شعر

[الذهلي]

حنا بني ذهل كسابة الطيب = تشهد لنا العدوان قبل القرابه
حنا هل الميقاف وقت المواجيب = تاريخنا من عصر دور الصحابه
حنا هل التقدير بين الاجانيب = عند القبايل نحضى بقدر ومهابه
حنا ليا هلت دموع الرعابيب = نقدم على الموت الحمر ما نهابه
حنا ليا صارت حقوق ومطاليب = نأخذ ولا نؤخذ نهار الطلابه
حنا ليا عكر لصافي المشاريب = نطفى ضماالعطشان مثل السحابه
حنا ليا هبت سموم اللواهيب = ربيعنا يا بخت منهو حضابه
حنا ليا من كشر أنيابه الذيب = ما نحسب حساب لقنيب الذيابه
حنا حماة الخيل والفطر الشيب = يوم الليال الماضيه ينغزابه
حناالدواء لجروح عطب المضاريب = لا طاح بالميدان ينزف صوابه
حنا مقر الرأي عكف الاشانيب = صغيرنا فالرأي يحسب حسابه
حنا ليا صاح المنادي له انجيب = يفرح ليا سمع المنادي جوابه
حنا منازلنا بعال المراقيب = أمن ارضنا لحدود تدمر وطابه
حنا لضيف الجار عز ومعازيب = انجود بالماجود حزت غيابه
حنا سيوف الحق بين الاصاحيب = تزداد فينا بالشدايد صلابه
حنا وهبنا عالم السر والغيب = شجاعةٍ ما هي مع كل لابه
والنعم فى كل القبائل عن العيب = افعالهم بالمجد حافل كتابه
اقولها من دون شكه ولا ريب = شاعر وامجد لابتي بالنيابه


اقولها من دون فخر عن رجال مضوا في تاريخ القبيله هم رجال بمعنى الكلمة

[الــمــروانــي]

ونعم ونعم ونعم ومليووون نعم بكم يآ بني ذهل

وآآفين ولآتكفيكم هذي القصيدهـ و أفعآلكم مشهودهـ

لآهنت ع النقل وتقبل مروري يآوجه محلف

[ابو اصيل]

يعطيك العافيه على القصيده ولا هنت يالذهلي

[امير صنعاء]

يعطيك العافيه ع الطرح

[الذهلي]

مشكورين على ردودكم يالغالين ولكم التحايا والتقدير

[Yemena]

ونعم بكم
نشاما ويحق لكم الفخر

[ابو قصي]

صح لسانك
وانعم بك وبقبيلتك