المساعد الشخصي الرقمي

مشاهدة النسخة كاملة : مصور في ورطه

الصفحات : [1] 2 3 4 5 6 7 8
اليمن أغلى
09-07-2009, 04:24 AM
السلام عليكم يااعضاء منتديات اليمن أغلى ..

حياكم الله معنا في مغامره جديدهـ ..،

بقسم الصور واللقطات




فكرة مصـــور في ورطـــــهـ :

راح يكون عندنا عضو متورط ..!
راح يتمـ إختيارهـ
وعلى العضو المتورط إن يقوم بتنفيذ الطلب
والطلب عباره عن صورة (( ..مكتبه ، سيارتهـ ، جوالهـ ، لاب توبهـ ، بيتهم ،
أي شئ معقول يخطر على البال))
بشرط انها تكون من تصوير العضو نفسه !



الشــــــروط :


1_ يتم اختيار العضو المتورط من قبل العضو المتروط قبله
2_ الحد الأعلى لكل عضو بالطلبات من العضو المتورط .. 3 طلبات فقط
( اي طلبات يزيد عددها عن الحد المسموح به تحذف )
3_ يرجى من الاعضاء عدم تعدي الحدود في الطلبات .. وطلب صور معقوله تجنبا لاحراج العضو المتورط
4_ يحق للعضو المتورط قبول او رفض اي طلب






على فكرة كل عضو راح يبقى 3ايام فقط
لذلك أرجو مراعاة التوقيت...
وسوف احدد اول متورط بعد النظر الى ارائكم وردودكم...
ملكة اليمن
09-07-2009, 04:28 AM
فكره حلوووووووه

والله يعين المتوررررط ... في الانتظااار له ^^
عاشق الريم
09-07-2009, 04:57 AM
فكرة جميلة قد يسعد بها البعض وقد يستاء البعض الاخر بسبب الطلبات المحيرة ...
على كل حال نوجه هذا النداء الى الادارة لتبت فيه ...... وخلوني انا بعيد عن التورط خخخخخخخ .... وفقكم الله
الطير الجريح
10-07-2009, 09:53 AM
روووووووووووووووووووووعه حلو حلو حلو


يا الله ورطو اي واحد سريع
ابن صنعاء
11-07-2009, 02:39 PM
انا معترض وقد كنت مرشح الاخ المدير انه يكون اول مصور في ورطه لانه صاحب الفكره
واطلب الاول ان المدير يصور نفسه اول مايقوم من النوم بدون اي تعديل
ابن صنعاء
11-07-2009, 11:32 PM
هيا يامدير
اليمن أغلى
11-07-2009, 11:50 PM
انا معترض وقد كنت مرشح الاخ المدير انه يكون اول مصور في ورطه لانه صاحب الفكره



واطلب الاول ان المدير يصور نفسه اول مايقوم من النوم بدون اي تعديل




على فكرة كل عضو راح يبقى 3ايام فقط
لذلك أرجو مراعاة التوقيت...
وسوف احدد اول متورط بعد النظر الى ارائكم وردودكم...


وسيكون أول متورط هو مشرف القسم ابـــــــــــن صنعــــــــــاء

والمطلوب منه ان يصور لنا ((الشيشه)) اللي كان يديها معه عندما كنا نخزن سوى *_^
ولـــ الحكمي ـــد
12-07-2009, 12:28 PM
فكرة حلوووووووة جدا جدا
يلا يا ابن صنعاء وين الصورة الي طلبها المدير
يلا مستعجلين نبا نجييب وااااااحد غيرك متورط
هههههههههههههههههههههههههههههههههه
ابن صنعاء
13-07-2009, 12:09 AM
هههههههههههههههههههه
حاضر من عيوني شاصورها
والصوره بكره
وبختار بكره واحد يكون مصور في ورطه بدلي صح؟؟؟؟؟؟؟؟؟
اليمن أغلى
13-07-2009, 12:13 AM
هههههههههههههههههههه
حاضر من عيوني شاصورها
والصوره بكره
وبختار بكره واحد يكون مصور في ورطه بدلي صح؟؟؟؟؟؟؟؟؟



