نعم كثر التعب حاجه تؤدي لانهيار انسان

[max]

سأطرح هنا كل مايروق لي من خواطر وأشعار
البعض منها بقلمي والبعض مما راق لي
واتمنى تروق لكم

[max]

غلطان تحسب من غيابك أنا خايف
لاالدنيا توقف عليك ولا العمر ينمد

أدخلك في البحر .. وأطلعك ناشف
ونارك بإيدي حطبها تشتعل | تخمد

أطيح .. لكني حتى بطيحتي واقف
هذا أنا ياحبيبي في ( الجزر والمَد )

قاسي ولا تهز قلبي قولتك [ آسف ]
متعود أعيش شامخ ~ ياعيون محمد

[max]

( موّت غيابك سوالف ) يابعيد
عاجبك وضعي وحالي ماهو جيد ؟
ليش أتعب وأنشغل بثياب عيد
وآنا أدري ، فغيبتك .. ماني معيد !

[max]

أدري بغيابي عايشه مقهوره
وأدري تتابعها جميع ( أخباري )

تقرا القصايد و تشتكي للصوره
أخطي وتخلق لي معاي أعذاري !

بعض القصايد عنها [ محظوره ]
ويا كثر ما خانوا " بنات أفكاري "

خايف عليها من الشعر وشعوره
قولوا لها : لا تندمج بأشعاري

[max]

لا تناقشني ,,, ولا يطول الجدال
يا غلط , متغلف بكلمة " صحيح "

التفاهم .. بيني وبينك ,, محال
لا مريحني .. ولا إنت , مستريح !

يا تعلمني المشي , وأصعَد جبال
وإلا إسكت ... لا تعلمني , أطيح !

إما تمسح هـالدمِع لو يوم سال
وإلا إتركني .. على كيفي أصيح

لا تجاوب عن سؤالي , في سؤال
لا تذمني .. وما أبي منك ,, مديح

ما فهم قلبك ..؟
أبضرب له مثال :
.. الصراحه
" إنت واحد مو صريح "

[max]

مو ضروري ..
أسمع أعذار الوداع
قلبي في حلو الحكِي لا تخدعه

فكرة غيابك تجي بليا إجتماع
وين ما طيشك يسافر تتبعه !

وانت رايح خذ أساليب الخداع
وهم لا تنسى .. جميع الأقنعه

جيتني ناوي .. رحيلك بإندفاع
وإنصدم قلبي من اللي يسمعه

سدد جروحك وأنا مني الدفاع
طفي أفراحي .. وحزني ولعه

من كلامك كل شي أغليه ضاع
وإنت في إيدك .. تشد الأمتعه

ليه نتلاقى..؟ وتخليني بصراع
يعني قصدك قلبي جاي تودعه..؟

روح .. مو إلا نتلاقى بالوداع
خلي قلبي لك .. ما أبي ترجعه

[max]

كنت هادي ..
ومن هدوئك كنت خايف
كنت عادي ..
لا شعور ولا عواطف
وقتها حسيت إن هذا الهدوء
مستحيل يكون ما يسبق عواصف

صاب ظني .. ليت ظني كان خايب
غاب صوتك .. وإبتعدت وصرت غايب .. !
غبت عني ,, وغابت أفراحي معاك
ليه غبت وكيف .. ما عدنا حبايب ..!

[max]

تدري وش اصعب شي مر بحياتي
وخلاني اندم بالعمر دامني حي
اني رسمتك .. في جبــين امنياتي
حلم .. ولقيتك بالنهــايـة ولا شي !

[max]

هذا يقول في غيبتك ما اقدر اعيش
وهذا يقول في غيبتك ماني بحي
كلام كله كذب في مرحلة طيش
شفهم تخلو عن بعض وما حصل شي

[max]

تعبان نفسيا ومحتاج للبوح
والمشكلة مدري على مين احكي
​تخنقني الكلمه بضيقات وجروح
اعيش صمتي لكن العين تشكي .

[max]

إترك سوالف غلاي ورجعتي عنك
مرتاح قلبي ولله الحمد والمنّه
تحلم بأني أجيك وأعتذر منك
ذكرني حلمك بحلم إبليس بالجنة

[max]

مرض أعرابي فقيل له : إنّك تموت
قال : إلى أين يُذهب بي ؟
قيل : إلى الله
قال : فما كراهتي أن أذهب إلى من لا أرى الخير إلا منه !

