الطير الجريح
14-02-2009, 12:31 AM
الزامل الرزفات والاغاني الصنعانيه
--------------------------------------------------------------------------------
عند حمل الجمال بالسود في المشرق
يالله نجي والسود غالي والمقاطب من ثمن (بكسر الثاء والميم)
يدعو الله ان يكون ثمن السود في صنعاء مرتفع واما المقاطب اللازمه لهم فيرجون ان تكون رخيصه
الزامل الصبحي
يالله رضاك وارضا علي عبادك كما عبادك قاصدين بابك
الهجله الصنعانيه وتسمي الرزفه وهي لما يروحوا دوره (رحله)
الحمدلله الذي يعلم بمالا نعلمه سبحانه مااكرمه
الهجله عند حمل الاحجار
وانا ماذكرت الامحمد من يشفع لنا الامحمد من النار والحمي الامحمد
هذه في قلم الذره
ياشريمي ياحد ابوسنه اقطع ولا المنه
هذه لما ينزعوا من البئر ماء
دندل حبالك واستعين بالله
هذه عند الحرب
واحنا علي الطاعه عزمنا من جود ربي مانخالف
هذا في جزيب قصب الذره
حيامه حيمت وله حيامه انا واخي مهدي حيامه
وهذه للنساء
(سميتني سم الحنش بريقه خليت قلبي ماستضي طريقه)
(حبيبتي مالش بتبسريني جري نفر حلبه وزرزطيني)
(ماعدقلي فيني قدش فدالي انا القمر ياسعله القزالي (سعله انثي الجن)
(ماعدقلي فيني شلوش وشلشلوا بش وطلعوش السوق يحومروبش)
(صدر لك درزنين غناوي من حق صنعاء كلها نساوي)
(العيد جاء مابش معي خبيره خبيرتي محجبه حريوه)
(جمعه رجب قد وخروش للاحد والكعك موجود والكبان مقحط)
(ياخارج الروضه اخرج بحينه الخلب خيرات والعنب قليله)
(عنخرج الروضه نجابر احمد لوما يطيب الرازقي والاسود)
(قد حنت الطايره وشلت الماء وشلت الحلبه للامام يسلا)
(يامسلمين عدشي شفاع لمن باع بعت الحبيب واليوم اشتي ارجع)
(دار الحجر من عمرش وعلا سقفش سماء وموثرش علي الماء)
(بين اسالك يالي خلقت ترزق شاشل نهده للحبيب تحرق)
(حبيبتي حبش بنص بقشه انا بعقلي وانتي المخشه)
(اليوم جمعه ياحبيب عنسهم من يدي الشركه ومن يدي السمن)
(حبيبتي يازهر في الحديقه ومن يصدق نفترق دقيقه)
(ماعد قلي فيني وفي رجالي رجال الابطال كم من هلالي)
(ياريح هبي واطلعي جبانا واستعلمي مابيقلوا قفانا)
(حدا حدا وين مقرش ادرا اجي معش او عد عسي الله اسلا)
(من غيل الورده في مدرب الماء الله يجعل قلبه مريض واعمي)
(من شار بالفرقه ومن تقلد عيجعله في النار سنين مخلد)
(ياليتني ورده في مدرب السيل لاحد يقلي لا شرق ولا ليل)
(والله ماترك هواك لو وثنوا براسي لكن قلب ياحبيب قاسي)
(بين اذكرك في الليل واقوم اسرج بين اسلا الله الكريم يفرج)
(ياناس والناس عينات واجناس وناس يرعي الوفاء وناس طلاس)
(راسي بيوجعني شنين طاقه في ذمتك يالابس الصماطه)
(بين اذكرك وافز من منامي انا الوفيه لكن انت هامي)
--------------------------------------------------------------------------------
عند حمل الجمال بالسود في المشرق
يالله نجي والسود غالي والمقاطب من ثمن (بكسر الثاء والميم)
يدعو الله ان يكون ثمن السود في صنعاء مرتفع واما المقاطب اللازمه لهم فيرجون ان تكون رخيصه
الزامل الصبحي
يالله رضاك وارضا علي عبادك كما عبادك قاصدين بابك
الهجله الصنعانيه وتسمي الرزفه وهي لما يروحوا دوره (رحله)
الحمدلله الذي يعلم بمالا نعلمه سبحانه مااكرمه
الهجله عند حمل الاحجار
وانا ماذكرت الامحمد من يشفع لنا الامحمد من النار والحمي الامحمد
هذه في قلم الذره
ياشريمي ياحد ابوسنه اقطع ولا المنه
هذه لما ينزعوا من البئر ماء
دندل حبالك واستعين بالله
هذه عند الحرب
واحنا علي الطاعه عزمنا من جود ربي مانخالف
هذا في جزيب قصب الذره
حيامه حيمت وله حيامه انا واخي مهدي حيامه
وهذه للنساء
(سميتني سم الحنش بريقه خليت قلبي ماستضي طريقه)
(حبيبتي مالش بتبسريني جري نفر حلبه وزرزطيني)
(ماعدقلي فيني قدش فدالي انا القمر ياسعله القزالي (سعله انثي الجن)
(ماعدقلي فيني شلوش وشلشلوا بش وطلعوش السوق يحومروبش)
(صدر لك درزنين غناوي من حق صنعاء كلها نساوي)
(العيد جاء مابش معي خبيره خبيرتي محجبه حريوه)
(جمعه رجب قد وخروش للاحد والكعك موجود والكبان مقحط)
(ياخارج الروضه اخرج بحينه الخلب خيرات والعنب قليله)
(عنخرج الروضه نجابر احمد لوما يطيب الرازقي والاسود)
(قد حنت الطايره وشلت الماء وشلت الحلبه للامام يسلا)
(يامسلمين عدشي شفاع لمن باع بعت الحبيب واليوم اشتي ارجع)
(دار الحجر من عمرش وعلا سقفش سماء وموثرش علي الماء)
(بين اسالك يالي خلقت ترزق شاشل نهده للحبيب تحرق)
(حبيبتي حبش بنص بقشه انا بعقلي وانتي المخشه)
(اليوم جمعه ياحبيب عنسهم من يدي الشركه ومن يدي السمن)
(حبيبتي يازهر في الحديقه ومن يصدق نفترق دقيقه)
(ماعد قلي فيني وفي رجالي رجال الابطال كم من هلالي)
(ياريح هبي واطلعي جبانا واستعلمي مابيقلوا قفانا)
(حدا حدا وين مقرش ادرا اجي معش او عد عسي الله اسلا)
(من غيل الورده في مدرب الماء الله يجعل قلبه مريض واعمي)
(من شار بالفرقه ومن تقلد عيجعله في النار سنين مخلد)
(ياليتني ورده في مدرب السيل لاحد يقلي لا شرق ولا ليل)
(والله ماترك هواك لو وثنوا براسي لكن قلب ياحبيب قاسي)
(بين اذكرك في الليل واقوم اسرج بين اسلا الله الكريم يفرج)
(ياناس والناس عينات واجناس وناس يرعي الوفاء وناس طلاس)
(راسي بيوجعني شنين طاقه في ذمتك يالابس الصماطه)
(بين اذكرك وافز من منامي انا الوفيه لكن انت هامي)