طيب بسرعه لاتتأخر

بعدما تطرح الصوره اختار عضو بعدك <<< ركز عضو ^_^
ابن صنعاء
13-07-2009, 12:27 AM
عضو او مشرف او مراقب او مديررررررررر
نظرهــ شموخــ
13-07-2009, 01:12 AM
اكيد اكيد يا ابن صنعاء

والمدرااااااء اولا هع

خاصه ان الفكره هم طارحينها :p

بانتظار صورك والطلبات من الاعضاء

وانا بطلب طلب بسيييييط واتمنى انك تلبيه

ابا صور ريولك , وحده لابس فيها جوتي او نعال (عزك الله ) والثانيه حافيه هع
شاب بزمن شايب
13-07-2009, 02:00 AM
صور سوق القات الي بتخزن منه
وصور القفص الدخان اللي بتشربه
وصور المجنون اللي بجوار بيتكم

ولي عوده
نســ الخليج ــر
13-07-2009, 02:26 AM
توريط ولا أروع … بصراحة فكرة جميله جدا …
يعطيك الف عافية اخي اليمن اغلى .
يلا وين الشيشة يا إبن صنعاء
ابن صنعاء
13-07-2009, 11:11 PM
هذه الشيشة ياشباب
وباقي الطلبات بكرة
والي ايعذبني شاعذبه
وكل واحد معه طلب واحد بس

http://www.the-yemen.com/vb/uploaded/23_1247512222.jpg
ابن صنعاء
13-07-2009, 11:17 PM
صور سوق القات الي بتخزن منه
وصور القفص الدخان اللي بتشربه
وصور المجنون اللي بجوار بيتكم

ولي عوده

احترامي اخي بس طلبات غريبه لسبب
سوق القات انا ما اروحه والقات يوصل للبيت
وعلبه الدخان انا ما ادخن غير الشيشه وقد حطيتها
والمجنون الي جنب بيتنا مافيش مجنون غيري في الحاره
ومشكور
نظرهــ شموخــ
13-07-2009, 11:20 PM
وش هالشيشه اللي هوزها اطول عنها

هذي للتشييش عن بعد :p

الحين مده التوريط ثلاث ايام .. وانت بتقعد يوم كامل عشان صوره >_<

بعدين شو اللي كل واحد معاه طلب واحد بس .. القوانين تقول ثلاااااث طلبات

وعليك التنفيذ وبسرعه .. والا بنتخذ معاك تصرف ثاني هع
ابن صنعاء
13-07-2009, 11:22 PM
اكيد اكيد يا ابن صنعاء


والمدرااااااء اولا هع

خاصه ان الفكره هم طارحينها :p

بانتظار صورك والطلبات من الاعضاء

وانا بطلب طلب بسيييييط واتمنى انك تلبيه

ابا صور ريولك , وحده لابس فيها جوتي او نعال (عزك الله ) والثانيه حافيه هع





هههههههههه حتى المستشارين
وبالنسبه لطلبك ان شاء الله بكره بتلاقيه بس لاتخافي
ابن صنعاء
13-07-2009, 11:55 PM
طيب ولايهمك 3 طلبات والطلبات استقبلها اليوم واحطها بكره امس كان الطلب للشيشه واليوم حطيتها
يمنيه كلاس
14-07-2009, 12:21 AM
فكره جهنميه ومشكور يالغلا ع الفكره
وانا بعدعندي طلب وطلبي رح يكون
اممممممم اتصور لنا غرفتـك وتصورلنا ايش تحت السرير هههههه
وتحياتي
أحبك موطني
14-07-2009, 12:22 AM
حلوه والله . . .

بسم الله . . . يا لله يا إبن صنعاء . . .

الصورة الأولى / ولدك الكبير . . .

الصورة الثانية / سيارتك , وإذا ما معك أول باص تركبه بكره .

الصورة الثالثة / صورتك وأنت في الشارع .

أوصيك المدير بعدك . . . إنتبه المدير . . .

