المساعد الشخصي الرقمي

مشاهدة النسخة كاملة : ما حد قضا عمره وهو خالي البال @الهم طايل كل انسان طايل


ابووافي الصباحي
08-07-2021, 08:16 PM
كلمات والقاء ابو وافي الصباحي مهداه للشيخ محمد بن منصور بن مترك ال فاهده الشهراني


يقول ابو وافي سرى نوم الاسبال
تقول مدري كم على الظهر شايل
وانا من اللي ما يهابون الاهوال
من كثر ما مرت علي من هوايل
ماحد قضا عمره وهو خالي البال
الهم طايل كل انسان طايل
السالفه ماهي مكاسب ولا مال
عندي تساوت كثرها والقلايل
الله يعين اللي قضا العمر رحال
فرق الوطن فالصدر يشعل فتايل
عشرين مرت ويل حالي ميت وال
اقسى علي من حرب مره ووايل
الصبر ياقلبي على كل الاحوال
الله يزينها لو الحظ مايل
والله يقدرنا على رد الاجمال
والله يجمل من يسوق الجمايل
هنا اقف تقدير واعجاب واجلال
قدام ابو تركي زبون الاصايل
شهراني المنسب ومن ديرة ابطال
والساس ناهس مامدحنا دخايل
تاريخهم شاهد على مر الاجيال
لطامت العايل وستر الجلايل
انا اشهد انك فالشدايد لك افعال
ما تأتي الا من عيال الحمايل
ماكل من يحمل شنب صار رجال
المرجله مقياسها بالفعايل
رجال يثبت لك بفعله. ليا قال
ورجال تكشف لك مداه القوايل
تبقى يا خو سحمان مضرب لامثال
لا اتناقلت علم القبايل قبايل
وتبقاالاخوه يقصر العمر او طال
على النقاء والطيب مضرب مثايل
مايعيبها عايب ولا هرج الانذال
اللي مطاياهم ظهور الحلايل
والختم صلى الله على خير مرسال
اللي نشر دينه بكل الوسايل


https://youtu.be/19uxY3qItiU http://

ابووافي الصباحي
08-07-2021, 08:58 PM
كرما لا امرا
يا مشرف القسم اعمل تنسيق للقصيده لم اتمكن من ذلك لاني داخل من الجوال

و ليد فروان
11-07-2021, 05:36 PM
صح لسانك يا نجم


كلمات تكتب بماء الذهب

حيا الله سمك


لا تبخل علينا بجديدك

ابووافي الصباحي
06-08-2021, 01:21 PM
صح لسانك يا نجم


كلمات تكتب بماء الذهب

حيا الله سمك


لا تبخل علينا بجديدك




صح الله بدنك
وياهلا فيك

الفهد
06-08-2021, 05:38 PM
قصيدة قويه

صح لسااانك يالشاعر

دام نبض هاجسك ولا تبخل علينا بكل جديد

نسمة روح
29-01-2023, 08:40 PM
أسطر جميلة و قوية
صح لسانك
دمت بخير وسعاده