حزاوي الاجداد

[ابو اسد]

السلام عليكم من يتذكر الجدات الي كانوا يجيبوا قصص وحواديث وحكم
يلا كل واحد يطرح حدوثه او لغز او اي شي بمناسبة شهر رمضان انا ببداء

[ابو اسد]

احزيكم من طاسه طرمباسه بالبحر غطاسه
ايش هي ؟

[قوت]

وعليكم السلام ورحمة الله وبركاته
فكره حلوه ياجد ابو اسد 😁

[شرف الدين فاضل]

احزيكم من طاسه طرمباسه بالبحر غطاسه
ايش هي ؟
ههههههه اغششهم هذه حق جدتي انا وايش اداها لك

[شرف الدين فاضل]

وعليكم السلام ورحمة الله وبركاته
فكره حلوه ياجد ابو اسد 😁

حليها واذا ما قدرتي انا اغششك

[ابو اسد]

وعليكم السلام ورحمة الله وبركاته
فكره حلوه ياجد ابو اسد 😁

يسلموا قوت الياقوت يلا ايش هي الطاسه طرمباسه بالبحر غطاسه اذا ما عرفتي هاتي وحده من حق جدتك
بدلها والا حزويه وكل واحد كذا

[ابو اسد]

ههههههه اغششهم هذه حق جدتي انا وايش اداها لك

ههههه امانه عليك لا تحلها خلينا نعمل اكشن لو سمحت لا تخرب علينا رمضان انت والفهد عليكم المسابقه وانا عليا هذا الحاجات الحلوه نسلي على الناس بلاش ولا حد يسلينا

[ابو اسد]

حليها واذا ما قدرتي انا اغششك

اذا غششت حد بعرف ومافي حزاوي بح هههه ابطل احازيكم انا عندي ثروه ثروه بس لا تقبروا مراهب الاسود

[بسمة امل]

للاسف لا عرفت. جدي ولا جدتي لا تبع ماما ولا تبع بابا
😢

[بسمة امل]

الغواصة

[ابو اسد]

للاسف لا عرفت. جدي ولا جدتي لا تبع ماما ولا تبع بابا
😢

الله يرحمهم مسكينه يا بسمة امل والله لو قلتي لي من زمان كان سلفتك جدي يعوضك
خلاص انتي مسموحه من حق الاجداد هاتي نكته بدل

[ابو اسد]

الغواصة

لا بس قاربتي من البحر وبعدتي من الحل واقرب لك في اسم في المنتدى فيه الحل ههههه

[شرف الدين فاضل]

لا بس قاربتي من البحر وبعدتي من الحل واقرب لك في اسم في المنتدى فيه الحل ههههه
اسم عضو في المنتدى ههههه دام قربت لبسمه والله بغششهم

[ابو اسد]

شوف هي سهله قوي وانت داري برجع اطلب منك الحل شعرا

[بسمة امل]

والله انها في حسي
بس ناسية شوية

[لانا]

وش ذا الغز

او شي ابي افك رموز الكلمات ذي طلاسم حشى كلمات


هههههههههه

[الفهد]

العين؟

[وضاح الناعري]

احزيك من شيء على الأرض ماداج ....
ماداج فيها الا لساعة وفاته
أقبل على حيا له الحي محتاج
واقبل المحتاج وأنقذ حياته
....
المفردات
معنى داج. تحرك

[بسمة امل]

وضاح احنا اصحاب
شاورني

[شرف الدين فاضل]

احزيك من شيء على الأرض ماداج ....
ماداج فيها الا لساعة وفاته
أقبل على حيا له الحي محتاج
واقبل المحتاج وأنقذ حياته
....
المفردات
معنى داج. تحرك
المطر على ما اعتقد لانه يجي ساعه ويروح والمحتاج ينقذ حياته
أيضا قال الله تعالى وجعلنا من الماء كل شيئ حي

[لانا]

ما. ادرررررررري. بسسسسس بقول مثل اللي قبلي


المطر هههههههه

[ابو اسد]