لك تحياتي يا المدير على المضوع . . .
ابن صنعاء
14-07-2009, 12:27 AM
ههههههههههههههههههههههههه
بالنسبه لغرفتي عادي وتحت السرير مافيش غير سلاحي وشاصوره
وبالنسبه لأبني الكبير انا ماقد تزوجتش
والسياره اصورها لك
واصور نفسي بكره في الشارع
بكره بتلاقو كل الصور
ولـــ الحكمي ـــد
14-07-2009, 01:00 AM
انا علقت يا ابن صنعاء والان جاء دور الطلبات
1_ صورة لاي سوق في صنعاء
2_صورة القات وهو داخل الكيس
3_صورة اي شي خااص بك
ههههههههههههههههههههههههههههههههههه
ابن صنعاء
14-07-2009, 01:08 AM
انا علقت يا ابن صنعاء والان جاء دور الطلبات
1_ صورة لاي سوق في صنعاء
2_صورة القات وهو داخل الكيس
3_صورة اي شي خااص بك
ههههههههههههههههههههههههههههههههههه
كيف لأي سوق؟؟؟؟؟؟؟؟؟؟؟؟؟؟؟؟؟
القات عادي بصوره
شي خاص بي؟؟؟؟؟؟؟؟؟؟؟ مثل ايش حدد
ملكة اليمن
14-07-2009, 01:46 AM
هههههههههه

الله يعييييييييييييييييييينك

مارااح ثقل عليييييييك اشتي تصوور لي جربه من حقكم ومعهاا الشقاااه >> ههههههه

بس يكفييييييييك
شاب بزمن شايب
14-07-2009, 02:57 AM
باقي تصور اطول صومعه في حارتكم
واصغر جامع ((مسجد)) في الجوار

ولي عوده
اليمن أغلى
14-07-2009, 03:07 AM
هذه الشيشة ياشباب

وباقي الطلبات بكرة
والي ايعذبني شاعذبه
وكل واحد معه طلب واحد بس


http://www.the-yemen.com/vb/uploaded/23_1247512222.jpg


لله درها من شيشه هههههههههههههه

اسلم ياابو الشباب
وطلبي الجديد هو صوره لك انت والشباب في الغردقه على الشاطئ *_^
السيف الصنعاني
14-07-2009, 10:53 AM
حياك الله يالغالي ابن صنعاء وطلبي
1-صورتك وانت صغير ( اقل من 10 سنين)
2-صوره لك وانت مخزن ( في عصر بجوار بيت عاقل السنينه)
3-صورتك وانت بتبترع ولا بترقص رقصه صنعانيه ( اهي هي اهي هو غنى ومن غنى رقص ) هياااا
صدى الذكريات
14-07-2009, 01:47 PM
ههههههههههههههه فكره حلوووووووووه


من صدق الله يعين ابن صنعاء


بالنوسبه لي ما عندي اي طلبات خخخخ
اميرالقلوب
14-07-2009, 02:08 PM
فكره حلوووه ورااائعه
الله يعين المتورطيييييييييييييييييين
قولو اميييييييين
ابن صنعاء
14-07-2009, 03:14 PM
هههههههههه

الله يعييييييييييييييييييينك

مارااح ثقل عليييييييك اشتي تصوور لي جربه من حقكم ومعهاا الشقاااه >> ههههههه

بس يكفييييييييك
اهلا دلوعه بالنسبه لطلبك عفوا فأنا من صنعاء القديمه
ومابش معانا جرب
اطلبي طلب ثاني
ابن صنعاء
14-07-2009, 03:18 PM
خليتوني اليوم مثل المجنون كل شويه اصور حاجه حرام عليكم
وطلبات بسيطه وانت يا السيف الصنعاني
بالنسبه لعصر عمري ماخزنت فيها
وبالنسبه لي وانا بين ارقص انا معرفش ارقص ولا ابترع
وبالنسبه لصورتي وانا صغير اوعدك احطها
الحليلي
14-07-2009, 03:18 PM
ياهيمه

اشتي تصوري القات حق اليوووووووم
المايسترو
14-07-2009, 04:22 PM
هياا يا ابنن صنعاء
اين الصور
المايسترو
14-07-2009, 04:37 PM
اسمع انا اشتي تصور لي


