|
رد: ديوان الشاعر ابو حمدي محمد الجمل
الــــــــــــشـــــــــــوق والــــــــخـــــــيـــــــال
لــــلـــشـــاعـــر مــــحــــمــــد الــــجــــمــــل اشـتـقـت لانــسـان عـيـنـي مــا تـشـوفه ولا لــكــن قــلـبـي مــعـلـق بـــه ومـشـتـاق لـــه لإن قــربـه لــروحـي فـــي الـحـقـيقه ســـلا والـبـعـد عــنـه عـــذاب الـــروح مـقـدت لــه يـاريـح امـانـه تـطـوفي مــن جـهـاتي عـلـى الـبـدر ذي قـلـبي اصـبح فـي الـلقا بـيت لـه قــلـي لـــه الـهـجـر طـــول والــفـؤاد اقـتـلا بــالــحـب ذي لــــه امــانــه تــمـنـي قـلـقـلـه واصــبـحـت حــايــر امــامــه لا نــقــاده ولا فــي مــن يـتـيه بـالـذي قــد ربـنـا حــل لــه اراه نـــهــاري بــقـلـب الــشـمـس واتــخـيـلا حـواجـبه فــي الـهـلال امـا الـنجوم خـد لـه واسـتـنـشق الــجـو ذي ريـحـه بـتـمشي دلا واشــم مــن قــد فـؤادي فـي الـغرام فـضله واحـيان اسـولف لـبعض الـورد فـي المشتلا واداعــب الـغـصن ذي هــن فـيـه وادلـل لـه أقــبـلّ الـــورد فـــي الـبـسـتان امــام الـمـلا نـاس قال مجنون وبعض الناس يقل خيبله اشكي هوى الشوق بدون ما الورد لي يسألا اقـــول يـسـمـع وهـــذا الـــورد لا سـمـع لــه اقــلـه اشـفـيـك يــا حـبـي مـنـيش تـخـجلا بــلا شـعـور لــن عـقـلي فــي الــورود خـيله وهــكـذا طـــول يــومـي فـــي هــواه ابـتـلا وســـاعــة الـــنــوم احــلــم فــيــه واقــبّـلـه اراه كـــل الـظـبـي جـنـبـي زيـــن مـتـكـحلا نــتـبـادل الــــود والــقــا الـعـاطـفه مـكـمـله لـمـا صـحـيت مـن مـنامي وان حـضي جـلا نـــايــم لـــوحــدي بــغـرفـه كــلـهـا مـقـفـلـه الـــــشــــاعــــر مــــحــــمــــد الــــجــــمــــل |
رد: ديوان الشاعر ابو حمدي محمد الجمل
. *~نضره رحيمه~*
يـقـول ابــو حـمدي بـياني مـنضم وابـيـات شـعـري لـلـمتابع غـنـيمه ومـن مـلك مثلي من الشعر ترجم مـعجم كـلامي يـا العقول الفهيمه يـطرح جـوابه حـول مـابدعي اتم بـالوزن والـمعنى بـيوت مستقيمه نـنضر بـرحمه فـالمساكين ونرحم من حولنا يا اهل القلوب الرحيمه نـوقف مـع الـمحتاج فـينا ونـدعم مـن فـقره اوهـن هـمته والـعزيمه وحــطـه الـواقـع بـعـجزه مـحـطم ودمـعـتـه تــشـرح مـشـاعر الـيـمه وكـم مـواجع حين ارا وقتي اعدم قـوت الارامـل بـعد عـيشه كـريمه ومـن عطا محتاج بايكسب اعظم بـالذات فـي حال اليتيم واليتيمه اتـراحـموا والله فـي خـلقه ارحـم يعطي من اعطاهم عطايا عضيمه الـشاعر ابـو حـمدي محمد الجمل |
رد: ديوان الشاعر ابو حمدي محمد الجمل
خــزنـا فـــي ذمــار بـيـت مـحـمد