والله انها في حسي
بس ناسية شوية

الحل اسم عضوه معانا في المنتدى والله

[ابو اسد]

وش ذا الغز

او شي ابي افك رموز الكلمات ذي طلاسم حشى كلمات


هههههههههه

هههههه ما تقدري تحليها انتي بس يكملوا يحلوا الحزويه حق جدتي وارجع ادي لش لغز خاص ههههه

[ابو اسد]

العين؟

غلط يا ابو الفهود اتصل للبلاد وبيحلوه ههههه

[ابو اسد]

احزيك من شيء على الأرض ماداج ....
ماداج فيها الا لساعة وفاته
أقبل على حيا له الحي محتاج
واقبل المحتاج وأنقذ حياته
....
المفردات
معنى داج. تحرك

ايوه كذا الي ما يعرف الحل يجيب حزويه او لغز بدله
انت مسامح من ادخل ولو انا حليت اللغز حقك اكون فايز لو ما حليته خلاص واحده بواحده

[ابو اسد]

وضاح احنا اصحاب
شاورني

انتي من اصحاب شاورما هههه

[ابو اسد]

المطر على ما اعتقد لانه يجي ساعه ويروح والمحتاج ينقذ حياته
أيضا قال الله تعالى وجعلنا من الماء كل شيئ حي

وانا اقول بعدك المطر
وازيد اقول
مطر مطر والضباء بينه تدور مكنه
يا ريت وانا سقيف

يا ليت انا خدر بدوي كلهن يدخلنه
لو ما يروح الخريف

يا ليت انا كوز بارد وحدهن يشربنه
على شوية صعيف

[لانا]

هههههه ما تقدري تحليها انتي بس يكملوا يحلوا الحزويه حق جدتي وارجع ادي لش لغز خاص ههههه





احلفووووو

الحين ذي طلاااسم


ليكووون تحضرررون الجن الازررق. اعووذ بالله

هههههه

[الفهد]

الحل السمبوسه

[قوت]

لا بس قاربتي من البحر وبعدتي من الحل واقرب لك في اسم في المنتدى فيه الحل ههههه

هل هو عضو متواجد هالفتره ولا منقرض


ممكن شاطئ الوفاء


ممكن السفينه


او صقر يماني



يعني الصقر

[لانا]

خلااااص. عرفت طلاااسمكم ذي

استعنت بصديق هههههه


احمممممم البيض

[ابو اسد]

احلفووووو

الحين ذي طلاااسم


ليكووون تحضرررون الجن الازررق. اعووذ بالله

هههههه

لا لا ماشي جني ازرق يمكن الاخضر هههههه
انتبهي بعد السحور يطلع لش موقت الساعه اربع هههه

[ابو اسد]

الحل السمبوسه

هههه لا يا شيخ

[ابو اسد]

هل هو عضو متواجد هالفتره ولا منقرض


ممكن شاطئ الوفاء


ممكن السفينه


او صقر يماني



يعني الصقر

اقرب لش اكثر لانك مثابره ومجتهده وعشان يعرف شرف والفهد اني مش شاعر بسكوت

هههه
الحل اسم عضوه لامعه في المنتدى وطيبه جدا ما اعرفها عن قرب بس شكلها مطوعه شويه مدري هههه
خلاص الحل عندكم

[ابو اسد]

خلااااص. عرفت طلاااسمكم ذي

استعنت بصديق هههههه


احمممممم البيض

هههههه يا قريب الفرج من يشتي البيض خرج
لا غلط

[بسمة امل]

الشمس

[ابو اسد]

الشمس

صوووووووووووووووووووح
مبروك كسبتي معانا عزومه الى مطعم ريماس عام 2024
بطله

[بسمة امل]

منك صدق ولا تستهبل عليا
بس هو انا شاكة انه صح
وايش من ريماس
اشتي نطعم ارقى
اعزمني على قهوة في حراز كافيه

[ابو اسد]

منك صدق ولا تستهبل عليا
بس هو انا شاكة انه صح
وايش من ريماس
اشتي نطعم ارقى
اعزمني على قهوة في حراز كافيه

