المساعد الشخصي الرقمي

مشاهدة النسخة كاملة : علميها قبل ابوها من عشقتي


الاهدل الهاشمي
03-01-2011, 01:30 PM
بارك الله بساعة فيها عبرتي =أحيت القلب المولع والحزين

يوم شفتيني وشفتك وابتسمتي = رجعتي الذكرى عشرة سنين

يوم كنا احباب في قلبي سكنتي =صغار كنا نجتمع في كل حين

هذي انتي والله ماكنك كبرتي= يعلم الله جامعه من كل زين

بس تعالي منهي هذي لو سمحتي= منهي اللي واقفه يمك يمين

قاطعتني هذي نوره هذي بنتي =ليتها تدري عن الحظ اللعين

قلت حلوة بس ماهي مثلك انتي =حتى لو يخلق من شبه اربعين

وفهميها اشلون من قلبي رحلتي= خبريها عن سوات الحاسدين

وعلميها شلون من ايدي شربتي = ليلة مهديك فيها وردتين

قاطعتني هذا بعدك ! قلت خفتي = واذبحتني يوم قالت هالكلمتين

صرت شايب ! قلت هذا انتي وشفتي= وداعبتني فوق زلفك شيبتين

قلت ماهو عيب كانك ماعرفتي =شيبي اللي بان شيب العاشقين

قالت ادري قلت هذا انتي فهمتي = بس دخيلك ابسألك وتجاوبين

قالت اسأل قلت وش قومك ضعفتي = جاوبتني ماعشقنا مرتين

قلت كنتي الحب في دنياي كنتي =بعد لازلتي هواي وتعرفين

قالت اسمعني قبل ماتجي اختي =الظروف اليوم لايمكن تزين

قلت طول سنين عني ماسألتي =قالت علومك تجيني بس وين

قلت علميني حياتك وش سمعتي =هددتني زين هين زين زين !

قلت وش قومك على وليه ضقتي = قاطعتني شاعر ورجل فطين

قلت شفتي الناس هذي يوم غبتي= قالت اش قالوا عسى ماهوب شين

قلت قالوا عننا من رحتي =ماتوا الغالين وحنا اللاحقين

واضحكت لي وقلت حتى من ضحكتي =رجعتي الذكرى عشرة سنين

--------------------------------------------------------------------------------

مما رق لي

الفهد
03-01-2011, 01:33 PM
كللمات رائعه

تسلم يالهاشمي

تحيااااااااتي لك

هيـــا
03-01-2011, 01:37 PM
روووعه جدااا
سلمت اخي الهاشمي عالنقل
بارك الله فيك ..

الاهدل الهاشمي
04-01-2011, 11:36 AM
تسلم اخي الفهد

حضورك دعم لي تسلم

الاهدل الهاشمي
04-01-2011, 11:37 AM
روووعه جدااا
سلمت اخي الهاشمي عالنقل
بارك الله فيك ..



الداعم الحقيقيى لي في كل خطواتي والداعم لكل من في المنتدى

شكرا سيدتي