مثل وحطه في جمله مفيده ,,

[ميثاآق]

سلاااااااام عليكو


موضوع اليوم الله يسلمني , قالوا انه نضع مثل ونحطه في جمله مفيده

( بلا تن تن ,, يعني التنوين )


يعني نكتب المثل , ونشرحه مع قصه والا حكايه والا روايه


مفهوم

[ميثاآق]

( صام صام , فطر بلصام )

هذا واحد قال لواحد هكذا ,

قاله الثاني , لصام بخور والا شونجم

هههههههههههههههههههههههههههههههههه

كلاهما متخلف , ههههههههه

الشرح بئى انه

يعني مثلا واحد يصبر لكي يحصل في الأخير على ولا حاجه

او يحصل على شيء مو ذاك الزود

*********

كلااااااااااااااااااامي وااااااااااااااااضح

[ميثاآق]

( اضرب سعد يفهم مسعود )


قالوا كان به مجموعة حمير في صف بيدرسوا

( يقطع التطور وسنينه ) هع

دخل المدرس قالهم : احمر واحد فيكم يقوم


هههههههههههههههههههههههههههههههههههههههههههههه

[ميثاآق]

( صوتك ولا صورتك ) هع

هذا مثلاً لو به واحد مغني وإلا مغنيه ولا مذيع وإلا مذيعه بالمذياع تسمع صوته ، تقول هذا الا الصوت كيف عاد الصوره


لما تبصره ، تقول بينك وبين نفسك ، شلو ذَا الصوره ، هع





مثل المثل اللي يقول ( العين تعشق ، قبل القلب احياناً )

مثلاً في شخص يشوف واحد والا واحده، نفترض ان شكله تحفه ،

واذا اتكلم احدهم ،،،،،، تقول ليته سكت ،،




قمة التناقض


هع

[ميثاآق]

( ياويلك من بنت القريه اذا اتمدنت )




هذا يطلق على الشخص اللي مش متعود او الف على الخير
يصير مثل المفجوع اذا شاف خير او تطور

يعني بنت القريه اذا عاشت في المدينه تصير اوڤر


هذا ذكرني بالشغاله حقتنا اول ماجت عندنا بالكاد تنطق وراسها لتحت ومسيكينه

بعدين وبدون منه يعني ارتاحت عندنا بكل ماتحمل الكلمة من معنى


يعني بدون تفصيل كثير بس فعلاً مرتاحه لا شغل كثير ولا ازعاج ولا ايذاء ولا اي شيء
مرتاحه مادياً ومعنوياً وترفيهياً في اخر أيامها عندنا صارت تعاند وماتتحمل حتى اي نقد او احد يقول لها كلام وما تسمع الكلام وإذا طلبت منها شيء تناولني اوف اوف
اتزاعلت معاها مره عاندتني بكل وقاحه ومارضت تسمع الكلام وتحدتني في الأخير حلفت لها ماهي مطوله عندنا المهم الحكايه طويله مع انها كانت تحترمني واحترمها بس كثر الدلع وما ادراك تصالحنا بعد الزعل بس نية الرحيل موجوده عندي وعندهاجلست فتره وراحت عند ناس ثانيين الحين بين فتره وفتره تتصل وتكلمني ، كانت لما تروح عند اي احد لما كانت عندنا اذا سافرنا نوديها عند ناس لما نرجع وترجع البيت تجلس تقول طول الوقت الحمد لله الحمد لله تقول عندنا جنه لانه هدوء ومافي شغل كثير ولا نقلها اي كلمه ولا نأمرها كثير يعني كأنها راعية البيت وهنا الغلط كثر الدلع يعني مش كل الناس ينعطون وجه ، وسلامتكم

[ميثاآق]

( لا قأنت سارح ، كثرت الفضايح )



هذا مثل يطلق على الشخص اللي يزيد الطين بله في تصرفاته

يعني قديه خاربه خاربه

يصلح للمودفين

هعهعهعهعهعهعهعهعهعهعهعهعهعهع

[السهم الجريح]

موضوع مليح تسلمي ميثاق

لا تربط حمارك جنب حمار المدبر يدبرك من دبوره

يعني اذا شي واحد أخبل ابتعد عنه عشان ما يأثر عليك هذا اللي فهمته واذا عندكم تعليق قولوه

[ميثاآق]

اهللللللللللللين اخونا السهم

الله يسلمك


هع مضحك ، لا تعليق

بس كيف حمار يدبر حمار وهم اثنينهم حمير


فعلاً مثل مضحك

اول مره اسمع فيه


اشكرك على المشاركه

[ميثاآق]

( من تجنن قضي حاجه )


هذا المثل يقال اذا في واحد بنفسه حاجه يعملها ، يقوم يتجنن يارسمي ياتقليد

المهم انه يصير مجنون وتسبر اموره هع


عندي نكته قلتها من قبل بس شاقولها ذلحين مناسبه للمثل


هذا في واحد هرب من المصحه لقوه يراجم بالشارع ، سألوه ليش بتراجم

قال لهم ، اعمل بروڤه لفلم اكشن ههههههههههههههههههههه

سلاااااااااااااام يالبروڤه


كما النكته من عقلي لا احد يسرقها

[ميثاآق]

( لا تعلموا الرُباح مأكل التفاح )


طبعاً انتم تعرفوا ايش الرباح , يعني القرود


يعني هم قرود فما احد يزيد لهم بالدلع


خليهم على الموز يكفيهم

خخخخخ



وفي مثل ثاني مشابه له


( لاتعلموا الدب لقاط الحجار )


عشان مايرجع يراجم بهن


وبس

[ميثاآق]

( سارق ومبهرر )

يعني شين وقوي عين

يسرق ويزيد يفنجل بعيونه

على اساس انه عادي الوضع

اللي اختشوا ماتوا صحيح


ومثل ثاني مشابه له

( سبلة السارق تطن )

يعني هو عارف نفسه انه سارق فيبان عليه
جرس الانذار يوقضه

يعني اللي على راسه بطحى يحسس عليها

وسلامتكم

[ميثاآق]

( تطوره مشوره )


مشوره هذي منطقه في اليمن ، أفتكر انه جبل وصار فيه منتزه وغيره

المهم انه سمعت هذا المثل باليمن

يقال لشخص او مكان او اي شيء انه ترقى او صار يشار له بالبنان


يعني صار دلوع

[ميثاآق]

( من ظهر ابو عسله )


هذا المثل يقال للناس الذين يستنفعوا من غيرهم بطرق المحايله

اعطيكم مثل يعني مثلا شخص يروح مع واحد ثاني لمطعم وماياخذش معه المحفظه عشان يقول نسيت والثاني يدفع ، يعني يستفيد من صاحبه بالحيلة

او مثلا واحد يشتري من محل وما يدفع ، يقول سجله على الحساب والحساب حق واحد ثاني

يعني المهم سلبطه هاه



وغيره من الطرق يعني لها معاني كثير

[ميثاآق]

مكسور الناموس عذب النبي )


تقال للشخص المزعج اللذي يؤذي غيره او يكرر فعله السيء ولا يتوقف

يعني انه مثل اللذي عذب النبي مااعرف بس كذا تنقال

واللي عذب النبي مكسور ناموس