حيا وقوى .. حيا ملان الارض والسماء ... المجبر الصنعاني

[شاب بزمن شايب]

السلام عليكم ورحمة الله وبركاته

اليوم جيت لكم بفكره جديده وموجوده في اغلب المنتديات
ومن حلاوتها نقلتها بس بصيغه مختلفه

الموضوع بأكمله

التكلم في هذا الموضوع مش بأي لهجه بل باللهجه الصنعانيه البحته
بكل الفاظها وكلماتها

ارجو من الكل التفاعل والنشاط وخصوصاً اصحاب صنعاء

عشان المغتربين يتعلموا اللهجه الصنعانيه
وعشان ينتعش التراث الصنعاني من منامه


يله شباب وبنات

[شاب بزمن شايب]

هيا مالكم؟
ولا واحد قال مساكم الله بالخير؟!!
وين الناس؟؟
انا شاسير للدكان وشرجع بعد شويه
لاحد يخرج من هانا
ناهي

الله يصلحكم...

[الهدف الصعب]

انا مابعرف صنعاني
ولذالك با اكون متابع

قبل ما اروح موضوع رهيب

[ملكة اليمن]

يااسلاااااااااااااااااام ايوووووووووووووه
اشتي اتعلم سوى ,,,

يلاا شبااب لا تقصروووووووووووووووووو >>> تحصلوو ثواااب في المغتربين

[شاب بزمن شايب]

ماعدبش معانا مهره؟
اقلكم ليش ماتسيرو تشترو لكم ذره قات وجيتو عندنا نفعل ساعه
من حال العمر
وعيجي موووووت

او ما قال الشهاب اليماني

[الشهاب اليماني]

اي والله صح

يقع مجبر حالي
بيني وبينكم صنعاء مابش ساعها

جوها واهلها وخصوصا كلامها

حالي حلى لطرف

[شاب بزمن شايب]

وين سرت ياعلي
اقلك سير ادي الشيشه وجي اليوم الدنيا مغيمه
نسير نبز الحميدي ونسير نخزن في عصر
ونبسر صنعاء وضواحيها

يالطيف الطف

[الهدف الصعب]

وين ماشوفت شي جديد وين اصحاب صنعاءء
شو الخبير قاعد يحكي مع روحه

يلالالا نريد صنعاني

[ملاك الروووح]

وانا ياعيبااااااااااااااااه اشتي اسير معاكم


بس وين عتسيرووو اشتي اعرف علشان اسبقكم


علشان اجهز المداكي


امور وحركات هع هع > مابش معي مهره يا جناااااااه


امانه لو ما تجلوني اسير معاكم انه عيقع يوم جني >مابش احد احسن من احد هع هع

[ملاك الروووح]

صباح الخير


وين انتوو اليوم ياجن


مابش معاكم مهره >> عنبصر نهايه السمره والسهر هانا


جيت لاهانا اسلم عليكم وعسير اشتغل واتبع مهره مانش مثلكم يا عيبااااااااه

[الحليلي]

موضوع حاالي من فعله جعله العافيه تدومه

[الشهاب اليماني]

قد قلت لك لا تعشق الغليضه
الصبح دوره والعشي مريضه

اشتي افعل نخس مداعه يرد الروووح
وشرجع

[صالح المريسي]

والله موظوعك حالي
بس المشكله ما عرف صنعاني

[المايسترو]

مسا الخير كيفنتوا يابه انا شاسير ادي الزنه من نازل

وانتوا ادوا ادوا القمقمي اللي تحت الميزابي

[الهدف الصعب]

اريد ان يستمر هذا الموضوع
وين الناس

[هيـــا]

ههههههههههههههه موضووع حلووو لازم نتحااكاا سااع النااس

[الهدف الصعب]

ماعد بش حلا في شي
هههههههههههههههههههه

[هيـــا]

ههههه يالله يااهدف تحاكاا صنعااني اشتي اتعلم شويه .. اختك مغتربه ولا لهاا علم بصنعااء

[المايسترو]

كيفنتوا مابتسووا

جعلي مكسر مريضين ممه ؟؟؟

يووه الله يدي لكم العافيه

[المايسترو]