[max]

في اختلآف اﻟذوق ومع ﻓرق الاجناس
حاول تكون انسان غير اعتيادي
اذا انت تمشي في حياتك ورى الناس
بيكون! مالك في حياتك مبادي

[max]

مزحوم بأيامك ، ولحظات دنياك
مليان أنا بصورّك .. وذكرياتك
قبل نتفارق : " هات " لي قلب ينساك
وبعد المفارق : لو تكرّمت " هاتك " !

[max]

استغفر الله واطلبه واترجاه
عن كل صبحٍ مرني ماشكرته
واستغفر الله وانكسر واطلب رضاه عن كل
ليل بغير طاعه سهرته

[max]

الورد لامن غبت ماعاد ينطاق
لأنه يموت الورد من غير ساقي
هقيت قلبك ضايقه طاري الفْراق
أثريك ماخذ راحتك في فراقي !

[max]

وخل إللي زَعَل يزعَل ,
عسى ما شاف مجهودي
أنا ما شبّني غيري . .
أنا من فعلي أضوائي

[max]

راح أتركه لو يحاول يحرق أعصابي بعض البشر لو أهينه يرتفع قدره .

[max]

في حياتي شي . . ما منّه مفر
يا { مطار القلب } ودّعت الكثير
العمر بالنسبة لي موسم سفر
كل يوم يمر … به غالي , يطير

[max]

يا كثر ما خانتني نظرة عيوني
ما في أوفا في زماني من الهم
عندي كثير بوقت فرحي يجوني
وفي وقت حزني الكل عنده فقر دم !

[max]

تعال الشوق دمرني حبيبي والصبر ذايب ..
حطبت الحب من قوة غيابك و إنكسر لي فاس !

تعال وقول يا ماخذ جميع أشيائي وش جايب ؟!
ترى مليت من حبر القلم و معاند القرطاس !!

عيونك نامت ب عيني وظني للأسف / خايب !!
أظن ترجع وما ترجع أظن وما يجيني نعاس !


أنا ما قلت لك مخطي ولا هم قلت لك صايب
أبيك الحين ترجع في حياتي .. شمعة الجلاس !!


مريض وأرفض الراحه لأنك لو تجي طايب ..
علاجي بس لو أسمع من لسانك [ عسى لا باس ] !


أنا عقلي على درب الجروح ف غيبتك سايب ..!
أنا فيني التعب عايش من رجولي إلين الراس !!


قوي قلبي ,, ولكني أحس / ب غيبتك هايب !
تخيل كل ما أصبر على غيابك , تضيق أنفاس !!!


أتوب شلون عن حبك وغلاك بداخلي شايب ..؟
أحبك كل يوم " أكثر " وفيني لك كثير إحساس !


حضورك كان في قلبي جميع الوقت يا غايب ..
أنا من وين ما أطالع , أشوفك إنت كل الناس !!

[max]

ناس على قل الوصل حيل تغليك
وناس مقابلهم عمر .. يكرهونك
بعض البشر مهما هملته يراعيك
والبعض لوتعطيه عمرك يخونك

[max]

انا اتقبل كل الاشكال
لكن .. صعب اتقبل شخص واحد .. بشكلين !

[max]

اي والله اني من غيابك تالمت
واني بعد فرقاك روحي ، يتيمه.
اشكي على روحي ولكن تعلمت :
من غيبتك مال الحياه اي قيمه

[max]

تعب لـما يكـون الحـزن طاغي
وطاغي هالتعب لـما يكونك
تخيل ! قد
ما اهرب من فراغي
ولا مره شعرت اني بدونك !

