يا جافيـة

[الحنش]

يا جافيه وشلون بيدك قتلتي
شوق القلوب وفرحة اللي تمناك
إي والله إنك لا رحمتي وقلتي
عز الشجون بقبرها يوم مرثاك
عقب الغلا بصدك غلايه جهلتي
قلبٍ على كل المخاليق بداك
مثل الأماني من حياته رحلتي
الناس تفطر وأنت تذن بالإمساك
مثل التهاني للرجا ما اكتملتي
عقب الفرح تركتلي جرح فرقاك
الله حسيبك كيف فيني أزلتي
نور المحبة بوحشة هموم الأهلاك
لا واعذابي يوم عني عزلتي
حلو العطايا من مداهيل يمناك
ليتك بوصلك وافيه ما خذلتي
محبوبك اللي من عنا الوقت يفداك
ليتك بنورك مسفره ما ظللتي
صدق المشاعر من غياهيب سلواك
ليتك على وضح النقا بي حللتي
وأصير لك يسرى حياتك ويمناك
لكن حياتي لا قصرتي وأطلتي
قلبي مرامه يا أريش العين لاماك
مهما سعيتي في عناه وفعلتي
مسموح وكل العمر والله فداياك
الله عليم بحالتي لا سألتي
ما غير أدور يا نظر عيني إرضاك
ما ماتت أشواقي ولو ما اتصلتي
ما شاقني في دنيتي غير لقياك
أنا دخيل إمزونكم لاهملتي
ردي صدى صوتي بطلة إمحياك
بالصد والهجران وش عاد نلتي
غير العنا لقلبٍ على الخلق بداك