مالك عذر

[الحنش]

اقفت بك الدنيا بعد ما تخّيرت
دربٍ مشيته بالخيانه ولاجيت
مشيت من عندي ولا فّي فكرت
مدري نسيت الود ولا تناسيت
خابرك لامن غبت عني وسافرت
يومين وتعّود تقول انك ابطيت
لكن هالمرة بغيبتك انا احترت
كنك تعمدت الغياب وتماديت
مرت ثمانن سود من يوم ما نكرت
قلب ٍعلى فرقاك ليله تناهيت
جرحتني وانا اللي بحبك ابحرت
وكتبت فيك بيوت شعري وغنيت
ويومن دربك تهت فيه وتعثرت
رجعت لي تضحك ولاكنك اخطيت
توك رجعت اليوم توك تذكرت
قلب ٍعطاك من الغلا لين مليت
ماني على خبرك تراني تغيرت
ماعاد لك قيمه ولا القلب لك بيت
بير الغلا جفت بعد ما تيسرت
وماتت عروق الشوق يومنك اقفيت
والحين توك جيت جيت وتعذرت
مالك عذر ليتك لي اليوم ماجيت

[ابو اصيل]

تسلم على هذه الابيات الرائعه

[الحنش]

الله يسلمك اخي ابو اصيل لك تحياتي ياذوق