[max]

إنتمائي للوطن في فكْر أوطاني / ضياع
يا تبوس الأرض هذي أو تدوسك ناسَهَا

دنيتك هذي , مبادىء تلبس ثياب الخداع
وكم شجاعٍ ضلْ عاري والملابسْ داسَهَا

يا رئيس إلهامْ فكري لا تخافْ .. منْ الوداع
[ شاعرك ] .. يبقى قويٍ والقصيده حاسَهَا

إيه أنا عايش وميّتْ . . والحقيقه ما تُشاع !
الحَطَب صار الصراحه والكِذِبْ هو فاسَهَا

شوف هذا / إيه هذا , اللي جالسْ بجتماع
ما وصل للي عليه إلا .. . " أيادي " باسَهَا

طيبتك ما عاد تنفع في زمـنْ , كلّه جياع
غابةٍ من دونْ وااالي وما تِدِقْ أجراسَهَا

مُتْهم ضدّه النيابه وهمْ بعد ضدّه الدفاع
المؤبد لـه براءه ويحمد اللـه جاسَهَا

المصيبـه لو تبي تبليكْ تلْبسْ لك قناع
تخْتلقْ لك أي جريمه وتحْبسكْ بأنفاسَهَا

القهر أقرب قريبٍ لا لوى بيده الذراع
ماحَشَم ذيكْ العجوزْ اللي حَلفْ لكْ راسَهَا

لا خذاني الموتْ منّك إمسكْ بقوّه الشراع
لا تمشيك الريـاح / بكيفها / وإحساسَهَا

دنيتك مثل السفينه وقلتْ: هالكلمه مساع
لا تمشيك الرياح / ويخدعـك وسواسَهَا

يا رفيقي يا مواني رحلتي , جيدْ السماع
المسافه لا تقدّرهـا . . ويخون / إقياسَهَا

داخلك أدري مشاكل ضايعه بين الصراع
بينك وبينك { مآسي } . . يلعنْ الله ساسَهَا

لكن إصبر في رزانه ولا يغرّك الإندفاع
" الفَرَجْ " بالصبر يأتي / والمدامع واسَهَا

دنيتك كاسٍ جرعته سمْ ودّاني الضياع
وما أبيك تصير مثلي وتنخدع في كاسَهَا

[max]

فارقت كل الناس من أجل عينك . . .
حتى مع قلبي ~ عشانك تفارقت !
والحين ويني عن حياتك ووينك ؟
فارقتني وماهمّك إني تضايقت .
{ ودّعتني } يا جعل ربّي يعينك |
ومع المشاكل في فراقك تعانقت . .


ما رِجَع ؟ سألوا عليه يمكن إنه فيه شي .
غيبته عنّي { غريبه } روحوا جيبوا لي الخبر :


والله ماهي عادته أيّام ما يسأل علي !
حجة الغايب معاه . . بس . . مافيني صبر .


لا تخبّون الحقيقه |
وماحصل ؟
- قولوه لي .
ولا تقولوا لي : نسى أو لهى ،
ماهو عذر !

أكذِب إن قلت الليالي في غيابه : هي / هي
ويَصْدِق إن قال المفارق راح يسبّب لي : قهر

قلبي حيل إشتاق له وحبي له ماهو [ شوي ] :
مثل صحرا أنتظر . . طق يامطر | طق يامطر .

في وداعه ، كنت أمسك راحتي براحة إيدي
لين شفته بعيد عنّي .. كنّي ماسك لي : جمر !

ظلمه هالدنيا بدونه مابها نورٍ و { ضي } .
ليش سافر عن عيوني ؟ يعني وشفيه السفر !

من غيابه . .
راح عمري !
{ حي } لكن ~ ماني حي .
يا تجيبونه ،
يا إمّا :
روحوا جيبوا لي عُمُر .

الشعر : أفضل وسيله توصِف إللي صار بي . .
وإلا أنا ماكنت أصلًا فاضي وحول الشعر !


لا تسولف لي عن { جْروح الليالي } . .
وإنتْ قلبي .. ياما داواك ، وخدعته !
إيه أنا صابر .. لأنك : حيل غالي ،
ولو أحد ثاني مكانك ؟ - كان بعته .

[max]

ياه يا رخص السنين إللي مضت
ضاع عمري كله .. في لحظة جموح
وش حياتي يوم من حسّك فضت
كنت مصدر فرحتي وصرت الجروح

في وسط أرضك أنا روحي قضت
كيف صرت الحين شخص بْلا طموح !

