خيالي و الأحلام

[الحنش]

مابي اشوفك في خيالي والاحــلام
ودي اشوفك واقع(ن) في حياتــــي
مليـــت اردد مــــن غيابـــك للايــــام
يا اقرب قريب(ن) من خفوقي وذاتي
من يوم بعدك وابيض القلب منضام
وشلون ترضي منك هذي جزاتــي
في كل لحظه غيبتك تنحسب عــام
واخفي همومي والبلا في سكاتي
هذا خفوقي منكســـر منك وحطام
بعدك حياتي كل ابوها شتاتـــــي
وطير المفارق كان في جونا حـــام
بصبر وحزني في عيوني يباتـــي
والعالـم الله لو غيابـــك علــــيّ دام
يعني بدونـــك هذي حزت وفاتــــي
ارجع فديتك دام غالي عليّ هــــام
من قبل يرحـــل دون وصلك ثباتي
والوعد اشوفــــك بعد غيبه وقــــدام
دامك بعينــــي كل عمري غناتــــي
ولو المشاعر تنعكس لك عليّ جـــام
بتشوف عينك كيف قلبي يحاتــــي

[أميـرة الجرح]

تسلم يدينك أخوي الحنش على الأبيات الرائعة
والتي تدل على أنك شاعر ومبدع..
وننتظر المزيد من أشعارك الرائعة..

[مهرة الخليج]

كلمات رقيقه ناعمه
تحمل احاسيس الحب بصدى حروفهاإَ
مشآعر عزفت سمفونيتها
وتنآثر همسهآ الرقيق
فاانسحرتـ بالموسيقى المعزوفه بالحآنج الشجيه
فلج من القلب اغلى الامنيآت
وارق العبآراتـ
لا تحرمينا من جديدج
تقبل مروري المتواضع
دمتو بود

[الجندي السجين]

صح لسانك
ولسان كاتبها اختيار رائع

[الحنش]

اخواني شكرا على مروركم الطيب ياذوق