قولوا لمسعده توقع مددبره(متجدد)

[ولــيـ اليمن ــد]

السلام عليكم
هنا نضع بين ايديكم موضوع نعرفه جميعا ابناء اليمن من اذاعتنا المتميزه
اذاعة صنعاء اقتبسنا منه الشخصيات والعنوان
ويبقى الحوار ملك افكارنا
نناقش فيه قضايا اجتماعيه من وحي الايام والحياه في المجتمع اليمني
املين ان ينال رضا الجميع
والمجال مفتوح للجميع بالمشاركه باي قضيه اجتماعيه تخطر بباله

[ولــيـ اليمن ــد]

مسعده :: هيا ماهو يامسعد
مسعد:: مالش يامسعده داخله عليا بوجه شارون
مسعده :: مالك قلبت عادتك السنه هذه
مسعد :: في مه
مسعده :: او نسيت ان معك تلاميذ في المدارس ومعاهم اختبارات
مسعد :: والجديد ماهو ماتشتي بالضبط
مسعده :: كل سنه راس الاستقبال حق الدش بتفكه وتخبيه الى بعد الاختبارات عسب لا يلهي العيال عن المذاكره ماجرى هذ السنه
مسعد :: الوضع مقلق يامسعده ولازم نتابع الاخبار اولا باول في البلاد
مسعده :: الاخبار ولا غنوه والصحف مالها
مسعد :: يابنت الحلال انتي داريه بزوجش مابش وقت للقرايه معه وبعدا مصداقية الصحف فقدت رونقها وانتي داريه
مسعده :: للمه فقدت رونقها او مابش مذيعات حاليات فيها
مسعد :: جيلها يمين تصرعك من الشمال يا بنت الناس انتي ما بيهمش غير التفرطه ومن عند حظيه الى عند تقيه ماانتي داريه كيف الوضع
مسعده :: على الاقل تقيه زوجها عقيد في الجيش واالاخبار منه موثوقه وحظيه قدك اخبر اين بيشتغل زوجها واخباره اكيده مش مثل هولا القنوات المغلسات صرح مصدر مسئول ما احد داري منه
هيا قم افصل الراس قبل ما افصل علاقتي بك
مسعد:: من عيني ياوكالة الانباء مااقدر ازعلش ابدا اهم شئ تضمني لي الاخبار اولا باول

[الجمهوريه اليمنيه]

قلي لمسعده تقع مدبره تسلم يا شيخ

[ولــيـ اليمن ــد]

سلمك ربي ياملك وحيااك

[@ سليل الفاتحين @]

قلي لمسعده تقع مدبره تسلم يا شيخ

حااااااااااااااااااليه قوي

تسلم ياشيخ وليييد

يمكن لي عوده^^

[ابوناجي محمد]

مشكور اخي ويعطيك العافية

[ملكة اليمن]

تسلم تسلم يااوليد ...

افكاارك رااائعه كعاادتك ...

^^ ننتظر المزيد

[ولــيـ اليمن ــد]

قلي لمسعده تقع مدبره تسلم يا شيخ

حااااااااااااااااااليه قوي

تسلم ياشيخ وليييد

يمكن لي عوده^^


الله يسلمك
وتعال اتبرع في الموضوع تبراع
ولايهمك
ومطلوب منك المساعده

[ولــيـ اليمن ــد]

مشكور اخي ويعطيك العافية

الله يعافيك يابو ناجي
حياك ياملك

[ولــيـ اليمن ــد]

تسلم تسلم يااوليد ...

افكاارك رااائعه كعاادتك ...

^^ ننتظر المزيد


الله يسلمكم
الروعه منكم تعلمنا جودتها
والمزيد برفقتكم موجود

[يافع]

مشكور اخي ويعطيك العااااااافية

[صنعاء روحي]

قلي لمسعده تقع مدبره وتربي العيال والرب تشكره ومسعد تسعده وتجبر بخاطره:)

[صنعاء روحي]

البيت المرة .......... و الحبة الذرة :) هههههه
رهيب والله
تحيتي لك يااوليد

[نهله]

عساك على القوه أخوي
مشكور يالغالي ...

[ولــيـ اليمن ــد]

يافع
صنعاء روحي
نهله
نورتوا الموضوع ربي يسعدكم

[ولــيـ اليمن ــد]

صنعاء روحي شكلك شاركتي في البرنامج حافظه الاغنيه تمام ههههههههههههه

[ولــيـ اليمن ــد]

بسم الله بدانا برنامج اليوم


مسعده :: هيا مالك نقصت الصرفه اليوم
مسعد:: اقتصدوا الدنيا غليت
مسعده :: ليش قد معك جرعه من عندك
مسعد:: الجرعه مع العمله امام الدولار
مسعده :: ومادخلنا بالعمله والدولار
مسعد :: الريال بيهبط يوميه امام الدولار يامره
مسعده :: بس المقاضي مادخلهن اشتي افهم
مسعد :: كل شئ بيرتفع بارتفاع الدولار امام الريال
مسعده :: ومن ايش بيرتفع عسى الله
مسعد :: اسالي البنك المركزي كل يوم ينزل مليون اثنين دولار للسوق مابش معاهم حل
مسعده :: الله يستر ويعين المواطنين
مسعد :: امين ويعينني على تبذاركم

