شقتي وغرفتي وكان بصدق شريك قلبي.. كنت طفران وجا حبيبي طفرني كان شافط فلوسي بمصاريفه الكثيرة.. كنت اصرف عليه واصرف على نفسي..كان حبيب قلبي وروحي كان مخزن اسراري واعجز عن وصف حبي له.. تجذبني دايم شخصيته وطريقة كلامه وتفكيره.. كان لاشفته لقلبي دوا..سبحان اللي خلاني اعشق هالانسان وكل يوم يزيد حبي له واشتاق له وافقده حتى لوغاب عني مجرد دقايق.. ولا تلـــــــــــــــــــومـــــــــــــوني فــــــــــــي حــــــــــــــــــــــــبه...!؟ كنت قبل لا اعرفه عايش في سكن عزاب قريب من جامعه الملك فهد للبترول بالدمام وكنت جاي من الرياض.. وماكنت اعرف احد بالسكن.. وفي يوم كنت طفشان طلعت اتمشى بالممرات شفت واحد شكله مضيع كان معه شناط وواضح انه جاي من مطار.. مسوي كوبرا وكاشخ ويعاطس من كثر العطر اللي باخه.. مريت من عنده سلمت وقلت له:بتسكن جديد هنا رد وهو معصب:يعني وش رايك!؟ قلت :طيب هديّ وراك معصب..مشيت ونا منقهر من ردة فعله ورحت مشي لسوبر ماركت قريبه وظفيت لي خرابيط بعد ساعه رجعت لقيته مازال موجود.. ضحكت من قلب عليه لان الكشخه راحت وطي الشماغ ساير حوسه وكمومه مرفعها ويتهاوش مع حق الاستقبال ونا جاي ابروح لغرفتي نادان:هيييييييه.. لفيت عليه ونا رافع حاجبي ومعصب منه لان ما احب حد يقولي هيه قلت:اظن لي اسم.. رد:ووشلون تبيني اعرفه..!! قلت:طيب وش تبي!؟ رد:ماتعرف سكن قريب من الجامعه هنا بذي المناطق.. قلت:دخت انا من كثر مادورت..ماظنتي تلقى.. قال وهو متحطم:يووووووووه لاتقووول رحمته وقلت:اللحين اطلع لغرفتي ريح شوي وبعدين ربك يسهل طار الرجال فرح قال:جد والله!!ياحبيلك تشيل معي الشناط؟ قلت:امري لله..وعطان شنطتين كبار مع كيس السوبر ماركت واخذ هو شنطه صغيروونه عصبت انا وقلتله:انا قلت ابشيل معك ماقلت عنك قام يضحك من قلب وقال:طيب هاتها قلت:لا خلاااص قال وهو مازال يضحك:ياحبي لك.. ونا منقهر منه في قلبي اقول ياكرهي لك.. رقينا للغرفه وحطيت شناطه ع جنب كان فيني حراره واول مادخل هو شغل المكيفات حقت الشقه.. قلت الشكوى لله بس هي كلها دقايق والرجال يروح.. جلست بالصاله الصغيره وكان قدامها مطبخ سيرفس يطل عليها دخل الرجال وكان البيت بيته للمطبخ ونا فاتح فمي مستغرب من جرأته.. ناظرني وهو مبتسم وقال:وش تحب تشرب..!؟ سكت شوي ولا شعوريا قمت..وقلت لو سمحت اجلس انا الي ابسوي القهوه..موب شغلك ذا قال:تسلملي والله ..وراح ع جنب ونا اناظره وقام يفتح في اكياس السوبر ماركت اللي جبتها معي..وهو مشغول يفتحها قال:اسمع حبيبي مانبي قهوه نبي شاي...شكلك جايب بسكويتات حلوه..! انا بصراحه ماتوقعت ان فيه احد بهالعالم فيه هالجرأه..ووقفت مكاني متنح.. لف عليّ وقال:تبي اساعدك..؟! قلت: لاشكرا..وشغلت الكافتيرا..وقمت اطلع الكاسات ومن ذا الخرابيط.. راح هو وشغل التلفزيون..وحط على سبيستون..وقام يتابع وهو متحمس افلام كرتون اظن اسمه (ناراتو).. استغربت من شخصيته واحد بيدخل الجامعه يتابع افلام كرتون!!! كملت شغلي ويوم قضيت جبت معي الصينيه..لقيته منسدح ع الكنبه ويتابع وهو متحمس ويوم مريت من التلفزيون.. قام يهاوش.. ارتعت منه صراحه..قلت وش يبي ذا؟؟؟ رحت جلست بجمبه ع الكنبه نفسها عند رجله لانه الاخ كان منسدح,,إلا وشوي يقوم ويحط راسه ع رجلي..جاني ضحك وانقهرت منه بنفس الوقت ومدري وش جاني ماقلت ولا شي.. قربت صينية الشاي.. وبديت اصبب.. ونا مو قادر أتحرك بسبب هال عله اللي ناي فوقي.. وفجأه قطع الارسال وسار يشوش التلفزيون قام الولد..وهو متحمس نقز وقام يخبط راس التلفزيون ويقول:يااحماار ذا وقته تنكت..!! هالمره ماسكت قلتله:هييه ارفق ع التلفزيون ذا جلست شهر اوفر من مصروفي علشان اجيبه,,.. لف عليّ وقال:اسف ماقصدت..,,وطفى التلفزيون والرسيفر..وقام يغمس البسكوت بالشاي..حامت كبدي ونا اناظره,,البسكوت يطيح بالشاي ويجي يطلع القطعه اللي طاحت بحبة بسكوت تجي وتطيح الثانيه يجيب ملعقه يحاول يطلعهم يتفتتون ويحتاس الكاس.. رحت للمطبخ وجبت كاس جديد صبيت له شاهي واخذت الكاس حقه وكبيته بالبلاعه..وهو متنح يناظرني.. ويوم جلست..قلت له:خذ اشرب في ذا قام يصارخ(ونا الظاهر بديت اتعود ع الوضع):هييه يالدلخ وش سويت..؟! قلتله:وش سويت..؟؟عاجبك القرف اللي انت فيه..!! قام يضحك وقال:لو سويت كذا ماراح تخلص.. استغربت منه بس طنشته.. وشوي اسمع اصوات تصقيع الملعقه بالكاس..وكنت اتجاهله واناظر جوالي..بدا الازعاج اكثر..وكل شوي يجر بسكوته من قدامي.. رفعت عيني..وبغيت انهبل..لقيت الكاس سار عصيد من جديد.. قمت اضحك بشكل هستيري لين سالت الدموع من عيني قلتله:وشفيك انت وش المشكله معك..!! رد:تدري وش الحل.. قمت اناظره يعني كمل..ورفع الكاس اللي لو شفته تمغصك بطنك..وفيووو,,شربه في جغمه وحدهـ .. وخرت عيني خفت لا انظله وقمت اناظر الساعه..لقيتها 12..والرجال جاي من 10 ونص..وقلت شكله مطول..ونا فيني النوم قلتله:يااحلوو..متى رايح..!! قال:مسسسرع مليت.. قلت ونا ارقع:لاموب قصدي تسذا..بس يعني.. قاطعني:يعني قصدك انام اليوم..معك من الوهقه قلت:اييه..اجل اخليك تروح كذا.. قال:طيب متى العشى..؟؟ قلت ونا مستغرب :عشى..؟؟ انا دايم ما اتعشى..اكل أي شي خفيف يعني زي ذا اللي تو اعتبره عشى.. قال:اممممم..اليوم ابمشيها بس بكرا عاد ابي عشى.. قلت:طرار ويتشرط.. قال وهو يضحك:شفت كيييف..حظك طحت مع واحد زيي.. بديت اهضمه شوي واتقبل وجوده..قلتله هذي غرفتي.. قال:امم مافيه الا سرير واحد؟؟ قلت:ايه اجل.. قال:اممم اجل ابنام الصاله.. قلت:اجل.. قال:اممممم..يالله ابمشي حالي اليوم دام بكرا في عشى.. قلت:مصدق انت اللحين..منين اجيب لك فلوس عشى؟؟ قال:عادي اطبخ لي مو مشكله.. قلت:المووهم..بتنام هنا..ولا تقوملي بدري تسسبب ازعاج خلاص..وذي اسبايستوون حقت الورعان اصح تشغلها..فاااهم.. قال وهو يهز راسه زي البزارين:ان شاء الله.. وحط راسه ع الكنبه ولفــ تحته شماغه,,وبسرررعه غريبه نام لدرجت شكيت فيه متى مداه حط راسه..ضحكت ع شكله لان شعره حوووسه..ويرفس المخدات برجلينه.. رحت لغرفتي..وصكيت الباب..وماقدرت انام جالس افكر في ذا الضيف الغريب اللي لحد الان ماعرفت اسمه حتى.. وجالس افكر متى بيروووح..!؟ وشووووي..شوووووي..ماحسيت في نفسي..ووخوووووخخ ششششش ..((حسيت ببكوس في وجهي..ومن تحت فكي..قمت فتحتي عيني..وقلت شكلي احلم..جيت بالظلام ابسحب الشرشرف ماينسحب..!! ابي اجرهـ..دووووف دججج..احد يدفني ع الارض واطيح طيحه حسيت ان ضلوعي تكسرت منها..قلت معقوول ذا حلم)).. قمت فتحت اللمبات ونا مرتاع..إلا اسمع صراخ اذني تعودت عليه.. "ميين ذا الحمار اللي شغل النوور" بغيت انقز من الروووعه وقلبي طار..ناظرت..ركزت..عرفت مين هو.. كان ودي اقومه اصفقه ع الحركه السخيفه ونا افكر وش جاب هالدوبي هنا..كان هو نفسه اللي نايم بالصاله..قلت ياشيخ تحمل وشلت شرشفي ونمت بالصاله..وشووي شووي كنت تعبااان.. نممت من جدييييييييييييد.. ..((احس فيه احد يدفدفني..ياهوو ماهي بشغله وش السالفه)).. قمت ونا معصب.. لقيت الولد نفسه بغيت اصيح من القهر لانها الساعه ثلاث ونا مانمت.. رحت صحيته..قلت:هييه..هييه انت..؟؟ وش قصة ابو اهلك تلاحقني من اليوم..!! رد وصوته مليان نوم:ما احب انام بالحالي.. قلت:هه لا يكوون تخاف بس.. قال:لا متعود انام جمب اخوي.. قلت:ياديين الله..وحاولت انام واكلم ذا الدلخ بكرا.. ..قمت الساعه وحده ونص..مو من عادتي لاني دايم اقوم تسع.. فتحت عيني لقيت المكان مرتب وهادي.. رحت قضيت الفجر والظهر.. وشوي تذكرت ان فيه شخص اختفى.. إلا وينفتح باب غرفتي.. ويطلع الولد..وهو مبتسم و يأشر بأيده:صبااح الخييير..يالحلو.. قلت:صبااح النوور...وقمت اروح للحمام علشان اغسل وجهي.. وناجالس قدام المرايه افرش اسناني.. جا الولد وتركى عالمغسله وقام يسولف..قال:وش تبي فطور..؟! قلت ونا فمي كل ابوه رغوة معجون:مووب شغلك ذا.. قال:اجل افطرك ع ذوقي.. عصبت:قلت لك انا اللي ابسوي الفطور.. قال:طيب وراك معصب ماقلت لاء.. قلت:كل ذا وماتبيني اعصب..!! تنهدت ونا احاول اهدأ..طلع الولد من الحمام..وجلس بالصاله.. طلعت والمنشفه ع كتفي..ووجهمي مويه..مانشفته لاني تذكرت شي خطير.. قمت اناظر للخشه اللي قدامي..حاط رجل ع رجل..ولابس جينز..وبلوز سودا.. ارتعت وقمت اصاراخ فيه:هييه انت من وين جايب هالبلووزه..!! الولد:شفتها بالدولاب عجبتني خذتها.. هنا حست اني ابنفجر منه..قلت:تستهبل انت ووجهك.. قال:هههه لا امزح..كنت ارتب غرفتك..وشفت ذي البلوزه وكانت نفس بلوزه عندي تذكرتها ولبستها..."لاحظوا كان يرتب" شكيت في كلامه ورحت الغرفه اتأكد..لقيت بلوزتي موجوده..ارتحت.. اما الولد فطس ضحك علي وحسيت اني تفشلت..قام قالي:بتسوي الفطور ولا اقوم اسويه.. قلت:لا اللحين ابسويه..ونا اجهز الفطور..جلس ع دكة المطبخ.. ويحرك رجلينه ويلعب بها تقل بزر.. ونا جالس اقلب البيض ع الطاوهـ .. جا من وراي وخمني من ظهري.. تفاجأت من حركته ولفيت راسي اناظره.. ناظرني وقال بصوت واطي: احبـــك.. ابتسمت..