1 حقك الشامبو

2 بيتكم

3 حقك الفنيله الي لبستها اليوم

سامحني ....ههههههههه
المايسترو
14-07-2009, 04:40 PM
هياا اين البقيه نشتي نورطه
بسرعه ياجماعه
اسعد الكامل
14-07-2009, 07:51 PM
كل شي منك يا مدير زي العسل

فكره مره روعه يالله نحنو بلانتضار
هيـــا
14-07-2009, 09:19 PM
حراام عليكم ارحموو الرجاااال ..^^..
ابن صنعاء
15-07-2009, 01:40 AM
http://www.the-yemen.com/vb/uploaded/23_1247607327.jpg

هذه صورتي وانا مخزن للي طلبها

http://www.the-yemen.com/vb/uploaded/23_1247606988.jpg


وهذه صورتي في الغردقة يا مدير بدون الاصحاب





http://www.the-yemen.com/vb/uploaded/23_1247607338.jpg

وهذه صورة ارجلي بدون جزمه عزكم الله

ويتبع باقي الصور
اليمن أغلى
15-07-2009, 01:59 AM
شكرا ياابن صنعاء على الصور

بس انا طلبت صورتك في الغردقه على البحر
ابن صنعاء
15-07-2009, 02:01 AM
هذا القات حق اليوم يا حليلي
وللي طلبه كمان
وعاده في الكيس

http://www.the-yemen.com/vb/uploaded/23_1247608022.jpg


وهذه ارجلي وانا بالبوتي عزكم الله والله طلبات غريبه
http://www.the-yemen.com/vb/uploaded/23_1247608077.jpg

http://www.the-yemen.com/vb/uploaded/23_1247608465.jpg
وهذه غرفتي

http://www.the-yemen.com/vb/uploaded/23_1247608549.jpg
وهذه سيارتي

http://www.the-yemen.com/vb/uploaded/23_1247608657.jpg
وهذا الي تحت السرير
ابن صنعاء
15-07-2009, 02:03 AM
شكرا ياابن صنعاء على الصور

بس انا طلبت صورتك في الغردقه على البحر

يامدير اطلب صوره اصورها لك الان مش حق قبل سنه
هذا من شروط المسابقه
ولا تزيدش الطلبات لانك اتكون مكاني قريبا جدا
الشدادي
15-07-2009, 03:14 AM
يا ابن صنعاء اشتي صوره لخالد محسن الان وبسرعه :):)
نســ الخليج ــر
15-07-2009, 03:52 AM
أنا عندي طلبات بسيطة ..

صورة الحلاق اللي تحلق عنده .. أو المحل على الاقل لو فيها إحراج عليك ..

صورة غدائك بكره ...

صورة وانت لابس بيجامة النوم ...
نظرهــ شموخــ
15-07-2009, 04:39 AM
ههههه

شكلك فهمتني غلط >_<

انا قلت ابا صوره وحده تكون لريولك وحده لبست فيها جوتي وحده حافيه يعني رجل كذا ورجل كذا هع

بس ماعليه بنطوفها لك هالمره :d

والله يعينك ع الباقيين قلنا المده ثلاث ايام مب اسبوع :p
المايسترو
15-07-2009, 12:38 PM
هيا وانا اشتي تصور
1 بيتكم
2 تصور نفسك اول ما تقوم
3 تصور ذبابه وهي فوقك<<<<<<<<<<<طلب صعب ههههههههههههههه
يمنيه كلاس
15-07-2009, 01:35 PM
ههههههههههههاااا
يعطيك الف عافيه < عزبناك معانا
والله يستر من الي جاي هع
غريب بزمانه
15-07-2009, 03:34 PM
ههههههههههههههه
مسكين
الله يكون في عونك
بس انا عايز منك شي
هو انك تدي للي يطلب منك الشي الي طلبه ولا تعذب حالك
يعني مش تصور فندق وتقول بيتكم
ههههههههههه
وانا عايز منك تصور دار الحجر هههههههههه بس بدون تجميل
تصوره على الطبيعه طيب
غريب بزمانه
15-07-2009, 05:50 PM
هييييييييه وين انتو الرجال منتضر طلباتكم
المايسترو
15-07-2009, 09:58 PM
انت تشتي تضيع عليه يوم كامل الى دار الحجر
ابن صنعاء
16-07-2009, 12:30 AM
انا اعتذر للي ماقدرت البي لهم الصور الي يشتوها لان اكثرها صعبه ويشتي لها مشاوير
واختار من بعدي المدير العام
مختارسيلان
16-07-2009, 01:27 AM
لو تكون الصوره وانت مخزن أفضل
بس تكون أخر التخزينه
ههههههههههههه
THE BOSS
16-07-2009, 03:05 AM
سلام الله عليكم ....

