حوار شعري عن الاحداث الحاليه

[ابوشهاب ماجدسيلان]

حوار شعري عن الاحداث الحاليه
============
الجمعه
================
قالت الجمعه سلامي مسطر
بالوفى لاهل الكرم والشطاره
عد ما سبح و كبر وهلل
عابد الله من اعالي منار ه
ماتغنى الطير في الارض واحجر
ما يدور النجم عالي مداره
للذي حاضر ومن قد تاخر
باجمل الالفاظ و احسن عباره
================
================
رد رجل من صعده::::
-----------------
لاسلام عندي ولا خير يظهر
والبلد حولي بيشعل بناره
الحرايب حولت نوري اغدر
والسبب اهل السمو والاماره
السلام اصبح على راس معبر
والقذايف فوق راس العماره
حالتي بعد الحلى قد تكدر
والهموم في كل شارع وحاره
==================
==================
رد رجل يمني ::::
-----------------
اليمن كله منحطل مكسر
قامت الثوره وقلنا بشاره
وإنها بعد الدبور صارت ادبر
الجميع صارو مثيل النماره
ما تقدم شعبنا او تحضر
كل يوم ياتي بحامي غباره
ما نفع هادي طلوعه ولا ضر
ما نفذ حتى بصنعاء قراره
==================
==================
رد الزعيم الرئيس السابق
----------------------------------
قلت لك ياشعب قد كانني اقدر
قدتكم ياشعب بأكبر مهاره
قلت لي عفاش وانا بك اخبر
كيفه ابني لليماني حضاره
كنت لك يا شعب ماء وسط سكر
ما تجد غيري رجل به جداره
كتت صابر في الرئاسه ومضطر
قد ذقت فيها الحاليه والمراره
==================
==================
رد الحوثي
------------------------------
قمت اردد في السماء الله اكبر
وكل واحد قام ضدي بغاره
قلت امريكا وصهيون تقهر
قومو اطردوا ملحق لها او سفاره
وقامت الدوله علينا تجبر
وهالها السيد وكثر انتصاره
وصرختي با تملي البحر والبحر
ومن يقل ما يعجبه يا دماره
ومنهجي واضح ولا بد يظهر
كل اليمن لابد يرفع شعاره
==================
=================
رد دماج
----------------------
ويش ذنب كل الناس تقتل وتجزر
وإلا قد امريكا لدينا مجاره
وكيف تضربنا بمدفع وهوزر
كم يا تنوع في قذايف عياره
كم يا بيوت تهدم وكم دور تهجر
ومن نجى فلت هداده وداره
قلنا اعلمو يا ناس ما نطلب الشر
ومن يجينا با يلاقي دماره

==================
==================
رد ماجد
================
هذا مخطط خارجي لليمن ضر
حتى خرجنا عن مسار الحضاره
وحالنا مضني وما حد له سر
وإن السبب في ريسه و الوزاره
لا به حكومه صالحه ترفع الشر
تنهي دعاته قبل تولع شراره
ما عاد نشوف الحق قد كلنا ادور
ومن نصح ما عاد سمعنا شواره
اسأل إلهي يجعل الحق يظهر
ويعود له ذاك الحلى والنضاره
=====================
=====================
ابو شهاب ماجد سيلان