أبكي من داخل ، وعيني مارضت
رحت عنّك ... وآنا ، ماودّي ( أروح )

[max]

دخيلك ما أبي تبدي السنه هذي جروح جداد ،
قديم الصبر .. يا معنى معاي وغيبتك ضدي !

سنه حلوة .. إذا شفتك قريب وخلق الله أبعاد :
معاك أضيع في عز الكلام أقول : من قدي ؟

خبر عنّك يدمّرني يشتت كل ( حروف الضاد ) !
حسافه ، كنت بكتب لك لقيت الوقت مايمدي

تبي تسافر ؟ تخليني على شانك ، أحب بلاد .. .
فمان اللـه إذا ودّك [ تسافر ] بس ما ودي :

يموت النوم فـ ( غيابك ) ويخلق للسهر ميلاد ،
أنا وشلون أغمضها عيوني ؟ وإنت مو عندي !

حبيبي طفلي الأكبر بكوا من غيبتك { أولاد } ،
يبونك تشعل شموع السنه و أتضايق بـ ردي .

يسارك جرح لكن في يمينك لي دوا وضماد ،
غيابك يومي الأسود وشوفك حلمي الوردي !

تخيّل كثر ما ( أحبك ) شعور الشوق فيني زاد :
شعلت النار من شوقي ولاحسّيت في بردي !!

أنا مو قصدي يابختك لأنك زرت كل بلاد ..
يابخت بلاد زارتها عيونك هذا هو قصدي ،

تطيح دموع ماترجع وأبي ترجع لي يالله عاد ..
حزين اليوم أطالع [ صورتك ] وإيدي على خدي !

[max]

لسان الصمت لو ينطق ،
أكيد إن الكلام : أشواق
تعاال وشوف وش سوى فراقك ، وإقرا إحساسي
تطيح أوراق من سدرة دموعي ـ وماتطيح أوراق
وأنا .. بـ الحالتين أبقى عزيز ، ومرتفع راسي .

[max]

بـ إسم ثاني تناديني تقول المخطي لسانك ،
حسافه .. كيف ما قدّر " لسانك "قلبي العاني ؟
تقول إنّه خطا منّك تذكّرت أكبر إخوانك !
وأنا إللي من كثر حُبي أنادي بـ إسمك إخواني !

[max]

لا تْحط إيدك بوسط الحريق
ولا تيأس إن شفت منهم ردا
الدنيا بك .. ما أبيها تضيق
عمري و حياتي ، لأجلك فدا
ياصاحبي لا أشوفك غريق
مايفيد لا فات فوتك [ ندا ]
فـ ( إمّا حياةٌ - تَسرُّ صديق
وإمّا مماتٌ . . يغيظُ العِدا )

[max]

تدري وش شفت بـ غيابك ؟
شفت وش يعني { السواد }
تلبس إنت الثوب الأبيض
وألبس " ثياااب " الحداد !

ينتكس لـ إحساس فيني
- ما أشوفك ! وين عيني ؟
قلت يا فرحي : أجي لك ؟
قال آسف : لا تجيني !!

كنت أحلم في [ الخيانه ]
وصرت أشوف الحلم دايم !
يالله عاد / إكذب أمااانه
وقول إني كنت : نااايم !

الغياب . . . أثّر علي
ما أتحمّل . . أي شي !!
موتي كل لحظه أشوفه
ليه جبت الموت لي .؟

البقى براسك يا غالي
وعظّم الله فيك , أجري ..
في غيابك هذا حالي
في إيدي أحفر لي قبري !

[max]

تدري وش قوّى غيابك ،
" قلب " عذّالي . . علي !
يا هواي إللي بـ صدري
أختنق - لو فيك شي !!

لا يموت "الحُب" فيني
وإنت في غيابي تعيش !
بس أبي عينك بـ عيني
وقول : هذا صار ليش ؟

من خذاك ومن خذاني !
من بكى لي ومن بكى لك !
إفهم الجمله : عشاني ،
يحكي عنّك من حكى لك .

أدري تسأل وش بسوّي ،
{ كل حادث له - حديث }
ما يعكّر - صفو جوّي :
لا ( خبيثه ) ولا ( خبيث )

إنت في الغيبات تَلهو !
وآنا في قلبك - فخوراً
فاز بـ اللذات ، منهو :
كان يا عمري " جسوراً "

[max]

تدري وش يكتِب غيابك
صفحة أيامي : الأخيره :
إستخار القلب بُعدك بس ،
ما حسيّت خيره !

