جواب على قصيدة الشاعر عبدالرحمن سراج ( رساله لكل بلطجي

[الشاعر يحي دهمش]

بسمك اللهم منزل تبارك والقلم = كلنا ما نعلم الغيب وانته تعلمه

أنت من سويت آدم وصغته من عدم =كيف لا والكون كله بيدك تحكمه

جل شانك يا إللهي ولا غيرك حكم = حاكم الحكام علام مالا نعلمه

بعدها ياهاجس الشعر جاوبني نعم = شد حيلك ياهجوسي وشد الأحزمه

مقصدي في رد اطول وأعرض من( نقم ) = أرسله لابن السراجي لعله يفهمه

كم صبرنا ياسراجي على هرجك وكم = أنصحك خلك فحالك وخل الهنجمه

أبن دهمش لاتربع على روس القمم = مابيخشى كيد بعض النفوس المجرمه

وانت رحلك قبل تندم بساعات الندم = مثل شخصك لاتعدى علينا نلطمه

مثل هولا البلطجيه لنا أكبر خصم = أي خائن مثل هولاء مابا نرحمه

أنت وضحت الحقيقه بأنك منهزم =لان من يتبع لهولا البلاطج نهزمه

صاحب الألفين مفهوم والوضح افتهم = قد عرفنا وش هدفكم ومنهو يدعمه

والخدم يا طيب البال معروف الخدم = مثلكم ذي في الشوارع تدور الاطعمه

المخابيل المهابيل حقين اللقم =وسط ساحات التظاهر تجي متزاحمه

لا مبادئ شي معاهم ولا فيهم قيم=شوهو سمعة وطنا وقالو عولمه

من جوع بطنه وحيرف تمعدى واعتصم = وان عطو له قرش قرشين طول مزقمه

شلة التخريب والعنف عباد الصنم =النذاله والخيانه لهم أكبر سمه

مشتركهم كيف بالله لو أنه حكم =لا وربي لا أبى الشعب مابا يحكمه

طالما والشعب كله تكاتف والتحم = ضد هولاء الخنازير محد يرغمه

الولا للقائد الفذ نبراس الأمم = ذي بنا للشعب مجده وطور معظمه

والله أن احنا بجنبه إلى آخر نسم = وكل من نادى بإرحل نكسر له فمه

كيف يرحل قائد الشعب شداد الهمم =وحد الشطرين يوم انها متقسمه

والله أنه سوف يبقى ولا يخشى الدمم =طالما والشعب كله بأسره يدعمه

دام قالو الشعب في العدل هو أكبر حكم = محكمه والشعب في العدل نعم المحكمه