ولـــد عــلـي احــمـد فـكـنـت انـــا وحـــدي وعـشـريـن نـفـر مـعـاهم الشرايع والقلايع وهذه المقطوعه بـــعــنــوان #ديــوان_الــشــرايـع ابـــو حــمـدي مــع نـافـع وسـافـع لـقـيت الـويـل فــي سـنه وشـيعه وشـفـنا كــم بـشـر بـالـوزر طـامـع ولـهـم الـنـاس فــي يـومه طـبيعه تـعـلـم يـــا غــبـي فـالـعـلم نــافـع وبـــه بـــا تـمـتـلك قــمـه رفـيـعـه وخـــل الـمـعـرفه وسـلـه وســارع بـنشر اسـمك على الدنيا الوسيعه يــراك الـمـطوعي وابــن الـشوارع وسـاير كـل شـي حـسب الـطبيعه اذا الـكـذاب كــذب اكــذب ولاوع وذا الـخـداع خــدع دبــر خـديـعه تـعـلـم فـالـزمـن واحـــذر تـقـاطـع بــلادك مــن حــرض لـما الـوديعه مع الشومات يكن لك نجم ساطع وعـند الـجود تـذيع فـيك المذيعه وشــل الـكـل تـبقا شـخص جـامع مـن الـزينه ومـن ذي هـي شـنيعه وقـــل يــاوقـت يـكـفـينا وجـايـع لقيت كم ناس في عيشي وجيعه وريـــت اصـحـابنا رايــح وراجــع نــفـوس الــكـل لـلـفـتنه مـطـيـعه لان ابـلـيـس بــقـي لـلـشـر دافـــع وجـمـهـوره لـهـم هـجـمه سـريـعه تـــــرا نــيـاتـهـم تـــنــوي قــلايــع بـكيد هـدم حـصون شـمخ منيعه وانـا فـي وقـت مـانا كـنت جـازع بـسوق القات لقيت راس الطليعه ســبــق وانـــا لـخـطـواته مـتـابـع نـخـزن سـاعـين مـاشـي قـطـيعه فـشـفت الـشـر وانــا كـنـت طـالع بــســلام الـــدرج تــوقـع وقـيـعـه وخـــزنـــا بـــديـــوان الــشــرايــع وذي هــم فـيـه لـحـاهمه فـضيعه لـــحــا لـــكــن واقـــهــع شــنـايـع وفــرحـتـهـم بـــــدوار الـشـريـعـه فـنـفسي جـنـبهم بـقـيت تـصـارع وبـا حـقد النفوس ذي مش قنيعه فـنا مـن مجلس اهل الحسد قانع قـلـق حـتـى لــو الـبـقعه وضـيـعه الـــشــاعــر مـــحــمــد الـــجــمــل |
رد: ديوان الشاعر ابو حمدي محمد الجمل
بدايه القول سلام ماشن مزن الغنامه
يا مأرب ارض الكرم يا ارض الاحرار من اليوم لا قيام القيامه والمعرفه والحكم جيتش زياره وشفتش بالحلا والوسامه كم لش بذا الجو كم قالت لي اربع وهذا الخامسه بالسلامه ماشفت مصروف تم فقلت يهناش منتي فيه من خير دامه ترعي لمن ليش ضم وتفتحي خيرش المخزون للناس عامه وللعرب والعجم وقلي لمن فيش منا يمسكو بالشهامه والقبيله والشيم لني اراهم تخلوا عن دروب الكرامه والقامه اصبح قزم لي منعكم منع يا اهل التالبي ذا الشوامه ماريد منها قدم عزو لحاكم وعيشوا مثل ما ضبي رامه ساكن بروس القمم لاتبخلوا في معيشتكم وسل الغرامه القرش ماهو اهم من صحة الروح يا رواد عنس السلامه قبل الوباء والورم من ثوبه البخل ماله جانب اهل الصرامه عند المهمه علم عيشوا بعزه وستر الحال قبل الندامه لن مايفيد الندم خلو لكم قد بالمعروف يكفي ضُلامه لا تسكنوا في دشم لن الدشم ذي سكنتوها ملم القمامه كم ناس ليها رجم ونتوا على المال تتغنوا قليم قلامه ونعيش عيشة خدم وذا وصلتوا بلادي ثوبكم والعمامه جداد نقل ياسلم الكوت مطرز وصندل والدهانات