منتديات اليمن أغلى YEMEN FORUMS - خاطرة يتيمة أبكت500طفل(حقيقه)

منتديات اليمن أغلى YEMEN FORUMS (http://www.the-yemen.com/vb/index.php)

- •• القــصص و الـــروايــات (http://www.the-yemen.com/vb/forumdisplay.php?f=13)

- - خاطرة يتيمة أبكت500طفل(حقيقه) (http://www.the-yemen.com/vb/showthread.php?t=36593)

خاطرة يتيمة أبكت500طفل(حقيقه)

خاطرة يتيمة أبكت500طفل
يتيمة فقدت والدها في حادث مروري
عندما ألقت هذه الخاطرة في مهرجان أبكت 500 طفل معها************

يايبـه ... عمري ... حبيبي
لا تأخر
أبي ترجع قبل ماأنام
أبي اتلحف حنانك في
تصبحين بخير مع بوسة على خدي ...... يبـــه وانام
وقبل ماانسى يبـــه اســـــــــمع
ابي دفتر رسم أحمر
وابي أقلام للتلوين
وابي فستان .... مثل لون الشموس أصفر
وابيك انت تلبسني
تحمل يبه أرجوك
تمهل يبه أرجوك
شوي ... شوي ..يبه وينك ؟
تعبت أنتظر
تعبت اتخيل ايدينك
يبه وينك ؟
تعبت أسأل زوايا البيت
تعبت أسئل ثوبك المكوي
تعبت اشم عطرك
واحضن غيابك
تعبت أكذب على دمعي
وارتب عيني وثيابك
يبـــه وينك ؟
ألف الدار واتذكر
هنا يمشي .....
هنا يجلس ....
هنا يضحك ....
يبه وينك ؟
ويقطع حزن هالأفكار
باب الدار
واصيح بصوت واتحشرج ..... منو بالباب ...منو اللي دق هذا الباب
أنا ماابي لعب .....و أقلام
انا مابي هدايا
انا مابي اشوف اصحاب
يبـــه وينك ؟
يبه يرضيك حالي الحين
كرهت المدرسة والدرس
ولا حد فيني حس
تذكرني بغيابك شهادتي ... ومعلمتي ... وباب المدرسة
والدرس ... اصحابي وعلاماتي
يبــه وينك ؟
كلامي يبه حارق كلامي مر
وأنا أقرا في الدفاتر هنا
(يوقع ولي الأمر )
مين لي فرحتي تتكحل بعينه
وضحكاته
يبــه ... وينك ؟
نجحت وتختنق فرحة وسط صدري
تجيني الناس وتبارك
وهذا الحزن بي حارث
ولاتدري أني يتيمة
والسبب
حادث

************
الله يخلي كل واحد لأولاده ولا يحرمهم منه يااااارب
وياليت كل أب يفكر قبل مايسرع إن حياته متوقف عليها حياة وسعادة أطفاله وكل اللي يحبوه

للأمانة منقووووووول لأغلى عيون في اغلى منتدا

أنتظر ردودكم الحلوة
اخوووووكم فزاع