[صنعاء روحي]

هههههههههههههههههههه الاقتصاااد وااجب
اسلم ياااوليد

[ولــيـ اليمن ــد]

هههههههههههه
الله يسلمكم يارب

[ولــيـ اليمن ــد]

مسعده :: قم ياشيبة العمى قم شل الدبه حقك بتهرب غاز
مسعد :: يالله رضاك من صباح الصبح جمعة اصبحي وقلي يافتاح
مسعده :: قد لنا اسبوع مراعين للدبه هذه واخر شئ تطلع بتسرب غاز وقال اصبحي كيف نسوي لك غداء
مسعد :: وانتي مادريتي انها بتسرب الا ذلحين مالش ماتركبيها من امس
مسعده :: اين اركبها من امس وانت مااديتها الا نص الليل والناس نيام
مسعد :: والعمل ذلحين من اين ادي لش دبه واحنا كودن طلعناها وبضعف السعر
مسعده :: مالك الا تدي غداء من المطعم والا ابسر لك صاحب يعزمك واحنا عننتغدا زبادي وامر صاحب معرض الغاز لله

[المهلهل]

لا خلا ولا عدم مشكورين
تقبلو مروري مع الود والاخلاص

[ولــيـ اليمن ــد]

حياك يامهلهل
انورت واسفرت
نورت يافارس العرب

[الجمهوريه اليمنيه]

معلومات رائعه ومفيده
شكرا لكم وعلى الاهتمام
تقبلوا خالص الود والاحترام
ووالتقدير "جمعان"

[ولــيـ اليمن ــد]

حياك اخي جمعان
رعاك الله

[ولــيـ اليمن ــد]

اخر ايام مسعد ومسعده

مسعد :: يالله رحمتك البنت بتولد ان جت الدكتوره
مسعده:: هيا ابسرت لو انت خليت البنات يتمين تعليمهن ماكن راعيت ل احد
مسعد :: مش وقته ذلحين ادعي ان الله يقوم بنتش بالسلامه هي هاه وصلت الدكتوره الحمدلله
مسعده:: الحمدلله ولدت البنت ورزقها الله ببنت ساع القمر بس ياغبني عليها لاعد تحرمها التعليم ساع امها وخالاتها
مسعد:: الحمدلله واما التعليم فابوها اخبر بس تشتي الصدق والله اننا ندمت اني حرمت البنات من تكملة الجامعه
مسعده :: بس بعد مه ماينفع الندم
مسعد :: عاد البنت الصغيره اتخرجت من الثانويه وهي الامل في ان ربي يسامحني وان شاء الله اول مايفتحوا التسجيل اسير اسجلها
مسعده :: الله يعوضنا فيها ما خسرناه في غيرها ويجعلها قرة عين لنا جمعه
مسعد :: امين يارب

[موجه بحر]

ههههههههههههههههههههه رائع هو اسلوبك لكنني لم اعجب من ذلك فانت دائما مبدع

تقبل مرووري

موجه بحر

[ولــيـ اليمن ــد]

ههههههههههههههههههههه رائع هو اسلوبك لكنني لم اعجب من ذلك فانت دائما مبدع

تقبل مرووري

موجه بحر

حياكم الله اختي
وشكرا للتشجيع الكبير
ومرحب تراحيب بكم عبر الازمان

[سيف القصيد]

فكره فضيعه جدا جد سلمت عليها

[ولــيـ اليمن ــد]

حياك ياشيخ حمود
وتسلم على التشجيع

[الجندي السجين]

بعد سلسلة من الاصدارات التعليمية والاكاديمية في اللهجات والعادات اليمنية
المقرة في الجامعات الاوروبية انتهت الباحثة والكاتبة البريطانية جانيت ودسون.
من ترجمة سلسلة البرنامج الاذاعي الاجتماعي « مسعد ومسعده» الى اللغة الانجليزية .
والذي اصدر في كتاب بنفس العنوان وقامت الباحثة جانيت بالتعليق عليه واعداده وتولى نفقة نشره الصندوق الاجتماعي للتنمية..
ليتم توزيعه كدراسات اجتماعية لعدد من الجامعات والمنظمات الدولية والجاليات اليمنية في الخارج..
يذكر بأن الكاتبة البريطانية صدر لها العام الماضي كتاب « وصف صنعاء»
الذي يعتبر دليلاً سياحياً وحضارياً لمدينة صنعاء التاريخية بفنها المعماري وعاداتها الاجتماعية..
الجدير بالاشارة ان الباحثة البريطانية المقيمة في اليمن منذ بداية التسعينات
قد قدمت خلال هذه المدة عدداً من البحوث والدراسات القيمة عن اختلاف اللهجات الدارجة في اليمن وعلاقتها بالظروف الجغرافية .
قام بنشرها في اوروبا الناشر الاكاديمي الالماني هارس اوفتس.

[ولــيـ اليمن ــد]

تسلم على الاخبار الحلوة