خامه تمشوا بريحه وشم يرينكمه حمام الدور وجات ابسامه ومن يشوف ابتسم يبقا شعركم يلامع مثل ريش الحمامه من كثر مابه دسم وحين جينا لغربتكم مرابط نعامه منها يجيكم سقم مثل الصفن هو والاسود والفقيه وابن سامه من ماشتمهم شتم ولا الحرم والزبيدي والبصير بالفخامه قد نصهمه سخم والا حاشد اذا به يوم بلا شغل صامه والقات قال اعتصم ولا الذماري في الاسبوعين يدور حجامه ولا رقد فوق حصم اما سليم ابن عمي دام نفسه دوامه ونص وجهه بلم ولا عديلي ولد حوتس بمده وقامه ملطوط مثل النسم والهيطلي بالمعينه والمهايد شلامه صوته جلا كل هم والقعطبي ذا اشتغل يضحك مع كل هامه وذا تعطل صنم والختم صليت ماشنت مزون الغمامه على شفيع الامم |
رد: ديوان الشاعر ابو حمدي محمد الجمل
لـيـيش الـتعوراض طـال عـمرك وعـمرك
وكـثر الصوايح في الصلاب والمجارحه ولـيش الـتبجاح فـي خروجك ومدخلك ودوار الاذراب انــت واهـلـك مـصـايحه تـشـوف إنـمـا مـثـلك ولا نــاس تـشبهك بـقـوه ووجـهة مـال بـها الـنفس فـارحه غـرور فـي لـقا خـالك وعـمك وصـاحبك وقــدام الاعــدا شـفـت لـك روح كـادحه تـداري وتـخضع قبل ما الخصم يوصلك وعـنـدي رصـاصـك كــل سـاعه مـقارحه فمن قبل ما حطك من الواجب انصحك بـنـيـه مــعـك ولا مـــع الـغـيـر نـاصـحـه تـسـير بـالـدلا والـنـاس مـاضـن تـنـفعك وذا فـي شـويرك خـير يـجي الـمصالحه ويـسـعـى بــلـم الـشـمل كـلـه ويـسـلمك مــن الـمـعركه ذي مـنها الـناس ضـابحه ولـكـن شـويرك ذي كـما ابـليس وهـدرك بـخطه ومـاهي يـا احـمر الـعين نـاجحه وذلـحـين صـبـرك لـلـبلا ذي قـد اوقـعك مــع الـشـر تـحـمل وجـعـته والـمناطحه لانـك عـصيت والـحق قـد كـان مـشترك وذلـحـيـن حــولـك بـتـنوح كــل نـايـحه وذلـحين عـتبرك مـثل مـا الـغير قد برك وبـعـد الــزلال اشــرب مـن ابـيار مـالحه الــــشــــاعـــر مــــحـــمـــد الــــجـــمـــل |
رد: ديوان الشاعر ابو حمدي محمد الجمل
فـتـنـه كـبـيره عـلـينا يــا عـيـال الـمـجوس
قـد دمـرت كـل شـامخ صـم حتى الاساس اهـلكتوا الـشعب واطفيتوا جميع الحلوس واعـدمتوا الـطفل ذي بـالمهد وامـه نـفاس ارعـبـتوا الـنـاس يــا رواد حـرب الـبسوس واخـلـيتوا الـمـجد مـاباقي لـشعبي مـقاس زرعــتـوا الـحـقـد والـنـقمه بـكـل الـنـفوس وتـحـسـبوا بـالـزوامـل بــا يـثـور الـحـماس مــن حـقدكم نـخسكمه غـير كـل الـنخوس ذي تـحسبوا شـيخكم فـضه وغيره نحاس خـالـفتوا الـديـن والـمـنهج بـكـل الــدروس وتـحسبوا ديـن خـير الـخلق ضـربة تـماس رعـيـان طـاشـت ومـنـهجها لـحب الـفلوس وقـلتوا ان حـب شـعبي فـي بـقاكم اساس الـشـعب جــاوع وسـيـدكم يـعـشاء تـيوس وزعـمتوا انـكم لـها الـشعب مـثل الـحواس من بعد ماكنت ارى صنعاء الحبيبه عروس الـيـوم مــن ضـلمكمه لـبست اشـوع لـباس لـو شـي لـكم جهد لا تطفوا علينا الشموس وتـحـسبوها وريـثـه ضـمـن عـقـد الـريـاس لـعـنـكم الله يــاكـم مـــن مـغـفـل عــبـوس جـمـيعكم يـا روافـض فـي بـلادي خـساس الــــشــــاعــــر مــــحــــمــــد الــــجــــمــــل |