انا اشتي اطلب من اخي العزيز بن صنعاء ان يصورلنا سيارته القديمه السوبارو وهو بجنبها هع ...

وسلامتكم ...
غريب بزمانه
16-07-2009, 02:18 PM
خلاص يا مدير اليوم يومك اشتيك تصور المرسديس حقك تمام


والتلفون حقك هاااااه اوبه انا عارف كيف التلفون تصور غيره عتفضحك


وصور الانترنت الذي بتروحه يعني مش حقك الذي بتروح تقضي اوقاتك فيه (بس بشرط ذي في 45)
وسوق القات الذي جنبه
ولي عوده
نســ الخليج ــر
16-07-2009, 02:37 PM
أنا عندي طلبات بسيطة ..

صورة الحلاق اللي تحلق عنده .. أو المحل على الاقل لو فيها إحراج عليك ..

صورة غدائك بكره ...

صورة وانت لابس بيجامة النوم ...


هذي الطلبات طلبتها من ابن صنعاء وما نفذها ؟؟

لكن كلي ثقه ان مديرالغالي ماراح يخيب املي وراح ينفذها ..
أحبك موطني
16-07-2009, 03:43 PM
انا اعتذر للي ماقدرت البي لهم الصور الي يشتوها لان اكثرها صعبه ويشتي لها مشاوير


واختار من بعدي المدير العام



والله عذبووووووووووووووك . . .

لكن ما شاء الله عليك لبيت أغلب الطلبات , , ,

وأحسنت إختيار ولي العهد . . .

والآن دوره . . . عذبه وبرد ثارك . . .
المايسترو
16-07-2009, 04:32 PM
والله انك يامدير مودــــــــــــــف ودافه واحده

انا اشتي تصور نفسك انت والخبره وانتوا مخزنين

وتصور نفسك وانت اول ماتقوم من النوم <<<<<< بدون تعديل

و تصور حقك الجزمه وانت لابس لها

وشكـــــــــ لي عوده ـــــــــــراً
هيـــا
16-07-2009, 05:04 PM
غبني على مديرنااا ماابه سخى ههههههههههههههه



خلااااااااص صووور نفسك وانته كااشخ ..يعني بالجنبيه تماااااااااام


وصووور لنااا بيتك اذاا امكن ...
ملكة اليمن
16-07-2009, 08:58 PM
ايش هذاا ياامدير نشتي نشووف سياارتك .. وجهاازك ... وبيتك من خاارج ومن دااخل ... هع هع
نســ الخليج ــر
16-07-2009, 08:59 PM
ويــــــــــــن الطلبات يا
أغلى مدير ,
مدير أغلى منتدى ,
منتدى اليمن أغلى . . .
احمد مرعي
17-07-2009, 12:32 AM
لى طلب
واحد
فقط تصور
محواش ابو سعود
احمد مرعي
17-07-2009, 12:33 AM
يامديرنا الغالى
عبداللة محواش ابو سعود
نظرهــ شموخــ
17-07-2009, 01:06 AM
من حفر حفره لأخيه وقع فيها

الله يعينك يامحمد

والله الحميدي شكله ماعاد يدخل المنتدى ابد من ورى هالموضوع :p

بيدخل يوم تنتهي المده

انا مابطلب شي بس يمكن بعدين هع
ملاك الروووح
17-07-2009, 09:12 AM
هههههههههههههههههههههههههههههههههههههههههههههههههه هههههااااااااااااااي وربي موضوع روووعه














