شرف الدين فاضل
19-02-2009, 11:38 PM
الصاع صاعين والهنشين خمسه وار عن ضاهره غلاء المهور
بدعت قولي باسم الو احد الاكبر
==================رب البريه ومن هو للذنوب غفار
الواحد الحي والرحمن ذي يسر
==================الماجد البر والباقي سمي جبار
المعطي الحق والمقسط بما قدر
==================الحاكم العدل ربي عالم الاسرار
كبير عالي ولا فوقه كبير اكبر
=================متعالي العرش رب الكون والقهار
سبحانك الله ما غرد وما بكر
================عصفور يشدو وسبح لك باستغفار
واناااحمدك حمد يتضاعف ويتكثر
================وزن الرواسي ووسع البر والابحار
وصل يالله علا من بالصلاه يذكر
==================محمد المصطفى والال ولاخيار
شفيعنا من جهنم ناره تسعر
==============وصاحب الحوض شافع من عذاب النار
قال بن فاضل الا يالهاجس اتنهجر
===============اشرح واشرح ورتب لي جمل واشعار
بقلام بركل نخط الحبر بالدفتر
================واجب علينا ننقاش وضع واستهتار
مادمت شاعر وجنبي كل قرن اعصر
================اهل المواهب نجوم الشعر والشعار
بطرح رساله ومن ساند انا بفخر
==================حيا بشاعر يعالج وضع او اضرار
يلا معيا نساند كل متضرر
======================يلا نعبر نوعي شله الغرار
المهر ياناس كم عنس وكم دمر
===============وكم تغلب علا اصحاب الطمع باصرار
قلدكم الله يرضيكم ونتفكر
====================ولا نحاكا علا من دمرو دمار
بنت اليمن اصبحت كالشيك متوفر
====================بيد ضالم ولاهمه سوا الوفار
لا قلت بتراجعه قفا ويتصيور
===================ون قلت بتفهمه يرفض باستكبار
مانا ش ناقص علا غيري وغيري اشطر
==================البنت مثل البنات وانا من الشطار
ون قلت ما بجوز ياخي قط تتكبر
================وخاف ربك واخشى من عذاب النار
اليوم دنيا وباكر سوف تتزفر
=================لاالقبر وحدك ولا صاحب ولا لك جار
اسال عن الدين لا تسال ذهب ااحمر
======================الدين لله والالماص للجوهار
مهمابتقسا ومهما قمت تتنكر
======================الله باقي وافعالك هي الزوار
ياخي تمهل وارضا لك بما اتيسر
==================من يسر الناس يتيسر من الاعسار
هل شي معك فايده من شرطك الاجور
===================شرط العقاير ونحر البل والابقار
هل شي معك فايده بالقات ذي خدر
===================خلا الشواعه تنافز من حديث الثار
وليش ترجل علا الخاطب ذا نور
==================تشتي ذهب خاص يلمع غالي المعيار
واما الكسا ما تباها من يمن اخضر
=====================تشتي مورد من اليبان ولاقطار
تشتي مطرز وتشتي لون متزهر
====================جننت من جاك بالهياب والاعذار
تشتي ملايين ويلك ليش متهور
===================خليت من جاك باع الحقل بلاشجار
وانته تشرط وتتفلسف وتتمختر
=====================تقول قدبه معك توفير بالدولار
راجع حسابك وادرك انت ذي تخسر
=================ماشي خساره علا من يرتضو باقدار
الله يعطيه من يصبر ويتصبر
================واهل الطمع والجشع يتكسرو كسار
هذا شريعه تجي له في مصيبه اكبر
=====================وذا بماله تدمر مابقي اثار
المال هو ينتهي والوجه يتنور
================ارفق بمن جاك لا تعطيه حمل اجوار
ولو يشيله تذكر بعدها اتذكر
===================بيكون حاقد ومنك ما يطيقك جار
يامن ضلم في حياته احذرك واحذر
================الصاع صاعين والهنشين خمسه وار
بلقيس صاره بضاعه داخل المتجر
=====================يابايع البنت ياتاجر من التجار
فكر ببنتك ومحد بالبشر تجر
==================ماهي بضاعه ولا سلعه لها اسعار
اقرا وادرس وراجع فتوه الازهر
=================والقرني اسال واقرا قول ابو عمار
واقرا البخاري ومسلم في كتب تنشر
==================وابن النسائي تعجب ايش جاب اخبار
لاجاك من ترتضي دينه دحنت الشر
====================رحبت به صاحب التقوا ولا تحتار
بيصون بنتك وان تدعيه ما قصر
==================من يعرف الله يعرف ما حقوق الجار
واسال عن الاصل ماهو عيب تتخبر
===================والجيد مكسب وتقوا لله دوم اختار
والخير للخير وفاعل خير ما ينضر
====================والشر للشر والاشرار للاشرار
والحمد لله قد جينا بما اتيسر
=================وان به قصر باقي الموضوع للشعار
اسال من الله يهدينا يزيل الضر
===================يرفق بخلقه يساعد كل قلب احتار
ويعلم الله ماقصدي سوا نشعر
===================نوعي الناس والباري هو الغفار
وصل يالله علا من بالصلاه يذكر
===================محمد المصطفى والال والاخيار
شفيعنا من جهنم نارها تسعر
==============وصاحب الحوض شافع من عذاب النار