رد: ديوان الشاعر ابو حمدي محمد الجمل
طـــــــــــــيـــــــــــــف الامـــــــــــــــــــــــــل
-------------- طـيف الامـل فـي حـياتي كـل سـاعه يعود مـثل اكـسجين السعاده في شروق الصباح مـابـين لـحـضه ولـحضه يـصدقين الـوعود اشـاهـد الــروح تـسـعد فـي دروب الـنجاح مــن بـعـد كـثر الـمعاناه والـهموم ذي تـزود عـاد الامـل عـاد يـسري فـي هـبوب الـرياح اشـاهـد الـبـدر يـضـهر فــي بـديـع الـخدود والـروح ساعة حضوره في الحياه استراح اشـوف طـيف الـسحابه فـي ثـميم الجعود وبـسمة الـصبح تـضهر فـي فـضايا الـفساح اقـطف مـن الـفل والـريحان وبعض الورود مـن حـالي الـذوق ذي طـبعه يحب السماح واجـنـي مــن الـتـين والـزيـتون والـعنبرود مـن قـبلة الـعشق وافـرد فـي المحبه جناح يـرتـاح بـالي بـمن فـي الارض مـاله وجـود ويـضـهرين الـمـشاعر فـي الـرقي والـنجاح تـشـرق شـمـوس الـمـحبه يـوم ألـمْ الـنهود واعــاشـر الــزيـن والــقـا ذي تـحـرم مـبـاح اوصـف ولـكن وصـفي وصـف مـاله حـدود في من دهشني جماله في السنين الشحاح اشـقـر مـكـحل دفــا لـلـجسم وقـت الـبرود مـاشـفت مـثله حـسين الـطبع بـين الـملاح مـن اجـل حـبه سـهرت الليل والناس رقود عـايـش مـعـذب مـعه عـمري مـكافح كـفاح الــشــاعـر ابــــو غــــاده مــحـمـد الــجـمـل |
رد: ديوان الشاعر ابو حمدي محمد الجمل
*مــــاشــــي_داعــــشــــي_فـــي_عـــنـــوس*
احـتـرت بـيـن الـدواعـش يـارجال والـمجوس ايــن مــا تـوجـهت ارونــي فـي الـبلاد اجـنبي ان رحـت صـنعاء لقيت جندي بيحلف غموس انــي مــن اصـحـاب داعــش والـجواز مـغربي وان جيت مأرب يجي جندي مخنفس سلوس قــل لــي مـجوسي ولـي فـي رحـلتي مـطلبي مــش عــارف انـي قـبيلي غـب راعـي تـيوس هــمــي بــقـوتـي وثــــوب الـعـافـيه مـكـسـبي مـانـا مـجـوسي ولا بــه داعـشـي فـي عـنوس ولا مــعــي اي مــطـلـب مـــن كـــلام الـصـبـي لـكـن جـحـافل شــوارع فـي الـحقيقه تـدوس الـنـاس الاشــراف وتـجـعل نــذل قـومـه نـبي ذي كــان سـارق وزانـي فـي الـجرايم عـبوس الــيــوم بــــه لــــه مـكـانـه والـمـنـاضل وبـــي وذي تـقـيـد قـــدوا مــشـرف وقـايـد حـبـوس والــحـر مــجـرم بـسـجـنه يــادمـوع اصـكـبي والـمـجرم الـلـص راســه عـند عـين الـشموس عـشـريـن حـــارس لـبـابـه يـاشـمـوس اغـربـي ومـــن ولـــي حـارتـي يـشـتي لـرجـله نـبـوس ولا طــرحــنـي بــتـهـمـه مـــــا بــهــا مــهـربـي والـطـالـب الـقـفـل ذي مـاكـان يـوعـي دروس صــبــح