جنه ملان الدنيا ان انتوا قدنتوا اشكل

[هيـــا]

هاااااااااااااا شلووكم الجن ايش الاخباار ولمه ساكتين هههههههه كيف اناا

[الهدف الصعب]

ههههه يالله يااهدف تحاكاا صنعااني اشتي اتعلم شويه .. اختك مغتربه ولا لهاا علم بصنعااء
لمه يزعم انا اعرف صنعاني
ههههههههههههههههههه
اني زيك ما اعرف

[الهدف الصعب]

هاااااااااااااا شلووكم الجن ايش الاخباار ولمه ساكتين هههههههه كيف اناا
خمسه وخميسه

[هيـــا]

خخخخخخخخخخ ماااالك ليش انته مش صنعااني

[شاب بزمن شايب]

محمد وين جيت؟؟
مالك يا ابه
يابني قد معي عودي قات سبحان من شب زغره
عادنا اشتي تقل لامك تعمر لي المداعه وتوضع البقعه اطلع اخزن وافعل عودي قات وشربه ماء
رمضان مشو حق الهدار يا ابني..

ناهي يا ابه
من عيوني
هيذانا شاسير ذلحين اشتري لكم سود وابدل المداعه بس يا ابه تشتو مداعه والا شيشه؟؟
الناس بيقلو يبه ان الشيشه خلقه ترجع الشيبه شباب وطعمه حالي

ناهي يابه
قذانا خاطي اجهز لكم الثنتين يابه وانتو القطو اللي يعجبكم

[الهدف الصعب]

يستر عليك يامحمد
هذ انا ببسر ما تكتبو
ههههههههه
كيف اعرف

[شاب بزمن شايب]

ماعدبش حلا في شي
لكن خيرة الله احسن كل خيره

[الجنرال حافظ]

يسلمووو على الطرح

[شاب بزمن شايب]

مابش معي مهره غير ذيه الموضوع
لكن شاسير معي مشوار وشرجع اجابركم مافعلت من حن خرجت لوما رجعت
وانتو ريعو لي مش ارجع ومابحد
ناهي

[عمر الشوافي]

محمد وين جيت؟؟
مالك يا ابه
يابني قد معي عودي قات سبحان من شب زغره
عادنا اشتي تقل لامك تعمر لي المداعه وتوضع البقعه اطلع اخزن وافعل عودي قات وشربه ماء
رمضان مشو حق الهدار يا ابني..

ناهي يا ابه
من عيوني
هيذانا شاسير ذلحين اشتري لكم سود وابدل المداعه بس يا ابه تشتو مداعه والا شيشه؟؟
الناس بيقلو يبه ان الشيشه خلقه ترجع الشيبه شباب وطعمه حالي

ناهي يابه
قذانا خاطي اجهز لكم الثنتين يابه وانتو القطو اللي يعجبكم

هههههههههههههههههه

ماشاء الله على ابني ؛؛<<<<< فصيح

[صنعاء روحي]

اين الخبرة مالكم ساكتين يعلم الله مامعكم
لاكن يااشاب والله ان عادنا ابسرت الموضوع حقك ذلحينه والصدق الصدق حالي قووي
تمو عملكم واحنا بعدكم

[ملاك الروووح]

ماهو ماهوو يا جليسه اين عتسيري خليش هانا

ابوها الهربه جي هانا وقد احنا هانا عنتجابر انا وانتي للصبح ما رايش

وبعدا ماهوو يتموو عملهم واحنا بعدهم مابش خراج < هو عيسر الليله يدور له عمل الجهال ميتين جوع ياعيبااه

هيااا معسلامه خليني اسير ذلحين افعل لقمه لكم وارجع ناهي

[السهيل اليماني]

لهجه جميله
بس المعذره انا لا اعرف اتكلم صنعاني

[صنعاني وعيناوي]

عنـــقـــلهــــم

[صنعاني وعيناوي]

مساك الله بالخيـر

[شاب بزمن شايب]

لاتركن على ملاك تموتك جوع

ياخبره المطاعم ملان او ماقلتو ؟؟ وبعدا ما للمجلس اليوم دخلت انا والخبره نخزن ولقيته حالة امه حاله او مابش معاكن مكنس؟!!
لاشي قلتو لن وانا شاسير اشتري مكنس كهربائيه تشتغل بالغاز
هيا اقطبين مش اجي والمجلس على ما هو...