وكملت شغلي..وشوي فكني وقام يطلع الصحون وشكله قام بدري وعرف اماكن الصحون وكل الاعراض.. بديت احب هالانسان واراقب حركاته..كان كل ما اناظره يبتسم.. او بالأصح القاه مبتسم..طفيت النار ع البيض لقيت كل شي جاهز.. اول مره من جيت الرياض افطر مع شخص غيري.. سويت الشاهي..وحطه ع الصينيه..وفرشنا في الصاله وشغلنا التلفزيون..وكان حاط ع سبيتون يتابع تاما..ضحكت عليه في قلبي.. وقمت آكل..وشوي وقف هو عن الاكل..ناظرته مستغرب.. قال: تصدق..!! قلت:وشو.. قال:لحد الان ماعرفت اسمك.. قلت:هه تو تلاحظ..!! قال وهو يضحك:لا من اليوم ونا افكر..بس كل ما اجي ابسألك تكون معصب.. قلت في قلبي "اعصب منك"قلتله:وانت ماقلتلي اسمك.. قال:عبدالعزيز..وانت قلت:عاشت الاسامي ياعزو...معك..ناصر قال:عاشت الاسامي يانصووور.. قلت:هاه ماودك تكمل.. قال:افا عليك..ونا اقدر اذوق بيض نصور و اخليه.. قلت:تسلم والله حبيبي.. قال:جد والله!! قلت:ليه تحس اني اكذب..!! قال:انا حبيبك خخ.."وناظر الارض"..احسك تكرهني.. عاد انا توهقت لان اللي يشوفنا يقول كذا..قمت ظربت كتفه,,قلت: يارجااال..هو في حد يقدر على قلب عزوووز... قال:ياهوو ع الرومنسي..يعني ماتمزح قلت:قصدك ما اجامل.."وفعلا وقتها حسيت اني بجد حبيت هالآدمي بكل ماتعنيه حروف هالكلمه".. قام وقف..ورفع الصينيه..قال:خلاص يكفي بلع...وانحاش قلت:هييه خييير ابي اكل جوووعان كافي امس مانومتني.. وقام ينحاش ويركض بالصينيه..قلت:انهبل علينا الرجال... مات من الضحك..وقال:خلاص لاتسمن علينا بعدين مايكفينا سرير واحد.. قلت:ياحليلك ومين قالك انك بتجلس ..انا قلت تريح ماقلت تقلط..وقمنا نظحك سوا.. وبس هنا وقفتـــــ .. جلست افكر فاللي كنت اقوله من شوي..!! عــــــــــــــــزوووز بــــــــــــــــيـرووح..!؟ لاء ماصدقت اندمج معه..يعني انا بجد حبيته..لا ذا الانسان بيسبب لي مشاكل..بس شكله طيب وحبوب وينحب..بس راح يضايقني كثير..بس بعد ماسوا جو في البيت..بقدر اجلس لحالي..!؟ وبس هنا وقفتـــــ .. جلست افكر فاللي كنت اقوله من شوي..!! عــــــــــــــــزوووز بــــــــــــــــيـرووح..!؟ لاء ماصدقت اندمج معه..يعني انا بجد حبيته..لا ذا الانسان بيسبب لي مشاكل..بس شكله طيب وحبوب وينحب..بس راح يضايقني كثير..بس بعد ماسوا جو في البيت..بقدر اجلس لحالي..!؟ عزوز: وييين وصلت..؟؟ايووه قوول مين هي..!! فتحت عيني ونا توي احس بنفسي.. قال:نوره ولا ساره..وقام يضحك قلت:على تبن..مافكر كذا.."راح دزني من كتفي" وقال:علييينا..علينا يانصووور.. قمت اضحك من قلب عليه قلت:ليه تحسبني واحد من ذا الورعان.. قال:وليه لاء..احسك رومنسي بعد.. دزيته وقلت:اقوول رح مناك.. وقمنا نضحك ورحنا للمطبخ وجلسنا نغسل المواعين سوا.. اول مره احسها سهله كنت دايم اشيل همها اما اليوم مع عزووز بسرعه خلصنا وتغرقت ملابسي مويه من لعبه واستهباله.. قلت من اعماق قلبي.. "يارب ماابي افارق هالآدمي,,,((وربي حبيته))" قظينا من المواعين وكانت الساعه ثلاث الا ربع العصر.. جلسنا بالصاله وبنفس الكنبه الوحيده الموجوده فيها..لاتستغربون شقتي كانت صغيره..لان مابها حد غيري..! تذكرت شي..قمت سألت عزوز:هييه انت يالدوبي.. عزوز:اظن لي اسم قمت اضحك لانه كان يستهبل يقلدني قلت:ايه وراك امس ماخليتن انام..كل شوي طابن فوقي.. عزوز وهو يستهبل:لاني احبك.. قلت:هااو..!! واللي يحب يسوي تسذا..؟! قام يضحك وقال:انا من شفتك حبيتك..عاد وش اسوي الحب من الله..وقام يضحك من جديد.. قلت:والله انك غريب..إلا ماقلت لي منين جاي.. عزوز:من سدير.. قلت:ياهوو ياحركتاات..سديراوي اجل.. عزوز:شرايك..؟! قلت:وبتدرس بجامعه الملك فهد.. عزوز:ايه..ولا وش جايبن هنا..!!..الا على طاري جيتي..ذكرتني بعمتي.."وقام الولد" قلت انا وشفيه ذا.. راح لم التليفون وقال:عادي اتسلم... ضحكت وقلت:تقلدني يالدوبي.. عزوز:تسذا الاستنتاجات ولا بلاش..!! قمت اضحك عليه لان لهجة القصمان ماتناسبه..وقلتله يكلم.. ونا اناظرهـ..ومسرح فيه..وجالس احاول افهم هالشخصيه المعقده..كشخه..عربجي..عنده حركات بزران..يعرف يضارب..يتابع كراتين..رومنسي..حبوب..حوسه اكله.. امممم شي غريب...!! إلا وشو ي يروعني صوته وهو يصارخ.. عزوز:الووووووو..الوو...هييييييييييييييه يالبقره رد الوووو.. و"الظاهر ان كلمة هيييه اساسيه في حياته" قمت اضحك عليه.. فجأه صرخ: هييه انا ماني بأبوك.. يااعله وينها؟؟.. يوووووه طيب كم جوالها.. صفر مو صيفير.. يالدبشه خمسه موب كمسه.. ياديين الله..!!! "عاد انا لو تشوفوني تسدحت ضحك عليه و على اسلوبه" يوم صك السماعه..دق ع الجوال اللي نقله.. وجلس يكلم حول ساعه وراح للغرفه الثانيه..قلت خله ياشيخ براحته.. ورحت نزلت احاسب حق الاستقبال لاني مادفعت له.. بعد فتره ماهي بطويله..رجعت لم الشقه..ولقيته متوتر.. اول مادخلت ابتسم..وسكر الباب من وراي..حسيت انه بيقول شي.. جلست بالصاله متعمد..علشان اعرف شعندهـ .. سكت شوي..وبعدين نطق.. قال:اااا..يانويصر ناصر:هلا ..حبيبي.."لا تستغربون كلمة حبيبي كانت شابكه معي حتى لو اكلم بنت" عزوز:ياحبيلك..ابيك بكلمة راس.. ناصر:تفضل حبيبي خذ راحتك.. عزووز:ياقلبي عليك لا سمعت صوتك احس براحه نفسيه.. ناصر:ياهوو ع الرومنسي..ايه ماقلت وشيّ تسلمتك.."كلمتك" ضحك شوي وقال:توني مكلم عمتي..وهي ساكنه بالدمام ع اساس اجي اسكن عندها.."بصراحه انا وقتها ضاق صدري" ويوم كلمتها ردت الشغاله وقالت انهم راحو وعطتني جوالها.."هزيت راسي يعني كمل" قال:قالت لي عمتي انهم من يومين في جده لان ابو زوجها مريض وبيجلسون اسبوع وبيردون الدمام.."ما اخفيكم فرحت"..و قلتله:ايه,, قال واول مره احسه مستحي :عادي اقضي ذا الاسبوع معك!! قلت:لاء ممنوووع "وقمت اضحك" يوم هديت قلتله:البيت بيتك حبيبي ولي الشرف والله.. ابتسم عزوز بمكر:اجل ابنام اليوم بالسرير.. قلت ونا اضحك:يعني بنام بالصاله.. عزوز:ياحليلك بتنام بالارض..وشوله تنام بالصاله بعدين لو قمت قبلك ما اقدر اشغل التلفزيون.. قلت ونا رافع حاجبي:علشان التلفزيون ولا عشان تخااف "وقمت اضحك" قال وهو معصب:يالدووبي رجال طول وعرض واخاف,,!! قلت له:اجل يلا رتب ملابسك بالدولاب.. واخذنا الشناط وتقاسمنا الدولاب..نص لي ونص له اما حق التعليق.. خليناه سوا لان مافيه الا واحد.. ويااالله خلصنا ترتيب تكسرت ظهورنا لان لبس عبد العزيز كان كثير.. رحت رميت نفسي ع السرير.. وشوي.."دووووووف",,رمى عزوز نفسه بجمبي وقام يضحك.. قلتله:اقول عزووو..تراي ما اعرف انام بالأرض.. قال:نام بالسرير.. قلت:لا يااشيخ ومن كبره السرير علشان ننام سوا,, قال:سو ا ولا موبايلي هاهاهاااا.. قلت:تنكت انت وخشتك.. قال:يقطع ابو الكسحه ياااشييخ.. قلت:مانيييب ابنام بالسرير يعني ابنام بوه.. قال:والله ماعلي منك اعلى مابخيلك اركبه... قلت:يااشييخ احلف.. قال:ياهوو ع الترقيه.. شووف بنسوي قرعه او سباق.. قلت:لا سباق..خخ قال:اللي يوصل عند موضف الاستقبال اول هو الفايز.. "وبسرعه قمزنا الاثنين ركض..وفتحنا الباب حق الشقه وخليناه مفتوح..وجلسنا نركض بالاسياب..كنا بنفس المسافه..وشوي سبقني..رحت مغطت وسبقته..قام سرع وسار بجمبي" قلت:والله ما اخليك..تفوز قال:تبطي عظم والله.."الا ونشوف موظف الاستقبال..وبسررررعه ركض لمه "ودوووووووووووف" صدمنا كلنا فيه لان كنا طايرين وصلنا سوا.. الموظف يهاوش:هييي خير ان شاءالله بزارين تسوون هالحركات,, قال عزووز:انا وصلت اول قلت:ياحليلك انا اول.. قال:اقول ماعلي منك.. قلت:ياحبيلك..اقووول رح مناك بس.."وقمنا نتطاق" وماوقفنا الا يوم سمعنا ضحكات بنات كانوا ورانا.. ويوم شفنا نظرات الاستحقار من موظف الاستقبال.. قلت خلاص اللي يوصل..الشقه اول هو الفايز..قال:تم.. ونررركض من جديد ونرقى السلالم بدل الاصانصير من الحماس.. ((كانوا الاثنين يهبلوووون..كانو ثنائي خطير..في اشكالهم يشبهون بعض..كانت شعورهم كثيفه من قدام..وتطير مع الركض..وكانو لابسين بناطيل جنز وعزوز لابس بلوزه سودا اما الثاني زيتيه)) وشوي يقربون وبنفس السرعه..وللاسف يوصلون مع بعض.. عزوز وهو ياخذ نفس:يوووه,,مره ثانيه سوا!!! قلت:سوا ولا موبايلي هاهاهااا قال:سخيييف.. قلت:موب اكثر منك.."ودخلنا جوا".. شغلنا التلفزيون بعد ماقررنا ننام سوا..مدري وش جانا زي البزارين.. كنت مابي ذا الدلخ يتحكم فيني..وهو مايبي يطيح اللي براسي,, حطينا ع الاخبار.. المذيع: وبدا ان الشخص قد فُقد.. والسلطات والشرطه تحقق في الامر فيما يبدو انها جريمة قتل..وليست انتحار.. فيما قال احد المسؤولون عن القضيه ان الشخص المعنيّ غادر المدينه ولا يعلم احد اين هو.. فيما تحذر الشرطه من التكسع في الشوارع وبالذات الخاليه من السكان.. "طفى عزوز الريسيفر بالريموت.." قلتله:وراه صكيته ماكملنا وش السالفه!! قال: الاخبار ماغير تضيق الصدر.. قلت:اما جرايم وبالسعوديه..؟؟ الله يكفينا البلا... قال:إي جد والله.. اذن العصر صلينا..جماعه مع ولد بالشقه اللي بجمبنا لان ماكان فيه مسجد بهالحي..