مــثـقـف وذي عــنـده شـهـايـد غــبـي وهــكـذا فــي بــلادي شـفـت دهــري عـكـوس حـتى الـصقور فـي سـماها تـحتسب يـب يبي واخـــر كــلامـي يـقـيـن الــحـق مـانـا هـلـوس مــن يــوم شـفـت الـمـذاهب حـرفـوا مـذهـبي سـنه وشـيعه بـنوا في الشعب حرب البسوس لا شــفــت فــيـهـا بــنــي مــــرُه ولا الـتـغـلـبي الـــــشـــــاعــــر مـــــحـــــمــــد الـــــجــــمــــل |
رد: ديوان الشاعر ابو حمدي محمد الجمل
.
يقول الجمل ما زامل الا من الجمل بحكمه صريحه والخطا ما يجامله لان النوايا دورت في النقاش حل وجينا لكلين بالجواب حسب زامله وشرنا وشاورنا ذو الراي في المحل وكلين يشور بالراي ذي كنت فاعله وفي الختم. شفنا الخدع والمكر ذي حصل بمن قد طرح رايه لمكسب يقابله ومابه سوايا قاصد الخير في العمل وغيري نواياه عكس ما الخط ناقله نسيت ان ذا به سيل اتا هو من الجبل وسيل الميازيب ما سقا غير عامله ابو حمدي محمد الجمل التالبي ================== *كـــل_شــي_فـي_الــحـــيــاه_الحبيب* اشلون مــا اغليك وانــت غــايــة مرادي يـــا منيتي فــــــيــــك الامـــل والسعاده انـتــــه ســــلا قلبي وشــــــربــي وزادي وانـــت الامـــيـــر تحكم فـــروع القياده انـتــه مــنــــات الـــروح غـــــادي بغادي والــحــب لك يـــا زيــن خـــذهــا شهاده الـقلـب بـــســمــك كــل ســـاعـــه ينادي لـــــنـــــك عـــلاجـــه والطبيب والعياده ســاعــة ضـــهــورك كالقـمـر في البوادي فـي نــص شــعبــان نـــورهـا بــان زياده مــا ريـــد غـــيـــرك زيـن يـسـكـن فؤادي يــــامــــن بـقـي حــــبـــــك بقلبي قلاده دعــيـت مــن يسـمـع نـــدى مـــن ينادي ان يجمـع الروحين ســوى فوق وســاده تـبـقــا مـعــي مــرتــاح فـــي بيت ووادي لاكـــان بجـسـي جــــرح فـ انـت الضماده نـعـيــش ســـــوى مـــا فـــايـــده للتمادي تبنى الســـعـــاده لــجــل حــمــدي وغاده الشاعر محمد الجمل ================================== *بــــالله_رد_الـــــــــــــــســــــــلام* بالله رد الــســـلام يــافـــــاتـنـي تسلم لن السلام فــيـه تحيه مــن تحايا الله لاتـجـرح القلب امــانــه ياحبيب افهم وخــاف يا نــور عيني يـــوم تلقا الله يـوم كـل مخلوق يوقف للحساب اعجم ماينفعك غـيـر مــا ســويت لبيت الله اجعل حـنـانـك لمن هويك وفيك مغرم يتخيلك كل يـــوم جـنــبـه بفضل الله مــاريــد غيرك حبيب وانته بهذا اعلم لــو يـــدو الشام مـا غيرك حبيب والله انا هـويــتـك وطول ماعشت فيك احلم وانـت اتـرك الكبر يا حبوب بحجر الله القلب ذاب فــي هــواك يا حــالي المبسم امسي مـعــذب وقلبك مـــا يخاف الله انـتـــه دوايـــا وطـبـي ريـــقــك المرهم داوي جــروحي حبيب قلبي امام الله ياراحت الـروح في قـربـك يفوح