[الشهاب اليماني]

ماهو مابة للمة بتتقالعو

بعيدا عليكم من المقالعة

انا يا خبرة سعما تقلو مورع لشاب من بعد العشاء

الضاهر انهو فلتني لاكن

والله ما راحتلة

انا شااستضيك يا شاب من عيووووني

خلاص انا محذيلك

خاطركم

[صنعاء روحي]

ضابحين مانفعل ماابش حاجه حاليه هانا

[الهدف الصعب]

متابع

[شاب بزمن شايب]

ماهو مابة للمة بتتقالعو

بعيدا عليكم من المقالعة

انا يا خبرة سعما تقلو مورع لشاب من بعد العشاء

الضاهر انهو فلتني لاكن

والله ما راحتلة

انا شااستضيك يا شاب من عيووووني

خلاص انا محذيلك

خاطركم

مالك يابي؟؟
انا اللي بيندورك قدلي ساعتين وقد رسلتك لك الف رسول
ساع اللي قال (فقد رسولي الطير))
وانا رسولي سيدي محمد
ولوما رجع لاعندي قال قالو ابي علي ماعيجوش معاكم انتو اسبقو وهم عيلحقو

[شاب بزمن شايب]

ضابحين مانفعل ماابش حاجه حاليه هانا
وانتو للمه تضبحو؟؟
جعلي مكسر عليكم لاتضبحوش علينا
فيني الضبح ولا فيكم
هيا هه

[الشهاب اليماني]

اسلم يا سيدي احمد

مادام قد دورتونا

بيض الله وجهكم يابة احمد

هيا خاطركم

[صنعاء روحي]

يوووه شوووقي من هو ذاحينه في عصر ياااسلااام

[شاب بزمن شايب]

يوووه شوووقي من هو ذاحينه في عصر ياااسلااام
كلام والله,,
عصر او راس النقيل؟؟

[شاب بزمن شايب]

اسلم يا سيدي احمد

مادام قد دورتونا

بيض الله وجهكم يابة احمد

هيا خاطركم
يا به علي
مسرع خرجتوا؟
فلتونا في النت وروحتوا بدري
ياسعم للمه؟
او هو عليكم تطبخوا السحور بدل الوالده؟!!

[الجنرال حافظ]

شـكــ وبارك الله فيك ـــرا لك ... لك مني أجمل تحية .

[شاب بزمن شايب]

شـكــ وبارك الله فيك ـــرا لك ... لك مني أجمل تحية .
هذا الخبر مابحدو في المجابره الصنعانيه
على من سرقت ذيه الخبر؟؟

[صنعاء روحي]

ههههههههههههههههههههه مجبر من حق يالله طلبناك

[خــفــ الــروح ــايــا]

ياعوقي بين ابسر الناس يشتو يسيروا عصر سيروا وادي ظهر احسن لكم ولا جحفه لنا نسيت سيروا بني مطر
وانا وبنات المنتدا عنسير نتفرط
ولا مه يابنات
ياعوه والفعله نسيت الداير حق البيت داخل الدهليز
خاطركم اسير ادوره




اللهم ياخالق الكون وفالق الحب والنوى .. اللهم مُن بكرمك وامتنانك
ان تشفي والدي
والبسه لباس العافيه اللهم انك? انت السميع العليم
اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه .أنت ثقته و رجائه يا كاشف الهم . يا مُفرج الكرب يا مُجيب دعوة المُضطرين .
اللهم البسه ثوب الصحة والعافية عاجلا غير اجلا ياأرحم الراحمين..

