هههههههههه نصاب وانصب منه

[طيف مأرب]

واحد
قال لزوجته اذا جاء مشتري للدجاج
بيعيهن ..!!

جاء واحد ملعون ..
قال :
تبيعي الدجاج؟؟

قالت:
نعم
بسبعة ريال ..

قال:
خلاص انا بأخذ ست حبات منهن وأخلي السابعة رهن لما أجي بكرة اجيب الفلوس ..

الزوجة وافقت طبعاً
رجع الزوج كلمته بالقصة ..

الزوج ضاق حاله قال أنا باسرح أرض الله إن حصلت أغبى منش قدنا بصبر على هبالتش وإن ما حصلت
فأنتي طالق ..!!

سرح وغدّر الليل رقد داخل مقبرة قرب منزل شيخ ..

قام الصبح بينفض التراب
شافته زوجة الشيخ
سارت الى عنده ..

قالت:
منين خرجت من المقبره !
قال:
أيوه

قالت:
أمانة قلي كيف حال أبي وأمي؟؟

قال:
والله تمام بس أبوش تزوج على أمش واحدة أهلها شابعين جابوا لها الذهب والملابس الحالية وامش مسكينة ما معها شي ..!!

قالت:
عادك بترجع المقبره !
قال:
أيوه
قالت : انتظرني لحظة
راحت جابت الذهب حقها والملابس قالت أمانة إديهن لأمي تلبس قدام الكلبة بنت الكلب ..

قال: أبشري ..!!

روح الشيخ وكلمته زوجته باللي حصل
قال :
ضحك عليش ياهبلا يابنت الهبلا لكن والله ما يفلت منّي ..!!!
ركب فوق الخيل
ولحقه وصاحبنا قد أحس أن به واحد ربما يلحق به يدوره فقام سار لعند واحد راعي ورأسه أصلع

قاله : شوف الشيخ
فلان بيدّور ذي روسهم صلع يسويهم مدقه للطماط ..
أهرب لك الجبل وانا بنتبه للغنم..

صدق المسكين وهرب
ومسك العمل بدله بعد الغنم.. .

وصل الشيخ قال :
يا راعي شفت واحد فوقه أغراض مشى من هانا !!

قال:
اي والله جاء هارب وطلع الجبل ليش تسأل؟؟

قال:
سارق

قله :
خلاص خل الخيل عندي وأنا أنتبه عليها لوما ترجع ما تقدر الخيلة تطلع الجبل ..!!

والشيخ سوّا على ما قاله وطلع الجبل بدون الخيلة ..

وصل لقي صاحبنا الراعي الأصلع
لما شاف الشيخ
مسكين قام شل الحجر وقعد يدقدق رأسه
ويقول: لا .. لي
ولا .. لك ولا للطماط
قاله الشيخ:
وايش فيك؟؟
كلمه الأصلع بالقصة ..

قاله الشيخ:
لا تخاف ..!

رجع يشوف الحصان
جاء وقد الراجل فحط
بالحصان ..

قال الشيخ للراعي:
هيا قد ضحك عليا وعليك وعلى المرة

رجع الشيخ للبيت
سألته زوجته:
لقيت الرجال ..!!
تأكدت هو صادق ولا كاذب؟؟

الشيخ حك راسه شوية مادرا وايش يقول!! اقولها زاد ابن الذين شل عليَّ الحصان ولا ايش !!

قام رد عليها قال:
ايوه حصلته وعشان صدقته قد زدت
مكنّته الحصان هدية ل أبوش .. قلنا ما دام عمي عريس يستاهل هدية عرسه ...!!

^_*اعجبتني فشاركتم اياها