وكان عزوز الامام.. اللي شدني..صوته بالقران كان خاشع وتدمع عيونه مع الايات.. حسيت بقشعريره فجسمي.. واستغفر الله اول مره احس اني خاشع بصلاتي.. قضينا صلاة وراح الرجال وكنا اصلا نتفق كل يوم في شقة واحد نصلي جماعه,,.. هنيت عزوز على صوته..وبصراحه في قلبي كنت احسده ع هالصوت ماشاء الله.. سبحان الخالق كنت كل مايمر دقيقه ويوم..يزداد تعلقي به,, قاطع تسريحي عزوز:نصووور...جوعااان..والله عصافير بطني تزقزق.. ضحكت عليه..وقلتله في سوبر ماركت قريب..خل نروحه.. قال:طيب معك فلوس قلت:ليه مو معك.. قال:لا نسيت بوكي بسيارتي والسياره بسدير..وقام يضحك.. قلت:مامعي الا ميتين.. قال:خير وبركه.. ورحنا للسوبر ماركت..وذا العزوز ماغير يدق سوالف مع حقين الكاشير والهنوود.. وحنا ماشين من قسم الكريمات وذا الخرابيط..كانوا بنتين ورانا.. راح عزوز قبصني"يعني شوفهم وطنش" غمزتله يعني لاتوصي حريص.. قربت البنت.. ونا كنت اسرع وهي تسرع اكثر بس كلنا ع خفيف.. وشوي وقفت ودووووف..صدمت في ظهري.. ناظرت ورا لمها ولقيت شيلتها طايحه.. على طول وخرت عيني.. وهي الحقيره ماغطت ويقالي اوجعتها... مريت من عندها ونا منزل راسي وقلت:اسف..مشيت قدام وسحبت على عزوز.. لحقني وهو ميت ضحك الرجال..وقال:ياهووو..ياحركتات..ياعيني انا ع الوسيم.. قلت:تستهبل انت ووجهك..!! قام يضحك وحط ايده ع كتفي ومشينا لقسم الشوكلاطات.. وظفينا خرابيط يمكن حول تسعين ريال وأكثرها للدب عزوز.. وخذنا خبز فرنسي ونواشف للفطور بكرا.. ومرينا من عند الالعاب وشرينا شريط كورهـ "سوني" وتحدينا انا وعزوز بعض على كف.. حسيت اني مستانس وان هالنكوتي اللي معي يونس وحبييب واللي يجذبني اكثر شي انه يكون علاقات بسرعه مع الكل لدرجه الموظف اللي كان تو رجع ينكت معه ويسولف اما انا اخذت موقف من نظراته..حاولت اكون زي عزووز..بس ماقدرت.. سبحان الله ذا الآدمي.. شد تفكيري..وخلاني افكر حياتي واقارن نفسي كثير فيه..ضحكته..ابتسامته..وحتى وسامته,, كانت كافيه بأن هالانسان يخش قلبك..وعلى طوووول.. رجعنا البيت مع اذان المغرب.. اجتمعنا وصلينا سوا..وحسيت بالجو الايماني بشقتي من يوم جا عزوز بصوته اللي يخليك تسرح مع الايات..وتحس بعظمة دينك.. خلصنا صلاة وتفرقوا الشباب الي جو صلو معنا.. حسيت بجوع..رحت المطبخ وناديت عزوز وقمنا نفتح الاكياس.. قلت:يالدووبي كلش ماخذ بو ريالين وثلاث.. قال:ولد نعمه وش تبي رميت عليه كاس بلاستك بس ماوصله وقلت:ولد نعمه!! على حساب مين يالشيخ.. قام يضحك وقال:ماقلت اببلع لحالي.. كلنا سوا.. قلت:سوا ولا موبايلي هاهاهااا قال:ماتحس علقت.. قلت:الاحظ..وضحكنا سوا من جديد صلحت قهوه..مع الجالكسيات..وكان تو رايح عزوز للحمام يتروش.. قمت انادييه:عزووو يالدوبي بسررعه بتبرد القهوه.. واسمعه يصارخ:هيييييي احتريني لا تاخذ شي.. قلت: بسرعه جا "ناراتو"..ونا اضحك وشوي الا ويطلع من الحمام ركض..وهو لاف المنشفه على خصره وشعره وكل جسمه مويه..شكله كان خطير.. وكان الجو يومها بارد.. جلس وصب لروحه قهوه وجلس يغمس الجالكسي.. قلت:يعني هو لازم بالدعوه تغميس قال وهو يضحك:لزوم الكشخه.. قلتله:رح البس فنيلا لا تمرض علينا ونبلشبك.. قال:ياحبيلك تذكرني بأمي.. قلت:رح يلا لا يصفقك هوا قال:رجال ماني ببزر.. قلت:بكيفك..وفصخت جاكيت كنت لابسه فوق البلوزه ورميته عليه غطى راسه وظهره يعني ما لبسه بس رماه ع راسه لان كان بوه طاقيه طالع شكله نااايس..رغم ان شعره حوسه شوي مع المويه.. قمت ابدخل الحمام.. سمعته يكح... قلت:ايه احسن تستاهل..هذا الرجال اللي تو تقوله..!! قال:لا بس شرقت "بسعبولهـ" مع الشوقلاطه.. قلت ونا مو مصدق:ايييييه هين.. قام ضحك وصكيت الحمام وراي.. كان الحمام كتمه وشكله كان مولع مويه حاره والمرايا عليها زي الغبار..وكان كاتب عليها باصبعه ((احبك يانصووور))..!! وراسم قلب صغيرون.. وكان فيه فراغ رحت كتبت فيه ((ونا بعد يالدوبي)).. كنت احس ان كلامه من قلب و مشاعري له بجد كانت صادقه.. كنتــ احسه زي الاطفال..إلي بقلبه على لسانهـ كان شعوور حلو ان يكون لك صديق..وصديق بمليون صديق.. ... ((صدق نعمه مايملكها كل واحد)) ... ... الله لا يفرقنا يااحلى عزووز بهالدنيا ... ونا بالحمام سمعته"اللي هو عزوز"وهو متكي ع باب الحمام يقول.. ((قال اييش قال نصوور..تقووله اييش..يقول نصووور ياحبيله ذا النصور.. على عزوز مره صبور..وقال ايييش قال نصوور)).. طلعت من الحمام و كملتها ونا رافع حاجبي.. ..((قال اييش قال عزووز..تقوله اييش يقول عزووز..ياحبيله ذا العزوز..طيبته زي العجوووز..وقاال ايييش قال عزووز)).. عزووز مات ضحك وكلنا اصلا ضحكنا بجد على دلاختنا... راح طل ع المرايا..وقرا اللي كتبته.. وقال:اقوولك رومنسي.. ضحكت وقلت: موب اكثر منك.. اذن المغرب.. وصلينا مع الشباب زي كل مرهـ ,, والشباب كانوا مستانسين مررهـ على صوت عزوز.. وواحد من الشباب قاله:اهنييييك بجد على هالصوت عزوز:الحمد لله..والله كله من ربي.. قال الولد وهو يناظرني:ياحظك بصديقك"قصده عزوز".. قال عزوز:انا اللي ياحظي بهـ.. ابتسمت..وودعنا الشباب..واتفقنا نتقابل العشا... يتبع التكملـــــــــــــهـــــ انتظروونااااا.... |
رد: $$ قصة عن الصداقه$$ روعه ادخلووو ضرورررررري....
لااا يااساروونه لييه ماكملتي صرااحه قصه في قممة الرووعه ومااأحلى هالصدااقاات تهبببل يله بننتظر التكمله بشغفف لا تطولي عليينااياأحلى سارونه |
رد: $$ قصة عن الصداقه$$ روعه ادخلووو ضرورررررري....
متابعين حتى النهاية
|
رد: $$ قصة عن الصداقه$$ روعه ادخلووو ضرورررررري....
تسلمووووو لي ياغالييين واهم شي القائد متابع للنهايه خخخخخخخخ
|
رد: $$ قصة عن الصداقه$$ روعه ادخلووو ضرورررررري....
جلسنا بالصاله..
وكنا ساكتين..وماعندنا شي نقوله.. بس لحظه ..!! انا اتكلم عن نفسي لان مدري وش يفكر فيه هالشخص اللي بجمبي.. سألته:عزووز عندك اخوان وخوات.. ابتسم ابتسامه باهته وقال:ياليت والله.. انا الاول والاخـــــــــــــــــــــيـــــــــــــــــــــــ ــــر.. قلت ونا مستغرب:جد والله..! غريبه توقعت عندك اخوان وخوات .. طيب امك وابوك وينهم.. تغيرت ملامح عبدالعزيز سكت شوي وقال:ابوووي .. الله يرحمه ويغفر له.."ثم تنهد" قلت:آسف ماكنت اقصد.. قال:لا والله عادي..اصلا ما اتذكر ابوي مرهـ.. لانه مات ونا بالابتدائي.. قلت:اشووه..طيب امك..؟؟ ناظر تحت وقال:لا تذكرني.. قلتله:اذكرك بوشووو..؟! قال:لا تذكرني ..لاني لاتذكرت مانسيت..واذا مانسيت ابتعب.. قلت ونا محتار:عزووز وش جالس تخربط.. سكت وهو يناظر للفراغ اللي قدامه..وتجمعت دموع في عينه.. "كان موقف غريب احس بقشعريره لا تذكرته".. قلتله ونا مرتاع: ..عزووز..وشبك لاتخوفني.. نزلت دمعه قاومت كثير قبل لا تنزل..مسحها في ثواني.. وقال:قلتلك..لاتذكرني.. احترمت خصوصيته وسكت.. حسيت ان الجو كئيب وان انا السبب.. فقلت في قلبي وش يحب عزوووز..!؟ تذكرت رحت شغلت الدش ع اسبيستون.. واول ماحطيت عليها... قال وهو متظايـق:طفي قناة البزارين ذي.. تفاجأت..بل انصدمت..معقوول..عبدالعزيز هذا مو اللي اعرفه..لاء ذا واحد ثاني..عزوز اللي اعرفه يعشق هالقناة.. قاطع تفكيري:ناصر..انت اكبر من ان تتابع هالتفاهات.. بصراحه ماقدر اوصفلكم شعوري وقتها.. تجاوبت لطلبه..وصكرت الدش.. رحت للمطبخ ونا مبلوه من اللي يصير..وقمت اصلح عصير فراوله بالحليب ..لان الوقت طويل وحاسين بجوع.. ..((لاحظوا ان كل هذا اللي سار في يوم واحد..يعني تونا واللي صار شوي..باقي سته ايام من الاسبوع راح يقضيها عـــزوز مع ناصر..تهقــــــون ناصر ..بيكشف سره او لا..؟؟ ..لاتسألوني..لاني مثلكم لحد الان ماعرفت..هــه..!)).. خلصت من العصير وشكله طلع حلو انشغلت معه ونسيت سالفة عزوز..وقمت احط مصاصات وفراوله ع طرف الكاسه.. وقطعت فواكه بوسطه..وشوي فيمتو وعصير مانجو..طلع طبقات انخبلت على شكله..ثم رشيت هيرشي شوي من فوق..صح انه خبص شوي..بس شكله طلع حلو.. قمت اناظر عزوز..لقيته مسرح..لعنت اليوم اللي سألته فيه عن امه.. بس جد خلان اتأدب اجيب طاري اهله.. حطيت العصير بالثلاجه علشان يبرد شوي.. رحت لمه.. وقفت قدامه.. قلته:عزوووز.. خلاص تراك والله مضيق صدري.. سكت.. ثم زفر.. ثم طول ساكت..ثم ضحك.. لأول مره يضحك عزوز وما اضحك معه حتى ملامحي ماتغيرت.. قلتله بجد: عزوز..تراك كذا تلعب على نفسك.. "وقف ضحك وقام يناظرني" قلتله: كانك بتضحك.. علشان تنسى.. خذها مني وعد انا ماراح انسى..!! رفع عينه وفي وجه علامات تعجب وقال:ناصر وش تخربــــــــــــــط.. قلت:صحيح ان انفعالاتك ينخاف منها.. وخليتني اتأدب اسالك مره ثانيه عن اهلك.. بس يوم اني صغير كانوا يسموني..((العنيد)).. قال باستخفاف:العنيد ولا الساهر..هاهاهاهااا.. قلت:لاتصرف لاجيت اسألــك عن حالك..كانك تبي تسكت..ترا عادي.. والعنيد..كبر..بس ماترك عناده.. عزوز:ناصر ترا كذا تخوفني.. قلت له ونا اضحك:يعني راح الج ابو اهلك لين تعلمني السالفه.. ضحك وقال:دام قدامي العنيد..ترا قدامك..