الشم ابقا معي يـا حيـات روحي بشرع الله الصدر فيه كـل حـالـي قــد لقيت واطعم مــن العسل ذي على الغابات بصنع الله بـسـتـان عليه ســور مبني بالحيا واعظم حــراسته طـــول مـاقـد عـاش كلام الله وانـــا الــذي بـــه امـــام المجتمع مهتم لــنـو حـلالــي وانــا الجــانـي بأمر الله مـحــد ســوايــا بــمـــاهـو داخله ينعم ولا احـــدا با يــخــالــف بـــه لقول الله يــامـر وينهي ومــــــا صـــدر عليا تم هـو الوحـيـد ذي ملك قلبي عليه الله ارحــم حـبيـبـك امــانـــه يامليح ارحم لاتــنــوي الهجر والحـرمــان بحق الله يكفي عـذابي دمـــوع العين بتنزل دم والعقل شـــارد بـحـــبـك والعليم الله *الشاعر محمد الجمل* ================================== *وين عـــاشقين الـعـزل يتغزلو* بعنوان *الحب والعناد* كم لي معك يا راحت الروح كم لي كمرلي معك ماقــد وصلني حنانك هايم بحـبـك كـل ســاعــه وضلي اتـخيــل انـي بين اداعــب بنانك في عشقتك يازين قـد ضل عقلي وانته مطنش زاد عـــنـدك جنانك لاشــــي بقلبك شــي يــازيـن قلي كلمه صريحه واضحه من لسانك لا انته بتكرهـني مـن الان ارحلي من شان تاخد راحتك في زمانك لاعـــد تهنجم لا تــــحــاول بقتلي يكفي غذاب القلب مــاضن خانك ونك تهيم فــالحـب يــازين مثلي بطل جــفـا مـحـد عيـاخذ مكانك ابقا معي فــالــجـو جـمـعــه نعلي وصون من بــالحـب يازين صانك انا عشقت اسمك مــن ايام جهلي وانت المخير بانـســبــك وشـانك مـنـــا عتبقى في هــواك دوم مبلي وراحـتـي يــا خــل حضنت يمانك الشاعر محمد الجمل ================================= #بــــــــــاله_غـــــــزلــــيــــه امسيت من الوقت متضايق بحالة حزين ودمـعت العين تــنــزل مــثــل ما الوارده في كل ســاعـه وقلبي في المحبه سجين هايم مـــعــذب ونفسي فـي الغرام شارده مـفـــــارق الزين ذي ذكــره معي كل حين من شل روحـي بحسنه والــعـبــاد شاهده مــن انـفـه السيف وريقه للجروح بلسنين وخـــدوده الــورد فيهن ذكــريــات خالده والـــفـم خــاتـــم مزين بالعقيق الحسين واسنــانــه الـمـاس غـــالــي منهن الفايده والـصـدر بستان مــزروع اليسار واليمين عمبر وتفاح على اغــصـان الشجر عامده والعمب والليم والـمـنـجـو وزيتون وتين وكامل الخضروات فـي الصـدر متواجده فيهن غــذايـــا وطــب الجسم والفيتمين في كل يوم نفس ابـــو غــاده لهن فاقده وســور مبني عليه حـارس ومـــالك امين يجني ثــــمـــار الزراعه واحــــده واحده محصول يغني بقا ماعشت دنـيـــا ودين حجبته الله مــــن لاشي عــيـون حاسده ابو غاده الشاعر محمد الجمل |
رد: ديوان الشاعر ابو حمدي محمد الجمل
لاتخالف وعودك