وسلامتكم
اخوكم
ابو يونس شرف الدين فاضل
بدعت قولي باسم الو احد الاكبر
==================رب البريه ومن هو للذنوب غفار
الواحد الحي والرحمن ذي يسر
==================الماجد البر والباقي سمي جبار
المعطي الحق والمقسط بما قدر
==================الحاكم العدل ربي عالم الاسرار
كبير عالي ولا فوقه كبير اكبر
=================متعالي العرش رب الكون والقهار
سبحانك الله ما غرد وما بكر
================عصفور يشدو وسبح لك باستغفار
واناااحمدك حمد يتضاعف ويتكثر
================وزن الرواسي ووسع البر والابحار
وصل يالله علا من بالصلاه يذكر
==================محمد المصطفى والال ولاخيار
شفيعنا من جهنم ناره تسعر
==============وصاحب الحوض شافع من عذاب النار
قال بن فاضل الا يالهاجس اتنهجر
===============اشرح واشرح ورتب لي جمل واشعار
بقلام بركل نخط الحبر بالدفتر
================واجب علينا ننقاش وضع واستهتار
مادمت شاعر وجنبي كل قرن اعصر
================اهل المواهب نجوم الشعر والشعار
بطرح رساله ومن ساند انا بفخر
==================حيا بشاعر يعالج وضع او اضرار
يلا معيا نساند كل متضرر
======================يلا نعبر نوعي شله الغرار
المهر ياناس كم عنس وكم دمر
===============وكم تغلب علا اصحاب الطمع باصرار
قلدكم الله يرضيكم ونتفكر
====================ولا نحاكا علا من دمرو دمار
بنت اليمن اصبحت كالشيك متوفر
====================بيد ضالم ولاهمه سوا الوفار
لا قلت بتراجعه قفا ويتصيور
===================ون قلت بتفهمه يرفض باستكبار
مانا ش ناقص علا غيري وغيري اشطر
==================البنت مثل البنات وانا من الشطار
ون قلت ما بجوز ياخي قط تتكبر
================وخاف ربك واخشى من عذاب النار
اليوم دنيا وباكر سوف تتزفر
=================لاالقبر وحدك ولا صاحب ولا لك جار
اسال عن الدين لا تسال ذهب ااحمر
======================الدين لله والالماص للجوهار
مهمابتقسا ومهما قمت تتنكر
======================الله باقي وافعالك هي الزوار
ياخي تمهل وارضا لك بما اتيسر
==================من يسر الناس يتيسر من الاعسار
هل شي معك فايده من شرطك الاجور
===================شرط العقاير ونحر البل والابقار
هل شي معك فايده بالقات ذي خدر
===================خلا الشواعه تنافز من حديث الثار
وليش ترجل علا الخاطب ذا نور
==================تشتي ذهب خاص يلمع غالي المعيار
واما الكسا ما تباها من يمن اخضر
=====================تشتي مورد من اليبان ولاقطار
تشتي مطرز وتشتي لون متزهر
====================جننت من جاك بالهياب والاعذار
تشتي ملايين ويلك ليش متهور
===================خليت من جاك باع الحقل بلاشجار
وانته تشرط وتتفلسف وتتمختر
=====================تقول قدبه معك توفير بالدولار
راجع حسابك وادرك انت ذي تخسر
=================ماشي خساره علا من يرتضو باقدار
الله يعطيه من يصبر ويتصبر
================واهل الطمع والجشع يتكسرو كسار
هذا شريعه تجي له في مصيبه اكبر
=====================وذا بماله تدمر مابقي اثار
المال هو ينتهي والوجه يتنور
================ارفق بمن جاك لا تعطيه حمل اجوار
ولو يشيله تذكر بعدها اتذكر
===================بيكون حاقد ومنك ما يطيقك جار
يامن ضلم في حياته احذرك واحذر
================الصاع صاعين والهنشين خمسه وار
بلقيس صاره بضاعه داخل المتجر
=====================يابايع البنت ياتاجر من التجار
فكر ببنتك ومحد بالبشر تجر
==================ماهي بضاعه ولا سلعه لها اسعار
اقرا وادرس وراجع فتوه الازهر
=================والقرني اسال واقرا قول ابو عمار
واقرا البخاري ومسلم في كتب تنشر
==================وابن النسائي تعجب ايش جاب اخبار
لاجاك من ترتضي دينه دحنت الشر
====================رحبت به صاحب التقوا ولا تحتار
بيصون بنتك وان تدعيه ما قصر
==================من يعرف الله يعرف ما حقوق الجار
واسال عن الاصل ماهو عيب تتخبر
===================والجيد مكسب وتقوا لله دوم اختار
والخير للخير وفاعل خير ما ينضر
====================والشر للشر والاشرار للاشرار
والحمد لله قد جينا بما اتيسر
=================وان به قصر باقي الموضوع للشعار
اسال من الله يهدينا يزيل الضر
===================يرفق بخلقه يساعد كل قلب احتار
ويعلم الله ماقصدي سوا نشعر
===================نوعي الناس والباري هو الغفار
وصل يالله علا من بالصلاه يذكر
===================محمد المصطفى والال والاخيار
شفيعنا من جهنم نارها تسعر
==============وصاحب الحوض شافع من عذاب النار
وسلامتكم
اخوكم
ابو يونس شرف الدين فاضل