واحد اعند.. قلت:تهقى اخليك تروح بدون ما اعرف... قال:وبقوووه بعد.. قلت:لاتوثق كثير.. قال:طب جيب العصير.."قمت اضح وقلتله يالدوب تراقبني" قال:تبي اسمع اصوات الخلاط وتصقيع الدولاليب وما انتبه لك..!!! قلت:هيين ولا تفكر حتى تساعدني.. قال:كنت مخطط اساعدك في شربه.. قلت:قايلك دووووبي..بس عصله..مايفكر الا بكرشته.. ورحت جبت العصير..وشربناه وطعمه كان احلى من شكله بمليون مرهـ... اذن العشاء.. واجتمعنا مع الشباب.. وطبعا مع صوت عزوز الهادي واللي يخش قلبك.. سار حتى الموظفين يجون يصلون معنا.. "الله يخليه لنا دوم".. خلصنا الصلاة وافترقنا.. عاد مدري وش فينا جوعانين مع ان العصير لحاله وجبه لان وصطه فواكه.. قال عزوز:اسمع ناصر قلت:هلا.. قال:وش رايك نطلب من مطعم... قلت: وعلى حساب مين.. قال:ومين يعني غيرك قلت:وليه كل مره انا.. قال:لان انت الوحيد اللي معك فلووس قلت:يااخ ليه ماتتوظف اجل دامك مطفر.. قال:لا خطبت وحده افكر قمت اضحك على خباله وتفكيره المصلحجي وقلت امري لله: وش تبي.. قال:بيدزا هت.. قلت:اسمها بيتزا مو بيدزا ..وبعدين منين اجيبلك حول سبعين ريال قال:اجل وش تحسب مانبي خرابيط قلت:اللحين على بالي شاورما ثلاث ريال..والله انت يبي لك ميزانيه.. ضحك وقال:صقيقي الوحيد..تبي صديق ببلاش يعني.. اسبوع تحمل وبعدها بتفتك للابد... قالت:شكل بعد ذا الاسبوع ابرووح اطر بالشوارع قال:لذي الدرجه يعني.. ضحكت وقلتله: من عنوووني خلاص تم دام عزوز يبيها قام طار وخمني..وقال: يا حبي لك قلت: ونا بعد احبك بس ارفق بغيت تزنطني (تخنقني).. قال بعد مافكني:بسرعه لان الطلبيه ماتجي الا بعد ساعه الا ربع.. قلت :اووكيك.. قال: تبي كيك.. قلت:يالدلخ اقوول اوكيييك,, قال:ايه قصدك تطلب معها اسكريم أو كيك.. قلت:اقووول.."ستاند اب جست استاند اب"((معناها بالـ eقم بس قم)) {{بين الاقواس الترجمه}} قال: سي وي قف يو أ فيس (( ترا عطيناك وجه)).. قلت: فال اون يور فيس..((مالت على وجهك)).. قال: يس ايزي باك..((ايه هين عاد)) قلت:قوووو فروم ذير..((رووح مناااك)).. قام يضحك وقال:ياعيني ع اللغه.. رحت وطلبت الطلبيه..قال عزوز.. ابروح السوبر ماركت..واجيب بيبسي.. قلتله:ايه رح جبه "وطبعا على حسابي من جديد" يوم راح عزوز..قلت فرصه خل ارتب الشقه شوي.. ونا امسح الطاولات..دق الجرس..قلت مسرع جا عزوز.. رحت فتحت الباب.. طلع لي واحد..اطول مني بشبر تقريبا.. واللي شدني ان كان فيه ملامح من عزوز.. قال:السلام عليكم..ورديت السلام.. قال:هذي شقة ناصر الـ .... قلت:ايه نعم اخوي..مين معي؟! قال:مو مهم بس انا ابسألك عن واحد اسمه عبدالعزيز الـ... قلت: امم بصراحه ما عرف عايلته.. بس اعرف واحد اسمه عبدالعزيز.. ليه مين انت.. قال:ممكن اقابله.. قلت:لا اخوي توه طالع من شوي.. قال:اهاا طيب مطول.. استغفر الله كذبت وقلت:ايه.."لاني حسيت ان وراه بلا".. قال:قوله اذا جا ان محمد يقولك {لاتنحاش ماحنا بذابحينك.. هي كلها كم كلمتين و نبيها}.. قلت:طيب محمد وشو.. قال:انت قوله محمد وهو بيعرفني..!! قلت: ان شاء الله"ونا ابغاه يروح لاني خايف يجي عبدالعزيز" قال:اجل يلا سلام.. قلت وعليكم السلام..وصكرت الباب وراي.. بصراحه خفت.. قلت وش السالفه يااهووو مافي حد بيعلمني.. شوي..رن الجرس .. رحت ركض افتح.. لقيته عزوز.. قال:وشفيك بسم الله تراكض.. قلت:ادخل انت بس ونا اقولك.. حط الببسي في المطبخ وجا..قال:وشو.. قلت:تو جا واحد وسأل عنك,, ارتاع الولد وفتح عينه ع الاخر:من جدك انت قلت:تحس اني استهبل..!؟ وقالي قول له..لا تنحاش حنا منا بذابحينك ومدري وشو ويقول كلها كم كلمه ونبيها... اظن قال ايه..قال اسمه محمد.. عزوز وهو منهبل: تمزح..وشلون وش جابه.. قلت:تعرفه يعني.. سكت..وقال :يعني مافيه فكه يااخ وش يبي مني.. قلت:تكفى عزوو قولي وش السالفه..والله لحست مخي.. رن الجرس..وكانت الطلبيه.. حطينا البيتزا..والببسي..سمينا وتعشينا..ونا مرتبش من هاللي يصر قدامي.. لكني حاولت اكون هادي..واخلي السالفه لوقت ثاني..اما عزوز مدري وش يفكر فيه بس انه كان مسرح طول الوقت.. الساعه كانت تسعه..وفيني نوم مع اني قايم متأخر.. يوم قضينا عشى..قلت:عزوز..ماودك تنام.. قال:إلا والله.. قلت:احس اليووم طوييييل وسارت اشياء كثيرهـ.. قال: جد والله.. وقمنا رجعنا الكاسات وغسلناها..رحنا لغرفتي.. وانسدحنا ع السرير..كنت انا في بداية السرير..ع اليمين وهو كان من الجهه الثانيه ع اليسار.. كنت ثاني رجل وحاط الثانه فوقها علشان ما اضايق عزوز.. وهو كان نايم ع جنبه..يعني كان في وسع بالسرير رغم اننا اثنين.. وبوسط الظلام و هدوء الجو اللي كان بالسكن.. سمعت زفرته.. وحسيت بحره في قلبه.. لمست راسي.. لقيته حااااار.. وشكل الحراره ارتفعت عندي.. قلت بكرا ابحط كمادات لان ذا مو وقته... مع التعب نمممت.. بس شكل اللي بجمبي مانام.. حسيت بصوت هادي يقومني.. فتحت عيني لقيت الدنيا ظلام..والجو بارد ومع اصوات الاذانات كان جو خطييير.. قلت وصوتي رايح نووم:هلا عزوز قال: يلا اذن الفجر.. قلت:شكلك مانمت.. قال:ايه والله عجزت لا انام..يالله رح غسل وجهك اليوم رايحين لشقه رقم16 .. قلت:قالوا لك هم.. قال:ايه يلا..مانبي نتأخر.. قلت:وراك مستعجل.. قال:لابس يبوني اسير الامام.. قلت:ايه علشان تسذا.. اجل احترين لين اتوضا .."ورحت للحمام" يوم طلعت كان يحترين عند باب الحمام..وهو لابس ومخلص.. رحنا طلعنا..وصلينا..ورجعنا للشقه من جديد.. انا عن نفسي طار مني النوم.. اما عزوز..لانه مانام كان ميت نوووم.. رحت للصاله وشغلت لاب توبي ودخلت نت ..حسيت من زماان عنه..وبعد ماقضيتــــ فتحت مستند نصي فارغ وكتبت..((قابلت انسان غريب..حببيته حب قوي وعجيب..مافهمت داخله..رغم انه لي قريب..ودي افهم قصته وسره الغامض..ان كنت من قبل ماعشقت انسان..فاليوم جا اليوم اللي لقيت الشخص اللي يستحق اقوله... حبيبي..)) يوم سار الساعه تسع.. رحت للغرفه ونمت... قمت الساعه اثنعش ونا احس شبعااان نوووم..لقيت عزوز نايم وشكله كان تعبان..قلت خله نايم.. وسويت لي فطور خفيفـــــ .. وجلست بالصاله.. وشوي طلع عزوز من الغرفه وهو يتمغط..شكله ماشبع نوم.. قلتله:صباح الخير قال:صباح النور..وراح للحمام.. وبعد ماطلع..سألته:تبي اسوي لك فطور..؟! قال:لا والله مالي نفس..اذا جعت قمت وسويت لي.. قلتله:براحتك.. "سمعت جوالي يرن بالغرفه ورحت ارد عليه".. كانت المتصله امي..ياحبيلها والله من زمان عنها..يوم رديت جلست تعاتبني علشان مادقيت عليها امس ولا سألت عنهم..وقلتلها على سالفة عزوز..وماتت ضحك على خباله..وقعدت تسولف عن الرياض وعن جوها وأهلها..ومن ذا الكلام..وانا اكلمها سمعت صوت جرس الشقه..استأذنت من امي وسكرت الخط.. جيت ابفتح.. لقيت عزوز فتح.. واول ماطلعت لقيت الولد سطر عزوز كف ع وجهه.. "كان كف لو سطرته اربعيني صاح عندك"... انا انهبلت..وعزوز لف وجهه بدون مايتفاعل.. أو يرد ع حركة محمد.. ((الولد الي جا اول)) رحت انا صارخت:هييييييييي يالحيقيير خييير ان شاء الله.. قال محمد:لو سمحت لاتتدخل.. قلت:اقول ابعد عن عزوز..ولا ترا قسم مايصير خير.. قال محمد:لو سمحت ياناصر مانصحك تتدخل.. اللي خلان استغرب سكوت عبدالعزيز..وانه ماكان يرد او حتى يدافع عن نفسه..واستغرابي الاكثر هو من الشبه الكبييير بينهم.. روعني محمد يوم قال لعزوز:يتجي معي... ولا؟؟ سكت عزوز...وما رد"ونا في وجهي مية علامة استفهام".. راح محمد ومسكه من بلوزته ورفعه واحس قلبي طار معه.. وقال وهو معصب:يتجي ولا..!! رد...؟؟ انا صرخت فيه و قلتله:كانك جاي هنا تضارب..تفاهم مع صاحب البيت اول.. ناظرني نظره تروع وقال: ناصر..لاتخليني اعيد كلامي.."ورمى عزوز ع الارض وحسيت ان عظامه تكسرت من الرميه" رحت عنده ركض..وتكيت ايده ع رقبتي وقومته.. وقلت لمحمد: شوووف تراي والله سكت لكم كثيييير... يعني مابيجي احد ويقولي وش السالفه..؟! قال محمد:ذي خصوصيــــــــــــــاتــــ عائليه.. ناظرت عزوز..يعني تكلم.. لقيت خده زرق من الكف..وحسيته تعبان.. حسيت اني ابصيح.. لاني ماودي اتعبه واخليه يتكلم.. ناظرت محمد بعيون كلها حقد.. ناظرني..بس وخر عينه.. وطلع من الشقه.. كنت ابروح الحقه سمعت حبيب قلبي وروحي عزوز يقولي:خله..خله يروح,,.. قلت:وشلون اخلي ذا الحقير السافل يروح بدون ما اردها له..؟! قالي بصوت تعبان:بسيطه لو انت مساامحه.. قلت ونا ابموت قهر:وشلوووون..وشلون تبي اسامحه وسوى كذا فيك..!؟ قال:ناصر .. تعود ان تسامح..كل من عليك..يخطي..صدقني ميب صعبه قلت:اذا عليّ انا هين بس عزوز..مقدر.. قال:الناس سارت تقول بهالزمن.. بس ماتقصد.."ودمعت عيونه".. قلت:لا ياعزووز.. لاتصيح..والله مايسوى دمووعك "ونا ابموت قهر ابي اعرف وش صاير".. قال:ياليت كل الناس مثلك يانصور.. ساعدته ووديته لغرفتي وسدحته ع السرير.. وجلست عنده راسه بالارض.. قلتله:تحس شي يوجعك.. قال:لا بس كتفي شوي.."لان يوم رماه طاح كل ثقل جسمه ع كتفه" قلت:ورين.. وقام فصخ بلوزته.. ووران اياه..