-------------- آه مــن كـثـر هـجـرك يـاقمر نـص شـعبان آه مــن كـثـر بـعـدك صــرت كــاره زمـاني كـيف تـقسا بطبعك وانت لي نور الاعيان كـيـف تـعـاند بـحـبك او مـعك خـل ثـاني لاتـقـل شــل قـلبك شـخص حـالي وفـنان لاتـقـل هــو نـصـيبك مــن بـطـبعه انـانـي لا تـخـالف وعــودك لان فـي قـلبي ايـمان ان مــا تـخـون عـهـودك يـا امـير الـغواني انـت عـارف وجـودك جـانبي مثل سلطان يـسـتـريح الـفـؤاد بــك لا تـحـطم كـيـاني راحـتي يـوم اشـوفك انـت يـاشهد عـلان اسـقني مـن شـفاتك ريـقك الـعذب شاني شـوف وحـدي طـبيبك لاتـقل كـان ماكان وانـت وحـدك طبيبي من جميع ما اعاني زادك الله زادك حــسـن يـاغـصـن ريـحـان بـالصحيح فـاح شـمك عـطر الـقلب عاني قـوم عـجل بوصلك يكفي العاشق احزان خــاف يـازيـن ربــك كـثـر هـجرك كـواني ارحـم الـي مـن اجـلك طيلة الليل سهران وان جـاه نوم حلم بك صاب عقله جناني جـن مـن طـول جعدك هام بالحب ماخان الـهـوى ذي حـصـل لـك فـيك ربـي بـلاني من جمالك وحسنك صرت بالحب سكران ادمـن الجسم خمرك يــا فــــــلان الفلاني زاد في القلب قدرك وقت ما راك خجلان يـامن اعـجز وصوفك بالحروف والمعاني الــشـاعـر ابــــو غــــاده مــحـمـد الـجـمـل ========================== ياجاني الورد يــا جــانـي الورد لجل العاشقين اعطني ورده لخلي عـسـى يروي فـــؤادي حنان خـلي خليلي حبــيــب الــروح ذي شلني نحوه وخـــلانـي امسي مـــالحسي بيان ياســاجـــي العين بالله لوسمحت اسقني رشفه من الريق وارحم عـاشقك لا يهان قلبي يحـبــك وروحـــي في لقاك ما هني عطفك وطيبك وودك يـــا فصيح اللسان يـــا لـــيـــت والله يلين القــلـب وتضمني مابين ذراعـيك وتعطي مــن يحبك امان محد ســواك له فؤادي في الغرام منحني ولا لقيت لك مــشــابـه يا قمر في الزمان انـتـه عـــن الــمــدح والتعريف مني غني يامـــن جــمــالك تملك وسط قلبي مكان يكفيني الهجر يــا بــــــدر الـــبــدور علني خلاني امــســي لروحـــي ياحبيبي مدان ارحم معذب يـحـــــبـــك يا عسل دوعني يشفــي فــــــؤاد المعذب لا يصيبه جنان ارحم حياتي ومـــن طيب الكلام حاكني يكفي عنـــاد يامكحل صــون قلبي تصان محمد الجمل =========================== اشــتـــــاق لكي -------------- يـاساجي الـعين قـلبي فـي غـرامك شـهيد نــال الـشـهاده ومــا حـارب بـصف الـجياد نـهـبـتي الـقـلـب وانـــا مــن حـنـانك بـلـيد ابـلـيت روحـي بـكثر الـشوق وانـته جـماد يــا واحـة الـعشق حـبك دم وسـط الـوريد يـجري بـجسمي ولـك مقعد سكنت الفؤاد ياقبلة الذوق متى ابقا في حضورك سعيد مــتـى يـكـون الـتـلاقي بـعـد هــذا الـبـعاد مـتـى تـكـون الـسـعاده والـقـليب يـستفيد مــنـك وتـبـقـي بـعـمـري غـايـتـي والـمـراد مـتى اشـوفك عـلى طـيفك الـغرام المفيد ارتـــاح بـقـربـك يـكـفي يــا حـيـاتي عـنـاد انـــا هـويـتك وحـبـك يــا ضـنـايا الـوحـيد