ابن صنعااء وين عتروح جاوب الاسئله حقك >>>>>>>> مسويه شريره وقوويه





المدير



جاك الدور




يلا لا تهرب ولا شي امانه وين ما عتسير انهم وراك ههههههههههههههههههههاااي وي وي فديت الكلام الصنعاني




ابي اشوف بيتكم والشارع اللي انت فيه والرقم حق السياره تبي >>>> تسرق الوحه بس هع هع



وتصور الجوال والبقاله اللي في اخر الشارع ههههههههههههههههههههههه >>> مسويه معرفه








وتــــــــ ح ـــــــــــــــــــــياتي
اميرالقلوب
17-07-2009, 10:48 AM
مديرنا مشغول
بس هو عيرجع

انا اشتي منه طلب يصور ساحر البشرررر وهو مش داري
ويصور الانترنت الي بيروحه ...
اوكي يا مديرنا
واذا ماصوورت انا شا صورك وانت في النت
اوبه
لاني ساكن قريب منه
سلاام يا مديرنا الغااااااااااااااااالي
روح مغليها
17-07-2009, 11:57 AM
يعطيك العافيه على الطرح الرائع سلمت يداك ولاهنت
المايسترو
17-07-2009, 12:28 PM
شكل المدير مودف مش راضي يدي اي صوره
المايسترو
17-07-2009, 12:30 PM
انصحكم نصيحه ولا واحد يكتب للمدير لانه شكله مش حيدي اي صوره

اذا كان عكس هذا اليوم يدي الصور المطلوبه ولو حتى خمس حبات بس
هيـــا
17-07-2009, 01:36 PM
ايوة صووور لنااا اصحاااابك ...
يمنيه كلاس
17-07-2009, 03:23 PM
هههههههههههههههههه وش ذا كله << مخابرات على مديرنا
بس يستاهل هو الي جاب هذي العبه < ورط نفسه وورطنا معاه
بس لاتخاف مابطلب منك شي كبير
ابيك تصور لنا الجهاز الي تدخل منه وابيك تصور لنا الاكله الي تحبها
وش زيده ايه كمان تصور لنا اي طفل من اقاربك او عيالك او اخوانك المهم يكون صغنون
ماادري ليش احساسي يقولي ان المدير بيسكر المنتدى كله
وهذي هي طلباتي الخفيفه هع هع << اكيد اكيد بتجيه حاله وبجيه صرع
شاب بزمن شايب
17-07-2009, 04:59 PM
اخي المدير
كيفك يا((متورط))

صور بيتكم
وصور فتى الاحلام وشاب وساحر البشر وخيال الطيف وملك رومانسية صنعاء
ونزلهم في الموضوع بصوره واحده
الملك طوني
17-07-2009, 05:22 PM
شي رائع بس الله يعين الي بيكون الاول
المايسترو
17-07-2009, 06:03 PM
فين المدير الي داري فين بيتهم او رقمه

يقله لو ما دخلش عنسوي مضاهره قبال بيتهم

او ننتخب مدير ثاني <<<<<< ههههههههه

لاتصدق يا مدير والله ما عنلقا مدير احسن منك
سلطان الموسمي
17-07-2009, 07:18 PM
الله يعينكم
ابن صنعاء
17-07-2009, 10:55 PM
انا رايي ان المسابقه متوقفه الى حين دخول المصور المتورط ونبداء نحسب له الايام من اول دخول
ملاك الروووح
17-07-2009, 11:17 PM
ابن صنعااء وين عتروح جاوب الاسئله حقك >>>>>>>> مسويه شريره وقوويه




وين عتهرب وراك وراك والزمن طويل
ابن صنعاء
17-07-2009, 11:35 PM
هههههههههههههههههههه
بالنسبه للطلبات انسو انا قد انتهى وقتي وقد سويت الي عليا
ونفذت اكثر الطلبات
مع اني عجبني هذا الموضوع
وكنت اشتي اجلس اكثر
نســ الخليج ــر
17-07-2009, 11:56 PM
انا رايي ان المسابقه متوقفه الى حين دخول المصور المتورط ونبداء نحسب له الايام من اول دخول



ماعليك أخي إبن صنعاء المدير له إمتيازات خاصة أكيد . . .
يعني طلباتنا ينفذها وبدون وقت محدد .
ممكن 3 أيام .. 4 أسابيع .. 5 أشهر .. إلـــــــــــــــــــــــــــــــــــــخ ...
وماراح نقبل بأي ضيف جديد إلا بعد ما ينتهي المدير من تنفيذ طلباتنا ...