والله صدق الحل الشمس
خلاص اعزمك في حراز ولا يهمك انتي تامري وتدللي كوني جاهزه بالموعد

[شرف الدين فاضل]

خلاص باقي تطرح من جديد والا خلصت

[بسمة امل]

هههههههههههههههههههه

[ابو اسد]

طيب الحزويه الثانيه

احزيك من شي ريق اذا تسخن جمد ؟
حلوها يلا بس شرف الدين ممنوع يحلها وقلده الله لا يغشش حد

[بسمة امل]

البيضة

[قوت]

خطرت على بالي شمس والله
بس قلت ايش دخلها بالغواصه هههههه
يالله خيرها في غيرها

[ابو اسد]

البيضة

انتي تحبي البيض لذلك حليتيه بسرعه هههههه صووووح

[ابو اسد]

خطرت على بالي شمس والله
بس قلت ايش دخلها بالغواصه هههههه
يالله خيرها في غيرها

ايوه كوني اكتبي اي شي يخطر ببالك ههههه
كنتي اشتي تفوزي

[ابو اسد]

الحزويه الثالثه
احزيك من شي كل ما شليت منه كبر ؟

[بسمة امل]

القبر

[قوت]

الخرق
يعني مثلاً زي مايقولوا
الشق اوسع من الرقعه

[ابو اسد]

القبر

قربتي قوي بس امانه قلدش الله ما غشيتي من حد ولا غشش سلطان القوافي الي جالس بعدي بعدي ما خلاني ادي الغاز سع الناس

[بسمة امل]

يارب انه حقي صح

[بسمة امل]

والله ما بين اغش
بس انا قصدي القبر لانه بتحفر وتاخذ التراب وكلما سحبت تراب زاد عمق القبر

[ابو اسد]

الخرق
يعني مثلاً زي مايقولوا
الشق اوسع من الرقعه

حاجه كل ما شليتي منها تكبر

[ابو اسد]

الخرق
يعني مثلاً زي مايقولوا
الشق اوسع من الرقعه

والله ما بين اغش
بس انا قصدي القبر لانه بتحفر وتاخذ التراب وكلما سحبت تراب زاد عمق القبر

الحفره صح بس امانه محد غششك انا شاكك في شرف الدين او الفهد
جالسين يصبحوا فيني

[بسمة امل]

واقسم لك انه محد غششني
وينهم ما بحد قد طلعو
وليش يصيحو

[ابو اسد]

طيب اجابتك صحيحه
اللحزويه الرابعه

احزيك من شي كما الاشياء يموت وهو حي والنخس له جاري
اتحداش تحليه

[بسمة امل]

شي يموت يا سعم وعاد نخسه جاري ولا كيف

[بسمة امل]

النوم

[ابو اسد]

شي يموت يا سعم وعاد نخسه جاري ولا كيف

ايون يموت نخسه جاري ايوه

[ابو اسد]

النوم

لا غلط هذا بتحله قوت متاكد

[بسمة امل]

مدري بس اسير اتصل لماما
يمكن لها فكرة من حق جدتي 😁

[ابو اسد]

مدري بس اسير اتصل لماما
يمكن لها فكرة من حق جدتي 😁

بتحله اذا راجعت كلام جدتك ههههه لانه من ايام الاجداد وكان موجود في سوق الملح هههه

[بسمة امل]

الملح

[بسمة امل]

الملح والسكر

[ابو اسد]

الملح

لا هذا في نخس صدق

[ابو اسد]

الملح والسكر

لا والف لا قلنا

[بسمة امل]

شلوك
هيا انت قلت موجود بسوق الملح
وذكرت الملح يعني بذوب وطعمه جالس

[ابو اسد]

شلوك
هيا انت قلت موجود بسوق الملح
وذكرت الملح يعني بذوب وطعمه جالس

لا ركزي
شيئ من الاشياء يموت وهو حيا والنخس له جاري

[ابو اسد]

فيه نخس قوي من جد

[بسمة امل]

طيب جماد ولا حيوان

[ابو اسد]