كان مزرق شوي .. رحمته شكل الطيحه قويه.. رحت جبت شاش ولفيت كتفه بعد مادهنتها بزيت زيتون زي ماكانت تسوي لي امي.. ثم سدحته بالسرير...وقلتله:لا تتحرك.. ورحت للمطبخ وجهزت له فطور.. وحطيته بصينيه.. وحطيت الصينيه فوق رجلينه وهو منسدح ع السرير.. قال :نصوور تراك دلعتني بزيادهـ..!!!! ضحكت وقلتله:ونا كم عندي عزوز بهالدنيا ابتسم.. ثم سرررح وشكله راح بعييييييييييييييييييييييييد.. قلت خله ياشيخ الرجال تعبان.. بس وعدت نفسي ان مايروح الا لين اعرف كل شي.. طلعت من الغرفه.. لاني كنت ابروح السوبر ماركت اجيب اشياء للغدا.. كتبتها بورقه علشان ما انسى.. دخلت غرفتي.. -وانتو بكرامه- جلست البس جزمتي ونا اربط حبالها..سألت عزوز كان يبي شي اجيب له.. قال:لا والله حبيبي سلامتك.. قلت:متأكد ماراح تحتاجني قال:لا ان شاء الله..انت كبرتها وهي صغيرهـ.. قلت:اذا تذكرت شي تبيه لاتستحي عادي اتصل.. قال:لا باقي شوقلاطات بالدرج ماخلصت.. ضحكت وقلتله:يـلااا سلااام... ونا بالطريق بس طول الوقت بالي مشغول.. تمنيت احد يكون معي يقولي وش اسوي.. تذكرت اخوي الكبير خالد.. وكيف انه كان دايم معي.. ويعلمن شسوي.. طلعت جوالي.. ودقيت عليه.. رد: الوووو.. قالت:هلا والله..خويلد...كيفك يالدووب قال:هلاااا وااااالله..بالقاطع..مرااحب يالدووبي..وينك من زمان عنك.. قلت:والله انتم اللي من زمان عنكم..وراك ماتدق ولا تسأل..؟! قال: منشغل شوي مع ساره تخبر يعني.. قلت:لاااحووول.. انت مما زوجوك وصاجهم بذا الساره خخخ قال وهو يستهبل:اقول حدك لاتتكلم على مرتي.. وقمنا نضحك سوا حسيت براحه يوم سمعت صوت خالد..وحسيت كأنه بجمبي.. صدق اشتقت للرياض وأهلها.. رحت جلست بكراسي حاطينها قبل لا ادخل السوبر ماركت.. وقلتله:اسمع خلدون.. انا ابي رايك في شي.. قال:لا يكون سويت مصيبه من مصايبك.. قلت ونا اضحك: لا..يالخال.. بس انت اسمع.."وقلتله سالفة عزوز كامله".. قال:والله طحت بانسان عجيب.. قلت:جد والله.. اللحين مدري شسوي.. قال: مافي الا انك تجلس معه وتصيد وقت يكون رايق.. وتعرف منه السالفه.. قلت: ظنك كذا..!! قال:والله كان عندك راي احسن.. قله.. قلت:لو كان عندي ماكان جيتك.."وسكت" قال: ايه طيب وش اخبارك؟؟! قلت :والله تمام وانت.."وقمنا نسولف شوي وفي الاخير" قلت:اقول ترا عطيتك وجه ماتلاحظ.. قال:اقوول رح مناك هذا جزاي انا.. قلت:طيب سلم لي ع الاهل قال:يعني تصريفه..؟! قلت:اجل وشو..خخخخ..وقمنا نضحك سوا وقام يصارخ:اوريك يالدووبي بس انت تعال الرياض.. قلت:ابشششر من عنووني..خخ يالله سلااام..تراك خصرتني.. قال:ايه قول تسذا..يالله انقلع.. قلت:هيين اوريك انا بص..بايااات,,.. قال: باياات.."وسكرنا ثم دخلت السوبر ماركت".. حسيت براحه شوي وقمت اجمع في ذا الطماط..والبطاطس..وكل شوي ادق ع امي..اسألها وش اختار أي نوع دجاج..ولا شوي اسألها وش احتاج في الكبسه..ولا وش ازين الليمون الاصفر ولا الاخضر..لين في النهايه عصبت وهاوشتني.. ونا ماغير اضاحك بالماركت.. رجعت للشقه.. لقيت عزوز جالس بالصاله..ولابس جكيت بدون بلوزه "بص مصكر السحاب"علشان الشاش.. وكان مشغل اسبيستون مندمج..يتابع كونان.. قلت في قلبي ياخ ودي افهمك..بس لو مرهـ وحدهـ.. حطيت الاغراض بالدواليب.. ورحت ابتروش.. خذت ملابسي ومنشفتي.. ونا طالع ناظرني عزوز وقال:بتتسبح قلت:ايه.. قال:لا تطول.. قلت:ليه..تبي الحمام.. قال:لا ماابي اجلس لحالي.. ناظرته..ونا ودي اعرف وش يفكر فيه.. وقلتله:ان شاء الله.. بعد ربع ساعه طلعت.. ونا طالع سالته: عزوز..صليت الظهر..؟! قال:ايه.. قلت:اشوى..لاني نسيت لااصحيك يوم اذن.. رحت للمطبخ..ودقيت ع اختي لان امي معصبه..وجالسه تنقلني طريقة الكبسه.. خلصت وحطيتها ع النار.. رحت وجلست بالصاله.. شفت عزوز مروق.. وتذكرت كلام خالد.. قلتله: هاه..بتقولي وش السالفه..ولا قال وهو يتنهد:دامك مُصِـــر.. قلت: ادخل جوا بدون مقدمات شفت عزوز مروق.. وتذكرت كلام خالد.. قلتله: هاه..بتقولي وش السالفه..ولا قال وهو يتنهد:دامك مُصِـــر.. قلت: ادخل جوا بدون مقدمات قال:طيب..كنت قبل لا اجي هنا للدمام.. عايش بسدير مع امي.. الله يحفظها.. وخواني وهذا اللي شفته امس واليوم اكبرنا.. قلت ونا رافع حواجبي:يعني عندك اخوان؟! قال:للأسف ما اعتبرهم اخواان.. كنا عايشين سوا.. وكنا ننام كل ثلاثه بغرفه..كان شي ممل..بس الحمدلله وش نقوول.. وليت الغرف كانت كبيره.. استغفر الله كاننا بأقفاص.."سكت شوي يجمع افكاره و هزيت له راسي يعني كمل".. قال:وكنت انا متضايق من الوضع اللي حنا فيه.. وكان اخوي سلطان يبي يتزوج.. رغم ان اوضاعنا الماليه مااش.. اصر واصر على امي لين وافقت.. واختارت امي بنت اختها وكانت تعشقها وتحبها موووت,,.. وسلطان كان نفس الحاله.. كنت متظايق من فكرة ان المهر بيكون من رواتبنا اللي نتعب عليها تخيل..!!..وكنت رافض الفكرهـ.. المهم..ان ماحد عطاني وجه.. وسوو الزواج.. تزوج سلطان.. والمشكله الاكبر بعد زواجه.. قلت ونا متحمس:ورااه..؟! قال:لان سلطان ماكان راتبه قوي.. فماقدر يوفر له بيت فقرر يعيش معنا وبدعم الفكره من امي .. كنت انا ومحمد اكبر المتظايقين.. لان اخذوا لهم غرفه وسرنا بدل ماحنا ثلاث..سار بالغرفه اربع.. سرنا مانقدر ندخل وننزل على راحتنا.. وكان شي ممل صراحه.. يعني ننحبس من بداية اليوم لاخره في غرفه..لان ماعندنا حتى غرفه للجلوس.. كل ذا تحملته علشان اخوي سلطان موب علشان حد ثاني.. بس اللي قهرني.. ان في شهر العسل حقه.. ماطلعها برا سدير بس كان يوديها مطاعم وفنادق ومن ذا الخرابيط.. قلت:طيب وش اللي يقهرك في ذا..؟؟ قال: زي ماقلتلك سلطان ماعنده دخل قوي.. يعني من وين راح يجيب فلوس كل هالمصاريف.. جات امي ويوم..نادتني بالغرفه لحالي..خفت لايكون سار شي قالت لي انها تبيني اعطي سلطان بطاقتي حقت البنك.. وكان فيها تقريبا حول سطعش الف.. رفضت رفض تام الفكره..لاني من زمان اوفر من راتبي علشان اشتري سيارهـ.. وقلتلها لو تنطبق السما ع الارض مانييب.. قالت:ياوليدي اخوك بشهر عسل وكافي ان ماسفرها خله يبيض وجهه قدامها وقدام اهلها,, قلتلها:ونا وش دخلني اعطيه فلوس تعبت لين اجمعها..وبعدين دام ان ماعنده قدره ليه تزوج.. قالتها امي (بالمختصر المفيد):شوف لو ماتعطي اخوك البطاقه..والله ما ارضى عليك لين يوم الدين.. "كنت انا متحمس مع السالفه وحاس انها ظلمت عزوز بقرارها يعني هو وش دخله" قال عزوز: انا انقهرت وحسيت اني ابصيح.. بس يوم قالت مو راضيه عنك.. استسلمت ونا ودي اذبح هالسلطان.. اعطيت امي البطاقه.. وخذها سلطان..بدون حتى مايقول شكرا.. حسيت اني انقهرت وودي اذبحه.. قلت لمحمد وكان هو اقرب واحد لي.. وكان دايم يصبرني.. كان محمد مايهمه أي شي..إلا امي..يعني لو وقف شي عليها يقوم الدنيا ومايقعدها كان يقدسها بشكل مو طبيعي.. وهي بعد كانت تشوف كل اغلاطه ثلج على قلبها وتعشقه اكثر مننا.. حاولت اصبر ماقدرت وبالذات لما يكون عندك اصدقاء مطخطخين.. يعني سيارات (كمارو..لكزس..مازدا الجديده..كامري2008).. كنت احس اني ابصيح قهر من اللي يصير.. وقلت مافي الا حل واحد.. رغم انه كان اغبى حل في حياته اتخذته.. "قلتله ونا بتقطع من الحماس والقهر ع حال عزوز:يلا كمل ايه" قال:قلت مافيه الا اني اكلم زوجته.. يمكن تقدر شوي.. مدري وش جاني وقتها وش هالغباء الي خلان اقولها كذا.. وكلمتها من باب الغرفه يوم كانوا نايمين وسلطان طالع.. وقلتلها..ان من يوم جيتي وحنا ماشفنا خير وان كلنا متضايقين بس علشان سلطان صابرين.. وان كل اللي تشوفينه.. من تعب سنوات وانا اجمع هالفلوس..كانت كلماتي من قهرر.. ومن اللي كنت اشوفه منهم,,.. وعاد البنت ياعمري..ماتحملت وصاحت.. وقتها توي احس باللي سويته..رحت وخليتها.. جا سلطان وقالت له..تكفى سلطان طلقني لاني اذيه ع اهلك قالها:وليه مين قالك..بالعكس كلن مستانس واولهم امي.. قالت له زوجته السالفه..وحس سلطان ان كبريائه انجرح يوم درت ان الفلو س كانت حقتي.. جا سلطان ونا نايم وقومني.. ويومها اخذت علق يحبه قلبك.. حسيت ان ايدي انكسرت من طقه.. ماقدرت اقول شي لاني حسيت ان حركتي غلط.. بس تخيل رجال طول وعرض ينطق .. والله قهرر وجا من بكرا وقامت الدنيا وماقعدت يوم درت امي.. وهي ماغير تحسب الله علي.. حسيت ان صدري ضايق وكرهت البيت وكل من فيه.. قلت بداخلي:يا قلبي عليك ياعزوووز.. قال:وبعدها.. رجعت البنت وفهموها القصه.. وامي قالت ماني محللتك ولاني براضيه عليك لين تجي وتعتذر.. ونا جاي هنا الدمام منحاش منهم..وماودي ارجع للابد.. "تنهد..وحسيت به هالمره وفهمت اشياء كثيره ماكنت عارفها" قلت:يعني محمد جا اللحين يبيك تروح معه.. قال:ايه.. بس هي لو كانت ع الاعتذار سهله مع اني ما احب اعتذر.. بس المشكله ان رجعت ياويلي من خوالي.. قلت:و وش بتسوي.. قال:والله مدري.. المشكله ان امي مرتفع عندها الظغط ونا خايف عليها,, وخايف اروح ما ارجع.. احس لو رحت بيذبحوني.. عليلتنا متشددين ومايرحمووون... قلت:الله يعينك صراحه.. وشوي إلا اشم ريحه..صرخت:يوووووو احترق الرز لاااااااا..