ذي حـل قـلبي وغـيره فـي الـحياه ما اراد مـن كـثر شـوقي وحبي لك يذوب الحديد اشــاق شـوق الـرضيع لـلضرع بـعد الـولاد اشـتـاق شــوق الـمـسافر ذا طـريـقه بـعيد وشـوق ضـامي حـياته في السنين الشداد اشـتـاق لــكِ لـنـك الـدنـيا وفـيك مـا اريـد طـيلة حـياتي اشـوفك شـرب روحي وزاد اشـتـاق اضـمك واقـبل مـبسمك واسـتعيد عـمري مـعك واستريح ياراحتي في البلاد مـن كـثر حبك حسبتك في صباحي نشيد اردده كـــل يـــوم واتـخـيـلك فــي الـرقـاد مـن كثر حبك اشوفك في حروف القصيد واشـاهدك مـن خـلال الـحرف والقلب كاد يـطير مـن بـين الاضـلاع لا الـديار الجديد ذي حـلـيـه فــيـه لــنـك لـلـجروح الـضـماد انـتـي سـلايا وسـعدي فـي الـزمان الـعنيد مكتوب اجاهد من اجلك في حياتي جهاد يــارب اسـالـك بـجـودك يـالـكريم الـمجيد تـجـمع قـلوب الـمحبين قـبل تـفنى الـعباد الــشـاعـر ابــــو غــــاده مــحـمـد الــجـمـل =============================== يطويني الشوق ادمنت انــا في غــرامك يا حسين الوصوف ادمــان هاوي مــولـع في سماء الحب طاف انته منــا القلب غيـرك في الحياه ما اشوف ولا ســــواك يـــا حبيبي لـــه بعشقي مشاف هويت جعدك وخدك والخضاب في الكفوف والانف منصوب ســـنـامه والشفايف رهاف والعنق مــثــل الـغــزاله والحواجب سيوف واعيــان خلين فـؤادي فــي نضرهن يخاف والـــصــدر بســتــان يتهنا القليب القطوف من خير الاثمار ذي هن في الحموله خفاف وقت اذكـرك يــا حبيب القلب كل الحروف توصــف جـمـالك وطيـبك والحيا والعفاف مشتاق لوصلك حبيبي بس هــذا الضروف ترغمني ابــــعــد ومــــا حقق بحبي مطاف في الهجر روحي لقربك يامنا الروح شغوف متى يلاقــيـــك فـــي ضل السنين العجاف كم لي معذب وصايم مـن حنــانـك عطوف اربع سنين جــــات وانــا والهوى في خلاف يطويني الشوق ونفسي في المعيشه تعوف مـــاكــان طعمه حــــلا يـــازين تغير وجاف يا غــربة الويل؟ قـد ابكيتي عيـون الهنوف سنين هجران وجيبي فـــي مطافش حراف الــشــاعـر ابــــو غـــــاده مــحــمــد الجمل 2018/1/6 ============================== عيون المهاا مـحـلا عـيـون المها في وقت اناضرها وهــي تصـــوب سهام الحب لا صدري اشوف فيها الحــيـــاه والشوق آسرها كانها شـــمـس ســاعـــة يطلع الفجري حسيت نفسي من النضرات بخاطرها والــروح ليها بـــشــوق العاطفه يسري اشوفها في الخـيال من كثر ما اذكرها وحـبــهـا بالشرايين كل ســـــاع يجري فيها لقيت الــحــلا والطيب ومضهرها جمال كــــأنه امامي منضر( ن) سحري لقيت فيها الدلع والــــذوق ما اشطرها تفوق كل الــغـــواني ذي وسط قصري 💍💍ابو غاذه محمد الجمل💍💍 |
| الساعة الآن 09:44 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
جميع الحقوق محفوظة لمنتديات اليمن أغلى