وعلى قول المثل " ومن الحب ماقتل "
ابن صنعاء
18-07-2009, 12:01 AM
ههههههههههههههههههههه خلاص وهيه
يامدير كانا في انتضارك وانا عارف انك بتدخل بأسم ثاني
ملكة الإحساس
19-07-2009, 01:04 AM
http://www.w6w.net/album/35/w6w2005041915213957163f99.gif



مساك الله بالخير أخي الكريـم المتألق ...




http://www.w6w.net/album/35/w6w20050420130031c9571bae.gif http://www.w6w.net/album/35/w6w20050420130031c9571bae.gifاليمن أغلىhttp://www.w6w.net/album/35/w6w20050420130031c9571bae.gif http://www.w6w.net/album/35/w6w20050420130031c9571bae.gif



الله يرضى عليك ويبارك فيك ...


ههههههههههههههه

الموضوع رائع ومرح وتفاعل الأعضاء أعجبني جداً ...


أشكرك أخي على روعة نقلك ...

حفظك الله من كل شر ..



http://zaffaty.jeeran.com/ورد.gif




تقبلوا خالص شكري وتقديري ...



( ملكــــــــــــة الإحســــــــــــــاس :IC123:)
ملكة الإحساس
19-07-2009, 01:07 AM
http://www.w6w.net/album/35/w6w2005041915213957163f99.gif



مساك الله بالخير أخي الكريـم المتألق ...



http://www.w6w.net/album/35/w6w20050420130031c9571bae.gif http://www.w6w.net/album/35/w6w20050420130031c9571bae.gifإبن صنعــــــــــاءhttp://www.w6w.net/album/35/w6w20050420130031c9571bae.gif http://www.w6w.net/album/35/w6w20050420130031c9571bae.gif


الله يسعدك أخي موتني ضحك ...

ههههههههههههههه

صراحة ماقصرت أبداً لبيت طلبات الأعضاء بقدر إستطاعتك ...

كانت ورطه فعلاً وموقف لاتحسد علييييييييييييييييييه ...

أشكرك أخي على تجاوبك ورحابة صدرك في تلبية الطلبات ..

وخير من إخترت ننتظر المبدع اليمن أغلى مع طلبات الأعضاء :) ...

شكراااااااا جزيلااااااااااااا لكم ...


http://zaffaty.jeeran.com/ورد.gif



تقبلوا خالص شكري وتقديري ...


( ملكــــــــــــة الإحســــــــــــــاس :IC123:)
اليمن أغلى
19-07-2009, 01:14 AM
شكرا لك اخي ابن صنعاء على توريطي ^_^

واعتذر للجميع على تأخري وذلك لانني كنت تعبان شويه وماكنت ادخل كثير والان الحمدلله تحسنت وساقوم بطرح الصور لما ارجع من السفر لاني مسافر بكره ان شاء الله وراجع في الليل ...

دعواتكم لي
ملاك الروووح
19-07-2009, 01:17 AM
تروح وترجع بالسلامه


موفق
اليمن أغلى
19-07-2009, 01:22 AM
الله يسلمك اختي ملاك الروح
ملاك الروووح
19-07-2009, 01:24 AM
وين عتسافر >> نشتي هديه هع هع ياليل الطمع
نســ الخليج ــر
19-07-2009, 03:23 AM
تروح وترجع بالســــــــــــــــــلامة ..
المايسترو
19-07-2009, 02:59 PM
اول حاجه الحمدلله على السلامه