تهؤ تهؤ تهؤ قام يضحك علي عزوز..وجا ساعدن علشان نطلع الزين من المحترق.. زينا الغدا وكان الكبسه طعمها حلو.. رغم محترقه شوي.. كان ودي..اطلع عزوز من جو الاكتئاب اللي هو فيه وفي نفس الوقت ودي اساعده في حل ابدي لمشكلته.. بس مع ويييييييييييييييييييييين...؟؟ عصرت مخي ماطلع شي.. اجلت الحل لوقت يكون مزاجي اروق.. بس حسيت ان عزوز ارتاح شوي..يوم قال اللي في قلبه.. وحنا ناكل.. قال عزوز:عن اذنك ياناصر.. قلت:وشو... قام حط الملعقه ع جنب وقام ياكل بيده.. قمت اضحك وقلت:تحمممست لهالدرجه.. قال:لذيذه لاتقااوم..بس انت وخر عينك.."وغمز لي".. كان قصده يعني بتشوف فضايح احسن لك وخر عينك,,,.. ضحكت عليه..من قلب..ومن صمييييم..هالقلب.. وتمنيت ان يجي كذا شي..ويوخر المشاكل من حياته.. ونعيش سوا.. طول عمرنا ومايفرقنا غير الموووتـــــــــــــــــــ... خلصنا غداء وغسلنا المواعين.. وصلينا العصر بشقـة واحد من الشباب اسمه(عبدالملك).. وكنا خمس.. انا..عبدالعزيز ..عبدالملك..عادل(ولد اخته بس كبره)..سالم(صاحب الشقه اللي قبالنا).. وكنا كلنا جايين هنا الدمام للجامعه.. اتفقنا ويا الشباب ان بكرا نطلع للبحر.. لان كان باقي ثلاث ايام.. وتبدا الدراسه"الجامعه".. رجعنا للشقه.. ومازال عزوز حاط اللي سار امس في باله.. جيت لمه بالصاله وقلتله:عزووز.. وشبك تغيرت..وين الضحكه حقت اول وين خبالك يوم اشوفك اول مره..تراك كذا مضيقن صدري معك.. قال وهو متضايق:نصوور..مع وين يجي الضحك..اللحين لو انت بمكاني وش كنت راح تسوي.. قلتله ونا مبستم:تهقى يهون علي اشوفك تسذا واخليك.. اكيد لاء..صدقني راح ندور على حل لمشكلتك.. بس نبي نفلها قبل لاتبدا الجامعه.. قال:جد والله.. قلت:ايه وليه لاء.. ابي عزوز اللي اول يرجع.. ابي عزوز اللي صراخه من اخر السكن تسمعه.. واللي من جرأته ودك تجلس معه.. قام يضحك وقال:يعني..!!!! قلت:يعني لو نطلع ونتمشى بالشوارع..ونرح نسبح بالبحر.. قال:تسان نفلها .. قلت ونا اضحك:يعني خبره صرت بلهجة القصمان قال:وادمنتها بعد.. قلت ونا استهبل:انتبه لنفسك،والله لو تخرب مانييب موديك للامل قام يصارخ:هييييه يالدووبي بسم الله علي..مااشرب قمت اضحك وقلت:بجد حتى "..هييييه.." فقدناها.. قال بخبث :يلا اجل جهز عمرك ورانا سباحه.."وغمز لي" قلت:شتقصد.. قام يضحك وقال:لا ولا شي.. قلت:اورييك يالحقيير فهمتها.. قال وهو يهز كتووفه ببرائه:ماقلت شي.. قلت ونا مومصدق:اييييه هين ويوم قرب المغرب جهزنا قهوه وشوكلاطات معها وحطيت على ام بي سي اكشن.. راح اخذ عزوز الريموت وحط ع اسبيتتون.. قلت:اقوول ترا عطيناك وجه.. قال:اقول ظف بعد دقيقتين بيجي توميـــن جيري..(يعني توم آند جيري"مختصره") قلت:وشووو..لايكون بتتابع حق الورعان ذا قال:اجل وشووو قلت:اقوول رح مناك بس.. إلا شوي ويبدأ..ومعلي الصوت ع الاخر..وموسيقته ترفع الظغط.. قلتله:تكفى عزوز ارفق احس الارض تهتز "عاد احب ابالغ شوي" واناظره إلا الاخو مو معطين وجه وفاطس ضحك ع حركاتهم.. كانت الحلقه(اللي فيها قطوه بيضا "بنت" ويتهاوش عليها توم مع قطوتن ثانيه سودا) قلت:والله حتى الكراتين خربوا.. واناظر عزوز مطنشني كان ودي ازنطه لان مااحب احد يزلبني.. قلت في قلبي هين اوريك.. وجا وهو يناظر التلفزيون مد لي فنجان القهوه"يعني صب"وهو يناظر الشاشه..قلت في قلبي انا اوريك يالدوبي.. وهز الفنجان يعني يلا صب قمت وفتحتها ع الاخر وكانت حاره كبيتها ع ايده.. ام يرمي الفنجان و يصرخ بقوه لين نقزت وخفت لايجي حد من الجيران يشتكي.. قال:يالمخابووول..صاحي انت.."وقام يهف ع ايده".. قلت:ايه احسن قال:احسن في عينك يالخايس.. وفجأه طب فوقي وقام يدغدغني"عاد نقطة ضعفي"... ونا عاد مت ماقدرت اتحمل..وقلت:خلاااص خلاااص والله معاد اتحمل قال وهو مستمر:بتقول اسف ولا.. قلت ونا ميت ضحك وجالس افرفر:اييه اسف بس انت فكني.. قال:لا آسف ماتكفي.. ونا ابي افكه ماقدرت ماسك بطني منه.. وجريت شوووشته.. وهو يصاارخ:عااااااااااااااا فكني.. قلت:لين تفكني اول.. قال:طب فك انت.. قلت ونا خلاص بطني توجعني من الضحك:نفك سوا.. قال:سوا ولا موبايلي.. قلت:هيه حقتي سرقتها.. فكني يالدووووووووووووب وماوقفنا الا يوم سمعنا صوت الجرس..قمنا بسرعه ونا رحت افتح وخليت عزوز يمسح بسرعه القهوه.. كان واحد من الشباب ويبي نتفق على طلعت بكرا ونا جالس اسولف عندالباب علشان عزوز يخلص.. والرجال يلمح يعني دخلني جوا.. اناظر لعزوز القاه مضيع الفوطه حقت التمسيح..واحس وجهي راح وطي.. قمت دخلت الرجال وعزوز توه يلاقيها.. قام يضحك وسلم عليه.. قال عزوز:معليش والله علشان طبيت فجأه..ولا دايم مرتبه الشقه.. عبدالملك وهو يضحك: لا عادي عندنا وعندكم خير.. قمت سألته عن عاادل ورا ماجابه.. قال :انه راح يمر على سالم علشان نجتمع ونتكلم سوا.. قبصني عزوز يعني رح قم جيب القهوه.. قلت في قلبي بس انت خلهم يروحون ونا اوريك..كافي فشلتنا.. ونا اجهز القهوه واسولف معهم لان المطبخ مفتوح ع الصاله.. دخلوا سالم وعادل.. جلسو الشباب وجا سالم ساعدني وكان حبوب ياحليله.. وحط الجالكسيات وجلس ينقي من الكيسه الحلوات.. قلت:ماخلصت ونت تنقي من اليوووم.. قال وهو يضحك قال:ادور شي يناسب كشختي قلت:اقوووووووول اذلف بس.. ضحكنا سوا وودينا الصينيه وجلسنا بالارض ووخرنا الطاوله علشان يصير وسع.. قال عزوز وهو يصب القهوه:ومتى طالعين.. قال عادل:بعد الفجر سالم:لاااا ومتى ننام.. عادل:نام بدري اليوم.. قلت:طيب بنفطر بالسكن ولا هناك عبدالملك وشكله عارف الدمام من زمان:لاهناك لو تشوف الجو خطييير ومع شرووق الشمس شيييي.. سالم:راح تسبحوون عزوز:ايه افا عليك بس.. سالم:يوه ماعندي حق سباحه قال عزوز يستهبل:اسلفك صروالي.. سالم:تخيل.. عزوز:تبطي عظم والله ماتاخذه سالم:من زينه تكفى.. قامو العيال يضحكون ع دلاختهم وبدوا الاثنين يندموجون مع بعض.. ..المهم سار الفطور كلن يجيب اللي يبي يعني قطه.. اذن المغرب وصلينا كلنا.. عاد حلف عزوز ع الشباب ان مايروحون الا لما يتعشون.. والدووبي يعزم الناس على حسابي.. عبدالملك:بس لاتتعب حالك وتجيب من برا..نواشف والسلام ختام سالم:اقول اذلف انت..من زومان ما اكلت من مطعم.. عبدالملك:استح على وجهك يالخايس قمت اضحك عليه قلت:لا خله يفضفض يقول اللي بقلبه عبدالعزيز:وش رايكم تذوقون كبسة نصوور عادل:جد يعرف يسوي كبسه.. سالم:انا بيض ويااالله.. عبدالملك:لا عاد نبي نذوقها اجل.. قلت:من عنووني والله.. المهم..صلينا العشا وجلسنا لين حول عشر بالليل..ودخلت انا وسالم للمطبخ.. قلتله:شكلك راعي مطابخ.. قال:عزووبي وش تبي..خخخ ناظرنا العيال كانوا يلعبون اونو..ويشربون شاي قلت لسالم:شفت الخايسين حتى ماينادوونا قال:شفت كيف دقيت على اختي وحطيت ع الاسبيكر وحطيته ع الطاوله ونا وسالم نسوي اللي تقووله.. كانوا العيال متحمسين ويصارخون..ويوم سمعوا صوت اختي سكتو الدوبيين.. قلت انا:هييي خييير كملو لعبكم عبدالملك:اووخص تغار.. إلا وختي..تنادي..((هيييه نصور معي؟؟)) قلت:ايييه اييه..وش بعد ما احط المويه.. قالت:ماشفت دبشه زيك يسوي كبسه غدا وعشى.. مات عزوز ضحك عليها.. ونا اناظره يعني يالحقير تتجسس وعادل مسوي رزه مايسمع..وهو راز اذنه عندنــا قلت بس خل اصكر الاسبيكر.. وكملنا انا وسويلم شغلنا..ومره استانسنا وقلت ياليت عرفناهم من اول.. حطينا العشى بعد فترهـ.. ويوم قضينا طبعن كل يمدح في الكبسه ماغير اثنين.. عزوز وعبدالملك يمدحون اختي من اليوم..قلت انا اوريكم يالدوبيين بس.. وافترقنا علشان نام بدري لان ورانا طلعه بكرا.. حسيت انا وعزوز يوم راحوا ان بجد فليناها اليوم.. وحسيت عزوز خرج شوي من الهم اللي كان فيه وهذا اكثر مافرحني بالسالفه كلها.. وشوي طفيت لمبات الصاله والمطبخ علشان خلاص بننام.. دخل عزوز بيتروش قلت:انت وش قصتك كل شوي طابن لنا تترووش قال:لا فرق فيه سبااحه قلت:طيب...!؟! قال:افهم يالدبشه..!!! ابــــ... <<<لايروح تفكيركم بعييد قلت ونا فاتح فمي:اح اح .. قال:عاتي صقيقي..امون قلت:طيب انقلع..ولا تخلص المويه الحاره ابتروش انا بعد قال:وشوله..اليوم متروش قلت:ذكرتني.. وقام يضحك وما وقف لين دخل الحمام ونا اسمع ضحكه طقيت عليه الباب قلت اسكت لايدخلك شي.. جلست اضحك عليه.. وافكر بجد وشلون ابكون لو ماكان عندي هالعزووووز... انتظررووووووووو التكملهـــــــــ..... |
رد: $$ قصة عن الصداقه$$ روعه ادخلووو ضرورررررري....
قصه روعه ومتابعين لنهايه
|
رد: $$ قصة عن الصداقه$$ روعه ادخلووو ضرورررررري....
كم رائع احساس الصداقة و الاصدقاء الاوفياء
رائعة الحرف و الذوق و الكلمة كل الشكر لكِ |
رد: $$ قصة عن الصداقه$$ روعه ادخلووو ضرورررررري....
فراشة القدس وطارق
تسلمووو والله مروركم الاروع منورين الروايه........... بس انتظروووو التكملهــــــــ |
رد: $$ قصة عن الصداقه$$ روعه ادخلووو ضرورررررري....
رووووووووووعة مررررررررررررة طويلة القصة
|
رد: $$ قصة عن الصداقه$$ روعه ادخلووو ضرورررررري....
الموهيم..