اللهم اشفه .. اللهم اشفه .. اللهم اشفه .. اللهم امين

[شاب بزمن شايب]

اها هيا ماذلحين ماشحنا فيها
اين عتسيرو تتفرطوا؟؟ عندمن وبعدا عرس والا ولاد والا موت
اول ادخلين صلحين الديوان وبخرينه وبعدا الله يفتح عليكن
عنخزن احنا والخبره القطبه

[خــفــ الــروح ــايــا]

جحفه قلنا عنسير نتفرط عند ولاد الجيران اليوم عندهم بنان بنتهم
والديوان مصلح ومرفع والمداعه مبدله والنار لاصيه والمدافل مبخره داخل المعشره
والماء المبخر عند المدكا والقات مغسول ومقطف
خاطركم

((( اوف والله صدقت نفسي اني في صنعاء)))




اللهم ياخالق الكون وفالق الحب والنوى .. اللهم مُن بكرمك وامتنانك
ان تشفي والدي
والبسه لباس العافيه اللهم انك? انت السميع العليم
اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه .أنت ثقته و رجائه يا كاشف الهم . يا مُفرج الكرب يا مُجيب دعوة المُضطرين .
اللهم البسه ثوب الصحة والعافية عاجلا غير اجلا ياأرحم الراحمين..

اللهم اشفه .. اللهم اشفه .. اللهم اشفه .. اللهم امين

[شاب بزمن شايب]

اسلوبش في الكلام شبيه لبنت في المنتدى غايبه لها اسبوعين
الله يردها بالسلامه فنحن في شوق لمواضيعها وردودها وابتسامتها لتحيي هذا الصرح بطلتها الغاليه






ذلحين قلتو لي خلاص الله يفتح عليكم ولوما يأذن مغرب وروحو عسب الظلمي قالو بيفجع النسوان
ناهي ؟؟؟ هيا فيسع

[ساحر البشر]

مشكووور على الطرح المميز
لا حرمنا من جديدك

ودي

[شاب بزمن شايب]

قلنا لك اتحاكى ساع الناس
انا شاسير اخزن في راس عصر وشرجع العشي
ليكن ادعو لنا نرجع بخير قالوا السيل غزير وبشل الاوادم والسيارات
يا الله سترك

[صنعاء روحي]

ذاحينه تخزينه يااشااب من جدك بتتحاكا ولامه؟؟؟

[صنعاء روحي]

عيووقع صميل اخضر

[شاب بزمن شايب]

ذاحينه تخزينه يااشااب من جدك بتتحاكا ولامه؟؟؟
مع بين اضحك

قد قالها علي بن علي الانسي
اضحك على الايام .... وبرد من الاوهام


اومه عنتحاكى ساع الناس اولا قلبناها مرفاله؟؟
عدشي خبر ؟؟

ماعدبش حلا في شي

[صنعاء روحي]

ههههههههههههههههه
كما قلت
هو صدق ان به امطااار عندكم؟؟

[شاب بزمن شايب]

مابش مطارات
هن 3 طيارات وسموه مطار
قد بيسالونا مسالاه

[صنعاء روحي]

شلووك اين حسك
بين اقوولك شي عندكم مطرررررررررر ولا مااعه
قالك مطااار ههههههههههه

[شاب بزمن شايب]

شلووك اين حسك
بين اقوولك شي عندكم مطرررررررررر ولا مااعه
قالك مطااار ههههههههههه
ههههههه
هاه انا قريتها ماطار؟؟
يووو والفعله
هيا ذلحين دريت مابش عندنا مطر لكن عيدي الله

[صنعاء روحي]

يوووه والضبح اليوووم

[شاب بزمن شايب]

للمه الضبح؟؟

[الطير الجريح]

حالي قوي موضوعكم

قدو جنان

[شاب بزمن شايب]

الله يحفظكم يا الطير
والله لوما انتو والا ان قد احنا في بيت الخال
لكن سلم الله

قلي وبن انتو ذلحين؟؟

[صنعاء روحي]

قد جيت ياااجمااعه

[شاب بزمن شايب]

ارحبي فوق العين والراس

[صنعاء روحي]

يوووووووووووووه والتعب والله عادنا جيت ذاحينه من السوووق
كملنا نشتري ويلات العيد وووتعشينا ودخلت قد ارجلي مورماااات من الدرووجه من كان لاثاني ولاشي بيعجب

[شاب بزمن شايب]

ههههههههههههههههه
ههههههههههههههههههههههههههه
والله مووووتيني ضحكه

اللي عيسمعكم عيقل انكم جالسين في صنعاء والا في بحر رجرج والا مسيك

[صنعاء روحي]