إنت راضي !
وإلا قلبك من شعور الحُب فاضي ؟
ما أبي أكثر أحبك ،
وما أبيك تصير ماضي

إعترافي
لك حقيقه ما يخون الجرح ، وافي
جرحي من غيرك رفيقه ؟
يا حبيبي [ بس كافي ]

شفت ناتج هـ الخطايا ؟
كل شي ميّت : بـ عيني
ما أبي منّك ( هدايا )
لأني أصلاً .. ما أبيني

سافَرَت عنّي عيونك
وصوتي يبكي من سكوتي
يوم ميلادي بدونك
صار عندي [ يوم موتي ]

[max]

مثل هالبرد
أحس إن اللقى بارد
ومات الصيف وأحس الحب
ماهو حب هـ المره
أحسه طيف
حبيبي ما أحس إنك حبيبي
قمت أحسك [ ضيف ]

[max]

طيح واقف ، مهما فيك الوقت دار
كون شامخ لو تضيق الأرض فيك
وخل هالكلمه في بالك بإختصار
حاجتك للناس , محسوبه عليك

[max]

لا قلت : إختار بين / وبين
بختار : الأثنين ، عمياني
قلبك ووجهك ترى حلوين
كل واحد أحلى من الثاني

[max]

كأن العصافير تحيط فجراً بأحاديثه



على طاري . هذاك الباب ! و جرح أقراب ......


و دمعة / طاحت / تسولف من : الضيقة


و : أشق ثياب آنا ( ما أهاب )


و قلبك ما يهاب " الموت " مثلي ,


[ أجيك أحبـاااب ] تجي – واحد !


شَرَب فنجال قتلي...... أصك الباب


تفتح باب !! تبيني للـ جروح ,’, أحكي ,’,


عن جروحي . . . و عن . . . روحي


و أبكي ! { ليه ما أبكي ؟! }


مدامك للـ دموع – أسباب !

[max]

صباحك / خير , لكنَّه صباحي عن صباحك / غير !


أعبِّر عن صباحي فيك .. و يخونك ( فيني ) تعبيرك ..


ح ـبيبي شفتك قبالي تردِّد : يا [ صباح الخير ]


وأنا ردَّدت في شوفك – صباحي إنت , مو غيرك -

[max]

( الحقيقة ) وين ؟ و ( إنت ) الحين / وينك !؟
لا مصالحني ....... !! ولا حتى محارب
{ حلمنا } كابوس وكله من إيدينك
أكتشف لي ما خفاني من : تجارب
جيت " أبني " الحب , مابيني وبينك ,
كنت أضما ! من حناني وإنت شــارب
ما يدوم الحظ لو دامت سنينك !
دنيتك [ ساعه ] .. و أيامك – عقارب

[max]

كنت أظن الحظ جابك و | إبتسَم

أثر أنا و ( الحظ ) . . . مانواطن بعض !!
الأمل في دنيتي .. يامـا .. إنهدَم .
و " الفَرَح " ما يوم في عمري – ومَض
جرح ( غيري ) بـ إختياره : إلتئَم !!
و آنا جرحي ؟ ليه عـ القلب / إنفرَض ؟!
ليت قلبي من جروحه , إفتهَم ,
غيري عـاش الجرح .. مرّه .. و إتّعَض


مايحس [ القلب ] من كثر | الألَم
راحت الراحه . . . وعلى اللـه العَوَض .
جيت من أقصاي وماكان العشَم
تصدِم إللي صوبك إحساسه - رِكَض ،
من يعلّم { طيبتي } :: درب الندَم ::
دام صارت " نيتي البيضاء " ~ مرَض !
ما ألوم القلب عايش في وهَم
يكفي .. يثبت لي [ حياتي ] لا نُبَض
قلبي من دنياي " عمره " ما : سلَم
.. كل ما زانت .. لي الحظ - إعتَرَض !
كنت أظن الحظ جابك و | إبتسَم
قبل مايقفي بك و ( نخسِر ) . . . بعض !!