قمنا من بكرا الفجر وعزوز قايمن قبلي.. وكان هذاهو اليوم الثالث من ماعرفت هالآدمي..وكل مايمر يوم اقعد احسب كم باقي لين يروح عزوز.. طلعت من الغرفه ونا فيني نووم..وجالس اتثاوب عند باب الغرفه,,.. لقيت عزوز قايم من قبل الفجر وفاتح باب الحمام .. دخلت عليه..لقيت الولد متحمس..ماسك موس حلاقه ويظبط سكسوكته.. ضحكت في قلبي عليه لان مالي خلدز اضحك ونا قايم من النوم.. قالي:صباح الخييير.. قلت:صباح النوور.. شكلك قايمن بدري.. قال وهو يغسل وجهه من الرغوه:يــــــــــص.. قلت:اكشششخ ياخروكتات.. تعرف تظبط لحيتك.. قال:انطم اسمها سكسوكه..وليست بلحيه.. قلت:متعووب عليها اللغه خخ..إلا ماقلت لي وراه يعني..شافوك الشبيبه امس يعني لو اول مره ظبط لين تشبع.. قال وهو يمسح وجهه بالمنشفه:تخبر يعني.. فيه بنات هناك.. قلت ونا مستغرب:بنااات...!! وفي ذي الحزه..يعني مابيجون الا الفجر قال:ايه يالعبقري علشان يسبحوون لان يحسبون مافيه احد..خخخ قلت:يالحقيير يعني مخطط من اول.. قال:لا والله حرام عليك.. بس من زوماان ماظبطت.. قلت ونا اظحك:طيب يلا خلص بسرعه وتعال جهز معي الفطور.. قال:اصبر علي شوي.. رحت لغرفتي لين يخلص وطلعت دفتر من تحت السرير.. كانت بذا الدفتر اكتب مذكراتي وبالذات الاشياء اللي تصير لي وتكون مميزه .. فتحت على ثالث صفحه.. وكتبت.. ((حبيبي صار مرتاح .. ومعه قلبي ارتاح .. ليته دايمن مرتاح .. ونبقى سوا وكلن مرتاح)).. ورسمت قلب بالزاويه..ثم خربشت عليه وقلت بلاش حركات مراهقين.. سمعته يصارخ:هييه يالعله منادين من الحمام وبالآخر ما القاك ضحكت عليه وحطيت الدفتر تحت السرير ورحت للمطبخ.. جهزنا اغراضنا وحطينها بأكياس ورحنا للبحر بعد ما اتفقنا ع المكان وجلسنا نحتريهم لين يجون.. خلينا الاغراض بالسياره ونزلنا انا ويا عزوووز.. جلسنا عند الشاطئ.. وانسدحنا ع الرمل كان الجو خطييير والشمس ع وشك تطلع.. كنت حاط يديني تحت راسي وسافطها وماد رجليني واناظر السما.. وكان عزوز نفس الشي..بس كان يناظر للنوارس اللي كانوا فيه.. ناظرته.. وابتسمت..ثم رجعت اناظر للسما وسرحت بعيييييييييييد.. باااااااااااااااااااهـ ..((روعني عزوز الدوبي )) قلت:بسم الله وشو قام يضحك وقال وهو يغمز لي:وين وصلت.. قلت:خلك يارجــال عاقل.. وشوي الا نشوف دلوخ يتهاوشون عند الرصيف اللي قبال البحر.. وتسأني اعرف هالخشش..وشوي يقربون.. وطلعوا شلة الانس.. ملووكيـــــ وسلومـــ وعادلــــــ قمنا انا وعزوز وقالي بصوت واطي..((شكلهم بيفشلونا اليوم هع)) قلتله:خلك هاجد لايترفسون ببطنك.. وصل سالم قال:هااه وش تتساسروون.. عزوز:طيب سلم ع الاقل خخ ملوكي وعادل:سلاااامــــ .. سالم:وعليكم السلام.. ملوكي:وش دخلك انت.. سالم:السلام سنه وردهـ واجب.. ملووكي:وانتم يالطمخان ورا ماتردون..!؟ تسدح عزوز ضحك والظاهر ان كل شي يضحكه.. عادلـــ :كيفــ الشبـــيــبه اليووووم..!؟ قلت:والله تمام التمام.. وشبكم يلا ..اجلسوا ولاناوين تكملونها وقفه.. جلسوا العيال...سالم:ها بتسبحون ولا..؟؟ عادل:تونا بدري بعد الفطور ع الاقل.. ملوك:لا اللحين ازين علشان ماتثقل بطوننا.. عزوز باستعباط:سالم جبت معك صروال سباحه سالم:لا يابعدي ابلبس حقك.."وهو ينافخ" ايه جايب اجل.. عزوز:يممه بس الله عليّ... قلت:يالله شمينا.. ملوكي:بتسبح انت بعد..؟؟ قلت:ايه..ليه؟؟ قال:لاماودي اسبح اللحين..وش رايك نجلس وهم يسبحون ثم العكس.. قلت:ماعندي مشكله.. وراحو العيال ولبسوا لبس السباحه.. والدوبي عزوز طلع حريفـــ وجلسنا نناظرهم ونسولف.. وشوي دق جوال عبدالملك..قام الرجال وراح بعيد.. وقلت شكلها مكالمه..اللي بالي بالكم.. وشفته بعّد وجلس يكلم..ناظرت للفرشه ادور شي اتسلى بوه.. لقيت جوال عزوز.. خطرت في بالي فكره جهنميهـ.. وقررت اسويها لحبيبي الدوووبي.. اخذت جواله وبدون ماينتبه لي..ارسلت رقم من الارقام لجوالي بطاقة اعمال.. قمت انا بعد وبعدت شوي عن المكان رفعت جوالي..ودقيت.. ,,,عــــزوز,,, كنت كل ما اسوي حركه اناظر القى ناصر يضحك علي او يستهبل ويقول ((عليهم)) "يعني غرقهم".. جيت اناظرهـ لقيته راح ومافيه احد عند مكاننا..شوي رجع ملووكي..لكن نصوور لاء.. جلست ادوره بعيوني.. لقيته بعييد ويكلم جوال..يوم شفته ارتحت ورجعت اكمل سباحه.. ناصر,,,, قلت ونا مرتبك شوي:الووو.. ناصر,,,, قلت ونا مرتبك شوي:الووو.. ردت علي:الوو..سلام عليكم قلت:وعليكم السلام,,هذا جوال ام عبدالعزيز.. قالت:ايه ياهلا والله وغلا مين معي..؟؟ قلت:وشلونك يا خاله..انا صديق عبدالعزيز.. قالت وهي منهبله:جد والله..عبدالعزيز..يعني هو له صديق الحمدلله موب لحاله..وينه ياولدي حولك هو.. قلت ونا مدري مع وين ابدأ:لا والله بعيييد شوي.. قالت وهي شوي وتصيح:وشلونك ووشلونه ياولدي.. استغربت منها وقلت:والله الحمد لله بخير..اسمعي ياخاله.. قالت:هلا والله وليدي..امرني.. قلت:ابيك بكلمة راس..بصراحه انا ياخاله عبدالعزيز قالي السالفه كلها..ونا ابيك تسامحينه ع الي سواهـ.. قالت:وشلون ياولدي تبي اسامح واحدن مخرب ع اخوه وسبب مشكله بينه وبين زوجته..!!! قلت:بس تخيلي ياخاله انتي مكانه..ترا والله ذا سن مراهقه..يعني يبي يبرز شخصيته ويوم شاف ماحد عطاه وجه سوا تسذا.. قالت:بس ولو ياولدي ماطاعني ذا الولد.. قلت:والله ياخاله مايقصد..بس جد تخيلي من زمان تجمعين فلوس وفي النهايه تروح لغيرك.. ترا والله عبدالعزيز صاح يوم سألته عنك.. والله تراو مشتاق لك وخايف عليك.. ووده يرجع بس خايف منك ومن خوانه.. "والام ياقلبي ماتحملت وصاحت".. قالت:والله ياولدي انا حاسه اننا ظلمناه معنا بس تعرف انقهرت منه.. مهما كان هو ولدي..ويوم راح فقدته وفقدت ازعاجه..البيت ساير هادي يوم راح..والله اني حاسه فيه..ومشتاقه له.. بس هو وينه ابيه يجي.. "عاد انا حسيت شي ثقيل في حلقي واحس ابصيح وانا اسمعها" ملاحظه: ناصر حساس..بس مايحب يبين لاحد حساسيته,,,.. قلت بتردد:هو ياخاله خايفن منك ومن خواله بعد.. بس تراو والله خايفن عليك.. وودهـ يرجع.. قالت:ياقلبي عليه ولدي..يبطون خواله عظم لو يلمسونه..وينه ياولدي اقدر اكلمه.. قلت ونا امسح دمعه تجمعت في طرف عيني:لاء ياخاله ما ابيه يعرف اني كلمتك.. ابيك تسامحينه..وبس"مدري وش جاني وقتها" قالت:ووشلون ما اسامحه.. وهو نور وحركة البيت كلها.. قلت:مشكوورهـ ياخاله.. قالت:الله يشكرلك ياولدي ويوفقك وين رحت ووين ماجيت.. قلت:اجل سلام عليكم.. قالت:وعليكم السلام..الله معك.. وسكرت الخط... احس تذكرت امي وكان ودي ادق عليها..بس اعرفها تكون نايمه.. "يمكن تقولون وشلون دق بعد الفجر والناس نايمه..هو دق لانه يعرف ان الكبار,,الله يحفظهم,,غالبيتهم ينتظرون الشرووق بعد الفجر..فكان متوقع ردها وقال احسن وقت لان ماحد بيكون معها" رجعت للمكاننا.. ولقيت العيال طلعوا ولابسين مناشفهم وجالسين يساعدون ملوكي في تجهيز الفطور.. ناظرت عزوز ونا فرحان.. لان احس ارتحت يوم سويت كذا.. مع اليوم بيصير باقي اربع ايام..وينتهي الاسبوع اللي تلاقوا فيه الصديقين.. تتوقعون بس كذا يرجع عزوز وتسامحه امه..وتنتهي الاحداثــــ..؟؟ او انه بعد الاسبوع بيروح عند عمته..او انه بيجلس مع ناصر..!! ناصر..ومع مين بيجلس اذا راح عبدالعزيز..!! وكيف راح تكون حياته بدووون عزووووز... الاحداثــــ بدأت تهدأ.. وغموض عزوز..انزاح... بس باقي شي..ماراح ينزااح..الا اذا انتهت القصه.. وهو هذا الشي.. مصييييييييييييييييييييير الاحداثــــــــــــــــــــــــــــــ .. عزوز.. بعد ماخلصنا الفطور.. كنت حاس ان ورا ناصر شي..مدري ليه.. بس كذا ما احس اني ارتحتــــ جو الشباب ولعبو باصره او (كوتشينا).. قام ناصر وقف من بين الدويــــره اللي مسوينها.. سألته:على وين نويصر..؟؟؟ رد واحس انه متنح :لا بس ابتمشى شوي.. كنت ابجي معه بس خفت لا اضايقه.. ومدري وش هالاحساس اللي جاني وقمت اراقبه.. مشى نصور وكان لابس بنطلون جينز طويل.. وبلوزه نص كم بنيه .. ولابس نظاره شمسيه مظلله ع خفيفــ وساعه "سخيفه"مخمل من حقات "سواتش"..وكان شعرهـ مع الهوا يطير.. وكان يمشي..ويبعد..ويبعد..عننا..وكأنه يمشي وهو موعارف متى بيوقف.. مدري وش طرا علي..وقمت اناظرهـ ونسيت الشباب,,.. قاطع تفكيري سالم:هييه عزوووز معنا..!! قلت:عن إذنكم شباب شوي.. "وقمتــــــ.. ورحت ورا ناصر وكان بعيد عننا بحول كيلوين... لحقته ونا اركض.. عبدالملك.. مدري وش فيهم ناصر وعبدالعزيز عجزت لا افهمهم.. قلت للعيال:مدري وش عندهم ذولي الثنين عادل وهو يناظرهم وهو مبتسم:هه..!!ياحليلهم مايحبون يبعدون عن بعض.. سالم:ثنائي غريبـــــــــــــ..!! قلت:مالغريب الا الشيطان..يلا العب دورك.."وكملنا لعبــــــــ ناصر.. مدري وش فيني.. احس ان شي بيصير..يارب اللي سويته صح..!! ولا..؟؟ حسيت ان فيه شخص قرب مني.. لفيت راسي.. لقيت حبيب قلبي عبدالعزيز.. ابتسمت..ووقفت علشان يجي ونمشي سوا.. قرب مني وحط ايدهـ ع كتفي وميل راسه..وقال:تحس بشي.. قلت:احس اني ما احس بأني احس ضحك وقال:نصوور..مدري احس بيصير شي..كذا مدري قلت :لاتخوفني..ان شاء اللهـ شي زين قال:بس احس ان كذا بنفترق او شي.. قلت:لا ان شاء الله.. قال:مدري اذا ناظرتك.. كذا احس انها اخر مره ابشوفك.. قلت:لا تتفاول بالشر.."للأسف كان نفس شعوري اللي احس فيه بس كنت ساكت" قال:مو كذا يعني.. بس نصووور... قلت:وشوووو...!؟!؟!؟ قال:ناصر...احــــــبــــكـــ .. خميته وقلت:ونا بعد ياقلبي..وحسيت ان دمعه في عيني تجمعت.. مسحتها قبل لايشوفها عزوز.. ونا اقول في قلبي::يارب وش سر هالشعور:: لفيتـــ وراي لقيت عادل قال:والله ولا لو إن توكم متزوجين وقام يضحك.. احس تفشلنا شوي بس ضحكنا معه.. وقال:عسى ماشر..لايكون بس فيه شي ومخبين عنا.. قال عزوز:وحنا نقدر نخبي شي ع الدوووبي ضحكت في قلبي ونا اناظر عزوز..واحس ان اذا شفته بقربي ارتاح.. واذا بعد عني اخافــــــــــ اني ما اشوفه ثاني.. يارب وش صار فيني.. لمست جبهتي لقيتها حارهـ.. صدق لي ثلاث ايام مرتفعه حرارتي ومهمل نفسي.. نادونا سالم وعبدالملك..علشان نشرب الشاهي.. رحنا لمهمـــ,,, جلسنا وسولفنا واستانسنا بقوهـ بس ذا الاحساس اللي يقرقع بصدري عيا لايروح.. الموهيم..يوم صارت الشمس قويه..حول الساعه عشر.. ظفينا اغراظنا علشان نروح.. وحنا نرفع الفرشاتـــ والاغراض نادان عزوز:نصووور.. قلت:هلا.. قال:وعدتني ان نسبح بس ماسبحت انت اليومــ قلت:حرارتي مرتفعه شوي..خلها المره الجايه.. قال بأسلوب بزاريين:لا..