ابو وجهين

[ابو حمدي محمد الجمل]

يـقـول الـجمل ذي مـا بـينفع فـما يـضر
ولا بـــــا يــاثــر ب اخــتـبـار الـمـعـادلـه

ومــهـمـا تـكـلـم بـالـكـلام الـــذي جـــور
مــن الـخـلف مـايـنطق بـهـن فـالـمقابله

فــخـلـوه إذا قــفـيـت يـقـنـبع ولا يــقـر
فهو شخص له وجهين وسبعين معامله

يــرا نـفـسه الـزاجـي وذا حـمـلوه عـثـر
وشـافـت عـيـونه عـالـي الـحيد سـافله

ذلـيـل قـلـب لـكـن يـعـتبر نـفـسه الـنمر
ومـا يـستحي مـن شـتمة الـناس كامله

يـقـولـون شـبـعة يــوم ذي خـلـته بـطـر
وهـــو كـــان مـتـربـع وقــوتـه مـمـاطله

ولــكـن قــد الامـثـال قـالـت بـمـا يـسـر
عـلى مـن غـني مـن بعد ما الفقر ناصله

ومـاهـو غـنـى ذي يـشـتهر بـه ويـفتخر
ولا بـاتـشـوفه فـــوق كـرسـي وطـاولـه

ولا غير كفات الحال وحين يفتهن طفر
وحـالـه يـبـان لـلـناس فـي كـل حـاصله

فـلـو كـان شـكر قـد ربـما الـمال يـزدهر
ولـكـن بـقـرشين اقـلق الـناس مـشاغله

فـيـاصـحبي فــكـر بـمـا قـلـت واعـتـبر
لان الــبـطـر يــفـنـي بــثــروات طـايـلـه

الـشـاعـر ابـــو حــمـدي مـحـمد الـجـمل