ثانيا تروح وترجع بالسلامه يالغالي
ولــيـ اليمن ــد
21-07-2009, 04:11 AM
جنان في دكان
"السلطه الرابعه"
22-07-2009, 05:50 PM
موضوع جد روعه روعه كلمه شكر متميزه كلمه لم اعثر عليها في كتب الادب ولا النحو والصرف
كلمه تخرج من اعماق اعماق قلبي لتنحط على او في رد لموضوع مصور في ورطه للاخ محمد
ليقرئها وتدخل في صميم قلبه
كلمه شكر واعتذار لانقطاعي عن المنتدى لفتره ولازلت لاكن بحاول اجد اقرب فرصه لادخل المنتدى
شكراً لك


هذه المقدمه عتباقي الطلب

اشتي صوره لك انت وثلاثه من العضاء
وشتي صوره للاخ العزيز ساحر البشر وشايل جروحي بروحي
وعدت صور لغرفتك الي عند اليماااامه
الشهاب اليماني
24-07-2009, 06:14 PM
فكره حلوووووووه
ابن صنعاء
25-07-2009, 12:15 AM
المدير نسي هذا الموضوع ارجو من الاعضاء تذكيره
نظرهــ شموخــ
25-07-2009, 12:24 AM
شلوووك يالحميدي وينك

من طلبوك وانت مختفي مادخلت الا بالسرقه

توايق وتروح :p

تعال لبي الطلبات ولا اعتذر

مع ان الاعتذار مرفوض بس ماعليه تعال اعتذر عشان نرفض :p
المايسترو
25-07-2009, 03:50 PM
فين المدير انا ذاحين اسير اقله
ملكة الإحساس
25-07-2009, 11:47 PM
http://www.adaweya.net/bismillah.gif (http://www.adaweya.net/)




مساك الله بالخيييييييييير والرضى واليقيــــــــــــــن أخي الكريـــــــــــم ...




http://www.mayyar.com/album/data/media/16/nsaayatdbf4a1fd16.gifاليمن أغلـــــــــــىhttp://www.mayyar.com/album/data/media/16/nsaayatdbf4a1fd16.gif




الله يرضى عليك ويبارك فيك ...

سلامتك من كل شر ...

ويارب ترجع بالسلامة وتمتعنا بمشاركاتك ..

الله يعطيك الصحة والعافية ..




http://www.dubaieyes.net/gallery/data/media/25/t-w%20(17).gif
http://www.mayyar.com/album/data/media/4/image001.png


تقبلوا خالص شكري وتقديري ...



( ملكــــــــــــة الإحســــــــــــــاس:IC123:)
جنرال
27-07-2009, 06:23 PM
اين المديييييييييييييير؟؟
حميـــــــــــــــــــــــــــــــــــدي النجاااااااااااااااز
الناااااااااس بيدوروك
كل واحد يشتي طلبه

فيسع
وسيط ابليس
27-07-2009, 07:51 PM
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الحميدي هو المدير وليش عذب في ابن صنعا وهرب
عمر الشوافي
28-07-2009, 01:55 AM
شبـــآب المدير هذه الايــآم مشغــول وتعبــآن ياريت تعذروهـ

تح ـــيتـــي
اليمن أغلى
28-07-2009, 02:26 AM
اعتذر من الجميع على عدم استطاعتي تلبية طلباتهم
وذلك لظروف خاصه اشغلتني كنت اتمنى تجاوزها لاقوم بالرد وطرح الصور المطلوبه مني بالقدر المستطلع

لكن للاسف لم استطيع ذلك
اعتذر مرة اخرى وان شاء الله حين تسنح لي الفرصه سأخذ دوري والبي طلباتكم بكل سرور

اعذرني اخي ابن صنعاء وارجو منك اختيار عضو آخر
اسعد الكامل
29-07-2009, 11:39 AM
فكره حلوه مشكووووووووووووووور
السيف الصنعاني
29-07-2009, 12:10 PM
اخي ابن صنعاء المدير عذره معه واعتذر لظروفه ؟
والحين عليك تختار واحد ثاني ويتم تنبيهه واذا لم يستطيع لسبب معقول عليك باختيار غيره