قصــة جروحــي

[الحنش]

روحي مخنوقه/ من كفوف الكلام
تبكي دموع الحزن/ بعيون عمري
والشفا عطشانه/ لماي ابتسام
يابحر منهو يشيل/ جروح كثري؟
ومنهو آهاته بحضن صدره/ تنام؟
جيتك بحال الغريق/ ونته تدري...
بقشه يحس النجاة/ ومايلام
تمشي بسطور الورق خطوات حبري
ضيعت في قصة جروحي/ الختام
يابحر تعبان أنا/ وأتعبت صبري
من يفك شمسي/ من قيود الظلام
جيتك أخفي من عيون الناس سرّي
يابحر لا تكشف أسراري/ حرام
مثل مدّك والجزر/ مدّي وجزري...
جيت أهدّي بشكوتي/ موج الكلام!

[ابو ريتال]

اسأل الله أن يلملم الجروح ...
رائع ما طرحت ونسجت
دمت بخير

[الحنش]

شكرا على الرد لك تحياتي

[أمين النصيري]

صح لسانك يالغالي ،؛، الـحـنـــش ،؛، صح لسانك ولا تحرمنا من جديدك

[الحنش]

ومن قال اخي شكرا على الرد الطيب ياذوق

[ابو اصيل]

تسلم يالحنش على هالكلمات الرائعه

[الحنش]

الله يسلمك ياغايب عن المنتدى لك تحياتي