لا ابي اللحين نسبح سوا قلت:سوا ولاموبايلي.. قال:يعني ماراح تترك هالكلمه.. قلت:لين اروح لقبري.. قال:جعل يومي قبل يوومكــ قلت:موولت جعل يومي قبل يوومك.. جا ملووكي يستهبل:ولا تزعلوون جعل يومكم قبل يومي وقام يضحك وماسكت الا لين اخذ تسم علقهـ كسرت ظهرهـ... قال عزوز وهو يناظر العيال رايحين لسياراتهم:ناصر..لا لا مالي ابي اسبح وياك.. قلت:عزوز..خلاص بــطِّــــل.."يعني وقف" قال بنظرات تخترق قلبك:واذا ترجيتك.. قلت استهبل:لاء..لاتناظرني كذا..ماأتحمل هالنظراتـــ "وضحكتـ" سمعت سالم يستهبل يقول:لحد الان ذولي يغازلون بعض.. ضحك عادل وقال:اذا كان ماهو بشذوووذ شسميه اجل.. وشوي جاه كوع مني على بطنه ع الكلمه اللي قالها.. ويوم خلاص قضينا.. راحوا الشباب لم سيارتهم..وأشروا لنا يعني يلا.. قال عبدالعزيز:روحوا وحنا بنلحقكم.. قام ملوكي دز عادل بكوعه..ويتساسر وياهـ..مدري وش كان يقول..بس انه كان كلام عننا..ضحكت وطنشته.. مشو الشباب وراحو.. قال عزوز:يلا رح البس لبس السباحه حقك.. قلت:يعني مُــــــــصِـــر قال:وبقوووهـ بعد.. استسلمت لعنادهــ.. ولبست حق السباحه.. ماكان معي اساسا حق سباحه..بس كنت جايب معي برمودا بيج لبسته وصفطته شوي اما عزوز كان معه واحد اسود.. ونا واقف عند المويه..جت على رجليني..قلت:ييييييي باردهـ قال:ماراح تدخل جوا.. قلت:معك اكيد... ضحك..وجرني من ايدي وقام يركض بوسط البحر.. المويه غطت رجلي ثم..ساقي..ثم تعدت ركبتي..وصلت لفخذي يووهـ بارده..ثم غطتني بالكامل.. وقف عزوز وترك يدي.. وقام يضحك وقال تسابقني.. قلت:لوين..؟؟؟؟؟؟ قال:لحد ذيك العلبهـــ "كان علبة ببصي طافيه ع البحر" قلت:وعلى وش.. قال:على كفـــــــــــــــــــــــــــــــــ ... قلت:يلاااا..ومشيت سبحت ع طووول.. كان من زمان ماسبحت.. وعزوز سباحته شيي..ماقدرت انافسه..هديت شوي.. وتركته يفوز بالتحدي.. وصل قبلي وهو يضحك..وقال:تستسلم بسررعه.. قلت:ما اقدر عليكـــــــــــ ..يلا عطني الكف خخخ قرب مني وهو بالمويه وقال بأذني:جعل ايدي الكسر لو مديتها عليك.. ابتسمت وقلت:هو فيه احد علشان تكلمني بإذني.. ضحك ع دلاخته..وسبحنا وجلسنا نطشش ع بعض..احس اخذت راحتي اكثر يوم راحوا.. لان احس بعض تعليقاتهم سخيفه.. جات الساعه 11..وطلعنا من المويه..تمشينا شوي.. ورحنا لجسر البحرين ورجعنا.. وصلنا حول وحدهـ وكنا دااايخييين... اول ما وصلتــ رحت رميت نفسي ع كنبة الصاله ونمتـــ .. اما عزوز شغل المكيفـــــــ ونام بالغرفهــ ... قمت ثمان بالليل..قمت ونا مرتاع صليت العصر والمغرب والعشى وقومت عزوز.. قام وهو بعد مرتاع لان على بالنا بنقوم العصر او كذا.. بعد ماخلصنا..طلبنا من مطعم.. لان مانعرف نطبخ غير كبسهـ.. قلت لعزوز بعد ماطلبت:وعلى حساب مين العشى.. قال:على حسابك اجل على حساب مين.. قلت:حراام عليك يالظااالمــــــ ,,, دايم عليّ انا.. بعد ما اكلنا.. جلسنا بالصالهـ ,, نسولفـــ قال عزوز:ناصر اقترح علي وش اسوي.. قلت:وش تسوي في ايييش.. قال:في مشكلتي مع امي .. قلت بعد مافكرت:والله شوف عزوز .. دامك خايف من الروحه ومو ظامنها.. لاتروح الا اذا ظمنت موافقتها.. قال:اممم..ويعني شلوون.. قلت:كلمها وشوف كيف اوضاعها.. واذا رضت بعدها تقدر تروح لمها او توعدها ان باقرب وقت تزورها متى ماتيسرت لكــ عزوز بعد تفكير:والله حكيم قلت ونا ابتسم:طبيعي اكيد..ذاك الصقيق من ذاك صقيقه قال وهو يضحك:يالدبشه ذيك حقة الاسد..ماتجي معها قلت:تلاحظ.. قال:وبقوووه وقام يضحكــ.. قلتله:ماتحس انك مرجج..كلش يضحكك.. قال:ههـ يحليلكـ وتلاحظ بعد.. قلت:لا وتعلق ع الكلمه.. قال وهو فاطس ضحك:مووب اكثر منكــ قلت:الحمد لله والشكر..ماشفت مهبل زيك كل شي يضحكه.. حتى لو اقوله في واحد مشى وطاح يضحكـ .. وبجد زي ماقال ناصر تسدح عزوز ضحكـ لين دمعت عيونه..وخلى ناصر يقول ليتني ماقلتها.. ملاحظه: اذا كتبت اسم الشخص بلون مخالف وبعدهـ كلام فذا يعني ان الشخص هو اللي يتكلم..والقصه ماشيه ع لسانهـ ..اوكيكـ واذا ماكتبتــ يعني انا اللي اتكلم.. عزوز:هييي..نويييصر حلوووووووه بس لاتعيدها.. ناصر:اللهـ يرجك بس.. عزوز بعد ماهدأ:خلاص عاد عطيناك وجه وضحكنا معكـ كافي ناصر:اقوول طس بس فيه حد قالك اضحك..ياشين النفس وبس.."ولف وجهه يقاله زعلان" عزوز وهو يطلع كرتون من جيبه :ياحبليكـ والله يانويصر.. لف ناصر وجهه وفتح عينه ع الاخر يوم شاف اللي بيد عبدالعزيز.. ناصر:عزووووز... عبدالعزيز: ....... لارد ناصر:هييه يا استاذ انت ..هيييه.. ياابوو صاحي انت.. رد عليّ عزوز: ......... لارد ناصر:عبدالعزيز.. يالطمخه انتـــ لاتقولي انت .... !!"وسكت" عبدالعزيز كان منشغل يفك القرطاسه الشفافه.. يفك الكرتون .. ويطلع اصبع من ... للأسفــــ ابقولها لكم (سجاير) .. هز ناصر كتف عزوز وقال:هييه هييي يالاخو ماتسمع.. رفع عبدالعزيز ايدهـ وحط السقارهـ بفمه.. رفع الولاعه شغلها.. انصدم ناصر ..وانصدم بقوهـ .. وماكان متوقع اوحاط فكره بباله ان ممكن عزوز يدخن..ماقال شي وقام يناظرهـ وهو منهبل رفع عينه عبدالعزيز وهو مبتسم..سحب السقاره من فمه ومدها لناصر وقاله:تبي تجربــــ .. ناصر مرتاع:عبدالعزيز ..صااحي انت.. متأكد ان حرارتك مو مرتفعه ولا شي.. عزوز وهو يضحك:لا ابد.. .."عدل جلسته" والله شوف نويصر قاطعه ناصر وبجد تكلم:عزوز لاحظتك تحب تبرر كثيييير.. بصرااحه طحت خلاااص من عيني وبقوووهـ عزوز وهو يوخر السقاره من فمه:لا ناصر حرام عليكـ لاتقولي كذا .. والله تحسبني مستانس.. حرام عليكـ ذا ابتلاء من الله .. بس خلاص ادمنت ماعاد اقدر.. ناصر وهو متفهم وضعه:بس وشلون ماتقدر تتركها ونا اشوفك من يومين ماتدخن.. عزوز:ناصر بصراحه انا اتعالج..بس ماقدرت اتحمل اكثر وطلعت البكت الاخير "ان شاء الله" من شنطتي..ماكان ودي اقولك من الاول بس حبيت احطك في الامر الواقع.."نزل راسه" راح تنصدم مني كثييير..و راح تكتشف كل يوم شي يزيدكـ كرهـ فيني.. حط ناصر ايده ع كتف عزوز وقال:شدعوى ياعزووز اكرهكـ .. بس يرضيك يكون صديقك.. رهيين سقارهـ .. ظغط عزوز بقوه ع السجاره بإيده وطفاها..وقال:ناصر لاتكوون قاسي كذا علشان يعني انا موقادر اسيطر ع نفسي..تهزأ فيني.. ناصر:انا ما تهزأت فيكـــ عزوز:والله قوويهـ "رهين سقاره" لحالها.. ناصر يسكر الموضوع: ع العمووم آسفــــــــــ .. ناظر عزوز للبكت لفترهـ ثم ناظر ناصر وهو متألم قال:يااخ احبهــــا,, فهم ناصر ان قصده السقاير وقال: كانكـ تحبها اكثر من نفسكـ اعشقها مو تحبها بس.."قام من الكنبه" واذا نفسك اعز عليك من سم ملفوف بورق.. انتبه لانك كذا"رفع حاجبه اليسار"تحب الموووتــــــــ .."ومشى".. اثرت كلمات ناصر في عبد العزيز..وندم لانه رجع من جديد ودخن.. لكنه قرر ان يحاول قدر الامكان يتركهـ.. جلس عبدالعزيز بالصالهـ وكان منسدح بالكنبه ويناظر السقفــــ ,, حس ان الجو هدوء.. دور ع ناصر بعيونه,,.. شافه يرفع كموم بلوزته.. عزوز:على ويين لايكون بس رايح تظارب حد"وضحكـ" ناصر:لااا يابووو ..رايح اغسل المواعيين.. عبدالعزيز وهو يضحك:أي مواعينه.. الاكل من برا اليوم.. ناصر:كاسات الببصي.."وراح للمطبخ".. لحقه عبدالعزيز:هيي اصبر جاي اساعدكـ شغل ناصرالمويه وقال..من كثرها اقول اذلف كلها كاستين.. عزوز:لا ابي اغسل وحده..ع الاقل.. ناصر يصرفه:رح شووف يمكن ناراتو جا.. عبدالعزيز حاط ايده ع خصرهـ يستهبل:تصريييفه يعني.. ناصر:اجل وشووو.. عبدالعزيز:موولت عليك ذا جزاي جاي افزع.. ناصر:قلتلك ماراح اظارب.. دفه عبدالعزيز عن المجلى وغسل الكاسات.. ضحك ناصر وقال:يادبشه..كذا انا المرتااح.."يحسبه بس يبي يعاند" عبدالعزيز:ونا شأبي ..ابيك ترتاااح.. ناصر:ياحبيلك واللهـ .. راح كب عليه عزووز مويه..وغرق صدرهـ ارتاع ناصر وقام ظربه ع ظهره يصارخ:يالحماااار وش سويتلكـ عزوز يقاله رزهـ:لا تغاازلــــ .. ضحك ناصر من قلب ونشف ايده ببلوزته.. وراح شغل التلفزيوون.. ع اسبيستون.. وهالمرهـ هو اللي شغلها لعزووز.. جا عزوز.. وجلس بجمب ناصر.. وكانو يتابعون كونان صح ان ناصر مايحب افلام كرتون..بس كونان كان يحمله من النت اساسا.. حط عزوز ايده ع فخذ ناصر وهو بجمبه ناظره ناصر يعني"وش تبي".. (ذي الحركه دايم نسويها لاشعوريا).. عزوز:اممم عادي ادخن.. ناصر باستخفاف:ياحليلك وتستأذن.. عزوز:امم..ماودي اضايقكــ ناصر:ياولد ع المؤدبــ .. مايمديييني.."ضحك ثم قال" شووف هي لو في الاوضاع العاديه ابوافق بس لانها سقاره لاء.. ناظره عزوز بنظره كانت دايم تخلي ناصر يوافق وكأنها نظره مسكين يترجى شخص عظيم.. ناصر:كم مره اقولك لاتناظرني كذا.. عبدالعزيز:نصووور تكفى بس وحدهـ .. ناصر:اوووفــ يالله بس اليووم.. "كان ناصر يستحقر كل شخص يدخن بس ماحب يقول كذا لعزوز".. طلع عزوز سقارهـ وهو يتذكر وشلون قال بيتركها وماله ساعه من قالها.. رفعها وبطريقه علشان مايحسس نفسه بالذنبــــ قال لناصر.. تشغلها لي..؟؟ ناصر باستغراب:وليه ماتعرف تفتح ولاعه.. عزوز:إلا عاد شدعوى.. بس منكـ غير.. ناصر:جعل ايدي الماحي اللي يمحيها لو شغلتها لك.. عزوز يناظر الارض وبصوت واطي:افففف.. دخل ايدهـ ولع السقارهـ وبدا يشفطها .. امم بس شكل في واحد متضايق من ريحة السقاير.. لفـ ناصر للجه الثانيه وهو يقول:حشى ماقظت ذي.. عزوز:هه..لا تونا .."مسك وجه ناصر ولفه لجهته" لذي الدرجه يظايقكـ ناصر:يظايقني ان صديقي يدخــــن .. عزوز:اووفــ نااصر لا تقولي كذا.. ترا والله اتحطم..احسك بتتركني ناصر:هه.. يكون احسن لو تحـــس عزوز:ارجووكـ نصوور لا عاد تفتح معي ذا الموضوع ثاني.. حس ناصر انه ضايقه وقال:والله آسفـــ ترا اذا شي ظايقن وتكلمت ما احس بنفسي "وحط ايده ع كتف عزوز"وقاله بصوت واطي"خذها مني حتى" لو جا يووم وقالوا لي ان صديقك عزوز محشش" .. ماتكرتكــ" ابتسم عزوز وحط هو بعد ايدهـ ع كتف ناصر..وقال"ولو يوم صرت محشش وقالوا لي ان ناصر صديقكـ يكرهه التحشيش..درت الارض كلها اتعالج وارد لكــ" ضحكـ ناصر وقال:يعني نشبه.. ضحك عزوز وقال:اجل وشو... وقاموا يضحكون الاثنين سوا.. |
رد: $$ قصة عن الصداقه$$ روعه ادخلووو ضرورررررري....
إنتظرووووووووووو التكملهــــــــــــــ.....
يتبعــــــــــ............... |
رد: $$ قصة عن الصداقه$$ روعه ادخلووو ضرورررررري....
مشكككككككككككورة اختي بس صراحة ماكملت قرايتها هههههههههههههه
|
| الساعة الآن 12:51 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
جميع الحقوق محفوظة لمنتديات اليمن أغلى