جماد ومعه نخس

[بسمة امل]

هههههه
مدري

[ابو اسد]

هههه احسن الحمد لله لجل يحاولوا الاعضاء كلهم

[بسمة امل]

بس لازم احاول

[ابو اسد]

حاولي الي يحاول يوصل

[وضاح الناعري]

هاه وأين الأذكياء
الجائزة عشاء الليله على تيس

[لانا]

جماد ومعه نخس



لا كذا مايصير وش نخس ذااااا

[لانا]

هذا اللي يقولون عليه عربيزي

مو عربي ولا انجليزي وحدو الله يالعرباااان

[ابو اسد]

هاه وأين الأذكياء
الجائزة عشاء الليله على تيس

حلينا حقك اللغز المطر

[ابو اسد]

لا كذا مايصير وش نخس ذااااا

نخس هواء

[ابو اسد]

هذا اللي يقولون عليه عربيزي

مو عربي ولا انجليزي وحدو الله يالعرباااان

لا اله الا الله محمد رسول الله
معاكي جيران يمنيات ؟

[بسمة امل]

قرب لنا شوية

[قوت]

الكوره

[قوت]

او البالون

[بسمة امل]

معقولة

[الفهد]

اللسان

هو جزء من جسم الانسان اعتقد بس قدنا ناسي

[بسمة امل]

كذا كذا يافهد وين سايري
عاد قوت قالت البالون عاده اخرج

[الفهد]

انا اتكلم على طاسه قرنطاسه فالبجر غطاسه عادو هو او قدو ثاني؟

[قوت]

انا اتكلم على طاسه قرنطاسه فالبجر غطاسه عادو هو او قدو ثاني؟

شكلك نايم على ودانك يالفهد

قدوه باللغز الثالث

[الفهد]

ههههههه ايشو اللغز الان رجعت صفحتين وما لقيته رجعت رجعت

قوت متى تعزميني افطر عندك؟

[قوت]

والله فكرت اعزمك امس
بس انشغلت
يالله فحط وتعال افطر عندنا اليوم

[بسمة امل]

هههههههه
هيا يا مدير كن راجع الصفحات
فرضا به شي ولا شي
هيا قدهو باللغز الثالث
بس اشك انه قوت حلته
يلا باللغز الرابع كن غششني

[الفهد]

والله فكرت اعزمك امس
بس انشغلت
يالله فحط وتعال افطر عندنا اليوم

اممممم ما بلا السبت الجاي عشان مسافه الطريق يالبخيله فرحتك لاهو الموضوع مش جد ههههههه

[الفهد]

هههههههه
هيا يا مدير كن راجع الصفحات
فرضا به شي ولا شي
هيا قدهو باللغز الثالث
بس اشك انه قوت حلته
يلا باللغز الرابع كن غششني

طيب انسخو لي اشوف
الا قولي لي ايش وقع حل طاسه قرنطاسه !!!

[قوت]

اممممم ما بلا السبت الجاي عشان مسافه الطريق يالبخيله فرحتك لاهو الموضوع مش جد ههههههه

😁😁

[قوت]

طيب اجابتك صحيحه
اللحزويه الرابعه

احزيك من شي كما الاشياء يموت وهو حي والنخس له جاري
اتحداش تحليه

قدوه باللغز الرابع 😅

[قوت]

ممكن اذا مش الكوره او البالون
التاير

[الفهد]

النخس له جاري
جاري والا جارك ههههه

كفر السياره اذا دخل فيه مسمار يموت يعني يبنشر والهواء يخرج منه يعني جاري منه ..

[قوت]

النخس له جاري
جاري والا جارك ههههه

كفر السياره اذا دخل فيه مسمار يموت يعني يبنشر والهواء يخرج منه يعني جاري منه ..

قد سبقتك يابطل

بطل المحايله

[الفهد]

قد سبقتك يابطل

بطل المحايله

والله ما شفت حقك الا وقد كتبت حقي
اصلا انتي دائما تحاولي تفكري مثلي وش اسوي لك