للمه والله انه تعب صدق
وودفت لبست جزمه كوعه هههههههههههههههههههه

[شاب بزمن شايب]

للمه والله انه تعب صدق
وودفت لبست جزمه كوعه هههههههههههههههههههه
ههههههههههههههههههه
جزمه كعب مش كوعه
هههههههههههه

[صنعاء روحي]

كنت اشتي اقل كعب بس ذكرت يوم ساافرت يوم كنت اقل كعب يضحكوو علياا ويقوولو كوعه هههههه
مادرااني وانا قد كثرين اللهجات والله ان قد بين اخبط من كل الاقطاار

[شاب بزمن شايب]

ههههههههههه
هههههههههههههههههه

قصدش اللهجات قدهن خيرات
لوما قدي طسيس!!

على الله بس

يا مخارج الاخجف لا ودف

[صنعاء روحي]

يامخارج الاخجف لاودف <<<<<<<<<<< رهيبه الله بس ايش معناتها
لان في ذهني حاجه ثانيه عتشرحو لنا المثل او ماشي

[شاب بزمن شايب]

يامخارج الاخجف لاودف <<<<<<<<<<< رهيبه الله بس ايش معناتها
لان في ذهني حاجه ثانيه عتشرحو لنا المثل او ماشي

بالنسبه للمثل قدنا شرحته في موضوع بحاله والعنوان ((من الغلطان السياره ام السائق))
والمعنى ان الخالق جل وعلاّ يعطي لكل واحد بقدر نيته ...

يعني يعامل الشخص المسكين بمسكنه والخبيث بخبث والكمال لله


هاه فهمتو المثل او ازيد؟؟

[صنعاء روحي]

ايوه هو هاذا ذي في بااالي بس قلنا نزيد نتاكد
هههههههههههههههههههه

[شاب بزمن شايب]

الحمد لله اني عرفت اشرح
يعني انا استاذ فااااشل مع مرتبة الشرف
والحمد لله

[قائد المحمدي]

اشكرك أخي الكريم (( شباب بزمن شايب ))
اشكرك على هذا الموضوع الثقافي
وارجو ممن يجيد اللهجة أن يشارك لنستفيد
وحفظ الله صنعا واهل صنعاء وحفظ الله اليمن


الله يعطيك العافية

[شاب بزمن شايب]

وين الناس؟؟
محمد
حمود
ناصر
صالح
وين جيتو؟؟
كان عاد الناس يقولو سلام
يا عيباه.. يا ملامتاه
هيا فيسع فيسع الجماعه مريعين لكم وانتو لاذلحين ولا بديتو؟؟

[شاب بزمن شايب]

مساكم الله بالخير

كيف انتو

[العزااني]

جعلني مكسر

[بنت صنعاء]

أهي أهي وانا قد بين اقل يا بنت صنعاء إقطبي بحقش الموضوع الصنعاني وإن قد أحمر العين قد كتبه من سنة دق يانوس هههههههههه


ماهو هذا ماله المنتدى قدو بطيئ قوية - جحفة تجحفه

[بنت صنعاء]

ياسين عليك يا بن اختي
للمه مالك هههههههههههههههههه

[العبيدي]

هههههههه جحفه تجحفه هههههه اسم طبق هذا او مه لا اكيد مجرفه

[شاب بزمن شايب]

مادراني وانا يابنت صنعاء

قدنا ناسي

[بنت صنعاء]

ههههههههههههههههههههههه أيييييييوة يجحفة بالمجرفة يا عبيدي هههههههههههههههه- بتبسر كيفوا بطي بن ساعة بيفتح صفحة - يا جناااااااااااااه بس هههههههه


أحمد ركززززززززز ياعردة ركززززززززززززز - قاللك نسي هههههههههههههه

[شاب بزمن شايب]

مالكم عليا يابنت صنعاء والله اني مسكين
هيا سيري ابسري ايحين تم افتتاحه
والله ان قدنا ناسي ورب الكعبه هو غر قلت انبش مواضيعي ذيه اليوم
ولقيته تجاهي مسنب ساع ابليس

ياغارة الله علينا


اليوم شانسير بيت امي حنجا محلوفين :TR (68):